Boltaleikir settir á ís í bili
Knattspyrnusamband Íslands hefur ákveðið vegna aðstæðna í samfélaginu og hertra aðgerða yfirvalda til að sporna við útbreiðslu kórónuveirufaraldursins, að fresta mótahaldi innanlands í öllum aldursflokkum í eina viku. Þá verður ákvörðun tekin um framhaldið. Körfuknattleikssamband Íslands hefur af sömu ástæðu frestað öllum leikjum á sínum vegum til og með 19. október.
Það er því ljóst að Tindastólsmenn heimsækja ekki KR í Vesturbæinn í Dominos-deildinni annað kvöld og þá er óráðið hvenær Stólastúlkur mæta Húsvíkingum á Króknum í lokaumferð Lengjudeildarinnar og taka við bikarnum fyrir sigur í deildinni. Þá átti karlalið Tindastóls að fara austur á Vopnafjörð á laugardag en af því verður ekki í bili.
Efalaust hafa margir verið spenntir að sjá lið Tindastóls tækla KR-ingana hans Darra Skagfirðings í körfunni en verra er að söguleg stund á Króknum, þegar Stólastúlkur fengju afhentan bikar fyrir sigur í Lengjudeildinni, frestast nú um óákveðinn tíma. „Þær eru gífurlega svekktar stelpurnar okkar með að fá ekki að spila leikinn núna á föstudag því þær hlakkar mikið til stóru stundarinnar með ykkur. Ég vona því svo sannarlega að þið munið (og megið) koma og fagna með okkur þó síðar verði,“ segir Jón Stefán Jónsson, annar þjálfari Stólastúlkna, í skilaboðum til stuðningsmanna Tindastóls á Facebook.
Jónsi segir að liðið vilji að sjálfsögðu helst fá bikarinn að fótboltaleik loknum og með sínu stuðningsfólki þar sem allir samgleðjast. Sá möguleiki er auðvitað fyrir hendi að ekki verði unnt að klára mótið ef illa gengur að vinna á veirunni skæðu og þá gæti þurft að fagna með öðrum hætti þegar þar að kemur. Jónsi tekur fram að KSÍ stefni á að klára mótið þannig að hann gerir sér vonir um að leikurinn verði spilaður.
„Að þessu sögðu þá skiljum við ákvörðun KSÍ fullkomlega og bíðum þolinmóð eftir stóru stundinni. Þangað til þar að kemur þurfum við að komast yfir í baráttunni við sameignlegan andstæðing okkar allra þessa stundina, þessa helv.. veiru,“ segir Jónsi að lokum.
Fleiri fréttir
-
Heilbrigðisþjónusta utan lögheimilis – Mismunun og kostnaður foreldra
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 25.11.2024 kl. 15.38Nú er verið að ganga til kosninga og því vill ég nýta tækifærið til að vekja athygli á mikilvægi heilbrigðisþjónustu utan lögheimilis, sérstaklega þegar kemur að þjónustu fyrir börn, kostnaður og álag á fjölskyldur sem þurfa að ferðast langar leiðir til að leita eftir heilbrigðisþjónustu. Kerfið þarf að bæta og tryggja að allar fjölskyldur, óháð búsetu, fái sanngjarna meðferð þegar kemur að aðgengi að heilbrigðisþjónustu.Meira -
„Mamma vissi að ég yrði kennari“
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 25.11.2024 kl. 09.53Álfhildur Leifsdóttir er oddviti VG í Norðvestur kjördæmi í komandi kosningum. Álfhildur er einstæð móðir 11, 17 og 18 ára snillinga og á að auki einn afar vel heppnaðan tengdason. Hún er frá Keldudal í Skagafirði og ólst þar upp við bústörf en undanfarin ár hefur Álfhildur og fjölskyldan búið á Sauðárkróki. Þar kennir hún við Árskóla og er sveitarstjórnarmaður hjá Skagafirði og óhætt að segja að boltarnir hennar Álfhildar séu fleiri sem hún heldur á lofti.Meira -
Fátt betra en að gleyma sér yfir sentimetrum og millimetrum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 17.27Stefán Vagn Stefánsson oddviti Framsóknar í Norðvesturkjördæmi er fæddur og uppalinn á Sauðárkróki giftur Hrafnhildi Guðjónsdóttur félagsráðgjafa og á með henni þrjú börn, Söru Líf, Atla Dag og Sigríði Hrafnhildi (Lillu). Tvö barnabörn, Rebekku og Stefán Brynjar (og eitt á leiðinni).Meira -
Vertu sól | Leiðari 44. tbl. Feykis
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla, Lokað efni 24.11.2024 kl. 16.04Kosningar færast óðfluga nær og hjá sumum ríkir töluverð eftirvænting, spenna eða jafnvel þórðargleði en aðrir eru fyrir löngu orðnir hundleiðir á þessari tík og vildu helst lóga henni.Meira -
Fannst tilvalið þegar hún var 14 ára gömul að sauma skírnarkjól
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 15.51Fanney Rós er fædd og uppalin á Sauðárkróki og býr í Raftahlíðinni með syni sínum, Sebastían Leó. Fanney Rós vinnur í Árskóla og er umsjónarkennari í 3. bekk.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.