Bolludagsbollur
Nú er bolluvertíðin í hámarki, bolludagur á mánudaginn og landsmenn munu væntanlega hesthúsa fjölmargar bollur um helgina. Það er kannski að bera í bakkafullan lækinn að birta bolluuppskriftir þar sem alnetið er stútfullt af slíkum þessa dagana. Tilbrigðin eru ótalmörg og í sjálfu sér eru því kannski lítil takmörk sett með hverju fylla má bollurnar, bara nota það sem bragðlaukunum líkar og láta hugmyndaflugið ráða.
En hér á eftir fylgja tvær útfærslur, sú fyrri en sænsk marsipanbolla eða semla eins og Svíarnir kalla þær og sú síðari er án eggja og mjólkur sem margir hafa óþol eða ofnæmi fyrir.
Bollur með marsipani
1 dl mjólk
50 g pressuger (eða 1 bréf þurrger)
150 g smjör við stofuhita
1 egg
1 dl sykur
6½ dl hveiti
Fylling:
150 g marsípan
50 g smjör við stofuhita
1½ dl sykur
Ofan á:
150 g suðusúkkulaði
Aðferð:
Hitið mjólkina upp í 37 gráður og leysið gerið upp í henni. Blandið saman hveiti (geymið hluta þess til að hnoða með), smjöri, eggi og sykri og bætið mjólkinni út í. Hnoðið, breiðið klút yfir skálina og látið svo hefast í klukkutíma.
Meðan deigið hefast er marsipanið í fyllinguna mulið niður og blandað saman við smjörið og sykurinn.
Þegar deigið hefur hefast er því skipt í tvennt og rúllað upp. Hverjum hluta skipt í sex parta og marsipanfylling sett á hvern fyrir sig. Teygið deigið yfir fyllinguna svo hún renni ekki út og mótið svo bollur. Leggið þær með samskeytin niður á plötu, breiðið yfir og látið hefast aftur í 40 mínútur.
Bakið í miðjum ofni við 225°C í 10 mínútur. Breiðið stykki yfir og látið kólna.
Bræðið súkkulaði og setjið á toppinn á hverri bollu.
Bollur án eggja og mjólkur
50 g pressuger eða 1 bréf þurrger
2 dl sykur
1 tsk. salt
2 tsk. kardimommur
2 dl olía (ath. tegund ef um ofnæmi er að ræða og ekki nota bragðsterka olíu)
900 g hveiti
6 dl vatn 37°C (mjólk eða undanrenna fyrir þá sem þola)
Aðferð:
Setjið vökvann í skál og pressugerið út í. Stráið smávegis af sykrinum yfir. Látið freyða.
Setjið hveiti, kardimommur og sykur út í og hnoðið. Bætið olíunni við og hnoðið vel. Látið lyfta sér þar til deigið hefur tvöfaldast að rúmmáli. Skiptið í bollur og látið lyfta sér aftur. Penslið með bræddu smjöri eða smjörlíki ef vill.
Bakið við 210°C í um það bil 12-15 mínútur. Setjið þeyttan gervirjóma eða rjóma inn í ásamt öðru því sem tilheyrir rjómabollum.
Fleiri fréttir
-
Hressandi að skella sér í sjósund
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 17.15Ingibjörg Davíðsdóttir er oddviti Miðflokksins frá bænum Arnbjargarlæk í Þverárhlíð í Borgarbyggð, fædd á Akranesi 1970 og á einnig ættir að rekja til Breiðafjarðareyja, Reykhóla og Múla á Barðaströnd. Ingibjörg á eina uppkomna dóttur og á heima í sveitinni og Garðabæ. Hún er sendiherra og stjórnarformaður Íslenska fæðuklasans. Hefur starfað í utanríkisþjónustunni í ríflega 25 ár, meðal annars sem sendiherra Íslands í Noregi, ráðgjafi forsætisráðherra í utanríkismálum ásamt því að starfa í sendiskrifstofum Íslands í Genf, Vínarborg og London. Ingibjörg tók sér leyfi frá utanríkisþjónustunni í fyrra og stofnaði Íslenska fæðuklasann.Meira -
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira -
Afmælisveisla Hvatar er einmitt í dag!
feykir.is Austur-Húnavatnssýsla, Mannlíf, Lokað efni 23.11.2024 kl. 09.45Félagar í Ungmennafélaginu Hvöt á Blönduósi fagna í dag stórafmæli félagsins en í dag eru nákvæmlega 100 ár og tveir dagar frá stofnun þess árið 1924. Af þessu tilefni verður afmælishátíð í Íþróttamiðstöðinni á Blönduósi og hefst dagskráin kl. 13:00 og verður margt til gamans gert.Meira -
Eflum ferðaþjónustu í Norðvesturkjördæmi | Heiðdís Rós Eyjólfsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 09.45Ferðaþjónustan hefur verið ein af leiðandi ástæðum fyrir vaxtaþrótti íslensks samfélags undanfarin ár og eftirspurn eftir íslenskri ferðaþjónustu hefur vaxið af miklum krafti þótt jarðhræringarnar á Reykjanesskaga hafi leitt til ákveðinnar hnignunar. Þrátt fyrir allt hefur fjöldi erlendra ferðamanna á fyrstu níu mánuðum ársins verið lítillega yfir fjölda síðasta árs en fjöldi gistinátta hefur hins vegar dregist saman. Eins og kemur fram í þjóðhagsspá Hagstofunnar í nóvember er búist við því að fjöldi erlendra ferðamanna haldist stöðugur á næsta ári í 2,3 milljónum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.