Ásta Ólöf heldur áfram að láta gott af mér leiða
Ásta Ólöf sem nýverið var valinn Maður ársins á Norðurlandi vestra heldur áfram að láta gott af sér leiða. Þetta kemur fram á Facebooksíðu Skagafjarðar.
Eins og margir muna þá efndi Ásta til söfnunar fyrir hjóli fyrir hreyfihamlaða og gaf fjölskyldusviði Skagafjarðar svo hjólið sem kemur til með að nýtast afar vel. Ásta er ekki hætt en í vikunni kom hún færandi hendi og afhenti Sundlaug Sauðárkróks göngugrind og afhenti Iðju-hæfingu hjólastól og hjálm til að nota á hjólið góða. Þá pantaði Ásta einnig auka rafhlöðu í hjólið sem von er á á næstu dögum.
Við látum orð Ástu fylgja hér með: „Söfnunin fyrir hjólinu gekk það vel á síðasta ári að það varð afgangur. Ég fór því í verslunarleiðangur þegar ég átti ferð suður í byrjun vikunnar. Ég lagði inn pöntun fyrir auka rafhlöðu fyrir hjólið og keypti auk þess hjólastól til þess að hægt væri að bjóða hreyfihömluðum í hjólatúr þó þeir noti ekki hjólastól í daglegu lífi. Þá keypti ég göngugrind sem ég færði sundlaugarinni á Sauðárkróki til notkunar fyrir gesti sem eiga erfitt með gang á sundlaugarbakkanum. Megi þetta nýtast sem best” sagði Ásta að lokum.
Frábært framtak hjá Ástu Ólöfu viðtal verður við hana í næsta tb.Feykis.
Fleiri fréttir
-
Dalasetur með toppeinkunn frá gestunum
feykir.is Skagafjörður, Lokað efni 04.02.2025 kl. 13.45Dalasetur fékk skemmtileg skilaboð í vikunni frá Booking að þeir hefðu unnið 2025 Traveller Review Award, en þessi viðurkenning er samansafn af umsögum og endurgjöfum frá gestum Dalaseturs sem dvalið hafa þar. Feykir hafði samband við Daníel Þórarinsson í Dalasetri og heyrði í honum hljóðið.Meira -
Fuglainflúensa greindist í ref í Skagafirði
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 04.02.2025 kl. 12.02Þann 30. janúar bárust Matvælastofnun niðurstöður rannsókna Tilraunastöðvar HÍ að Keldum á sýnum sem tekin voru úr ref sem aflífaður var í Skagafirði. Íbúi sá refinn og tók eftir að hann var augljóslega veikur; mjög slappur, hreyfði sig lítið og var valtur á fótunum. Tilkynnt var um refinn til Matvælastofnunar, reyndar refaskyttur voru fengnar til að aflífa hann, hræið sent til rannsókna á Keldum og greindist hann með fuglainflúensu af gerðinni H5N5. Í ljósi þessa vill Matvælastofnun biðja fólk að vera vakandi fyrir sjúkdómseinkennum eða óeðlilegri hegðun í refum og senda stofnuninni tilkynningu ef það verður vart við veika eða dauða refi.Meira -
Verkefni lögreglunnar á Norðurlandi vestra fjölbreytt í janúar
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 04.02.2025 kl. 11.24Á heimasíðu Lögreglunnar á Norðurlandi vestra segir að alls voru á fimmta hundrað mál skráð hjá embættinu í janúarmánuði og eru verkefni lögreglunnar á landsbyggðinni oft æði fjölbreytt, allt frá því að flagga íslenska fánanum á nýársdag að því að leita að týndu barni.Meira -
Tveir sérar ráðnir í afleysingu
feykir.is Skagafjörður, Austur-Húnavatnssýsla 04.02.2025 kl. 10.55Liðsauki í Skagafjarðarprestakall annars vegar og Húnavatnsprestakall hins vegar. Gengið hefur verið frá ráðningu tveggja presta til afleysingaþjónustu í prestaköllunum frá byrjun febrúar og næstu mánuði.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.