Appelsínugul veðurviðvörun í rúman sólarhring
Í gær spáði Veðurstofan vonskuveðri í dag og á morgun og er fastlega reiknað með að spáin gangi eftir. Það má því reikna með að um kl. 15 í dag verði orðið bálhvasst en þá tekur appelsínugul veðurviðvörun yfir á Norðurlandi vestra og er spáð vonskuveðri á öllu landinu þegar líður að kveldi. Lögreglan leggur að fólki að koma lausamunum í skjól, fylgjast vel með veðurspám, færð á vegum og skyggni.
Veðurspáin fyrir allt landið er á þessa leið fyrir daginn í dag og morgundaginn er á þessa leið: „Suðvestan 10-18 m/s og él, hvassast sunnan- og vestanlands. Vaxandi sunnanátt eftir hádegi með rigningu eða slyddu, sunnan og suðvestan 20-28 í kvöld, en hvassari á stöku stað og hviður yfir 40 m/s. Talsverð rigning, en úrkomuminna norðaustanlands. Hlýnar í veðri, hiti 2 til 8 stig í kvöld.
Hægari um tíma í nótt. Sunnan 23-30 í fyrramálið og talsverð rigning, en líklega hægari og snjókoma á Vestfjörðum. Dregur síðan úr vindi og úrkomu, fyrst vestantil. Hiti 1 til 14 stig, hlýjast í hnjúkaþey fyrir norðan. Suðvestan 13-20 annað kvöld og él. Kólnar í veðri.“
Fleiri fréttir
-
Thai kjúklingaréttur og Toblerone-mús | Matgæðingar Feykis
feykir.is Skagafjörður, Í matinn er þetta helst, Lokað efni 05.02.2025 kl. 10.37Matgæðingar vikunnar í tbl 17, 2024 voru Guðrún Sonja Birgisdóttir og Magnús Eyjólfsson. Guðrún og Magnús eru eigendur af Retro Mathús sem þau reka á sumrin á Hofsósi en á veturna starfar Guðrún í Vörumiðlun og Mangi bæði múrar og flísaleggur. Guðrún er uppalin í Skagafirði, bæði á Sauðárkróki og á Hofsósi, en Magnús ólst aðallega upp í Svíþjóð en þau eru búsett á Hofsósi í dag.Meira -
Opið bréf til sveitarstjóra og sveitarstjórnar skagafjarðar
feykir.is Skagafjörður 05.02.2025 kl. 09.15Starfsmenn leikskólans Ársala sem ekki eru í verkfalli senda frá sér opið bréf til sveitarstjóra og sveitarstjórnar Skagafjarðar.Meira -
Tvær að koma og tvær að fara
feykir.is Skagafjörður, Lokað efni 04.02.2025 kl. 15.32Þau tíðindi eru í körfunni á Sauðárkróki að tvær nýjar hafa komið til liðs við kvennalið Tindastóls í Bónus deildinni en á móti hafa tvær yfirgefið liðið.Meira -
Dalasetur með toppeinkunn frá gestunum
feykir.is Skagafjörður, Lokað efni 04.02.2025 kl. 13.45Dalasetur fékk skemmtileg skilaboð í vikunni frá Booking að þeir hefðu unnið 2025 Traveller Review Award, en þessi viðurkenning er samansafn af umsögum og endurgjöfum frá gestum Dalaseturs sem dvalið hafa þar. Feykir hafði samband við Daníel Þórarinsson í Dalasetri og heyrði í honum hljóðið.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.