Blómlegt starf hjá USAH
Það er mikiðum að vera hjá USAH þessa dagana en þar er nýlokið héraðsmóti og í dag er það svo yngsta kynslóðin sem fær að njóta sín á barnamóti. Framundan er svo Blönduhlaupið sem haldið er á Húnavöku ár hvert.
Barnamót USAH verður haldið á Blönduósi í dag, miðvikudaginn 17. júlí, og hefst það klukkan 18:00.
Mótið er ætlað börnum sem fædd eru árið 2009 eða síðar, þ.e. 10 ára og yngri.
Keppnisgreinar eru 60 m hlaup, 600 m hlaup, boltakast og langstökk. að móti loknu fá allir viðurkenningu og hressingu. USAH hetur alla foreldra, ömmur, afa, frænkur, frændur, systkin eða þá sem það geta til að mæta með börnin og hafa gaman.
Héraðsmót USAH í frjálsum íþróttum var haldið í síðustu viku, dagana 10. og 11. júlí. Góð þátttaka var í mótinu sem fram fór á Blönduóssvelli. Keppendur frá fjórum félögum háðu keppni en keppt var í fimm aldursflokkum, 10-11 ára, 12-13 ára, 14-15 ára 16-19 ára og 20 ára og eldri.
Það var Umf. Hvöt á Blönduósi sem fór með sigur af hólmi í stigakeppni félaganna en liðið hlaut 426,5 stig. Í öðru sæti varð Umf. Fram á Skagaströnd með 391 stig, UMFB varð í þriðja sæti með 282 stig og Umf. Geislar varð í fjórða sæti með 240,5 stig.
Blönduhlaupið verður svo haldið á laugardaginn kemur, þann 20. júlí, en það er árviss atburður á Húnavöku. Hlaupið verður ræst klukkan 11:00 við útibú Arion banka við Húnabraut.
Keppt verður í þremur flokkum:
2,5 km: 15 ára og yngri – 16 ára og eldri (skemmtiskokk).
5,0 km: 15 ára og yngri – 16 til 34 ára – 35 ára og eldri.
10 km: 34 ára og yngri – 35 ára og eldri.
Þátttökugjald er 1.500 kr. fyrir 12 ára og yngri og 2.500 kr. fyrir 13 ára og eldri. Þátttakendur fá frítt í sund hjá íþróttamiðstöðinni á Blönduósi að hlaupi loknu.
Skráning í hlaupið fer fram í Félagsheimilinu á Blönduósi klukkan 10:00 á hlaupadag en einnig er hægt að forskrá sig í hlaupið með því að senda tölvupóst á usah540@simnet.is
Fleiri fréttir
-
Hefur gaman af því að tala og vera í félagsskap annarra
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 25.11.2024 kl. 17.01Arna Lára Jónsdóttir er Vestfirðingur, borin og barnfædd Ísfirðingur, þar sem hún hef búið mest megnið af sínu lífi fyrir utan námsárin í Reykjavík og Kaupamannahöfn. Sambýlismaður hennar er Ingi Björn Guðnason og eiga þau þrjú börn, Hafdísi, sem stundar doktorsnám í efnafræði í Bretlandi, Helenu, sem er í stýrimannaskólanum og Dagur, sem býr enn í foreldrahúsum. Arna er bæjarstjóri Ísafjarðarbæjar og tekur nú oddvitasæti Samfylkingar í Norðvesturkjördæmi.Meira -
Heilbrigðisþjónusta utan lögheimilis – Mismunun og kostnaður foreldra
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 25.11.2024 kl. 15.38Nú er verið að ganga til kosninga og því vill ég nýta tækifærið til að vekja athygli á mikilvægi heilbrigðisþjónustu utan lögheimilis, sérstaklega þegar kemur að þjónustu fyrir börn, kostnaður og álag á fjölskyldur sem þurfa að ferðast langar leiðir til að leita eftir heilbrigðisþjónustu. Kerfið þarf að bæta og tryggja að allar fjölskyldur, óháð búsetu, fái sanngjarna meðferð þegar kemur að aðgengi að heilbrigðisþjónustu.Meira -
„Mamma vissi að ég yrði kennari“
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 25.11.2024 kl. 09.53Álfhildur Leifsdóttir er oddviti VG í Norðvestur kjördæmi í komandi kosningum. Álfhildur er einstæð móðir 11, 17 og 18 ára snillinga og á að auki einn afar vel heppnaðan tengdason. Hún er frá Keldudal í Skagafirði og ólst þar upp við bústörf en undanfarin ár hefur Álfhildur og fjölskyldan búið á Sauðárkróki. Þar kennir hún við Árskóla og er sveitarstjórnarmaður hjá Skagafirði og óhætt að segja að boltarnir hennar Álfhildar séu fleiri sem hún heldur á lofti.Meira -
Fátt betra en að gleyma sér yfir sentimetrum og millimetrum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 17.27Stefán Vagn Stefánsson oddviti Framsóknar í Norðvesturkjördæmi er fæddur og uppalinn á Sauðárkróki giftur Hrafnhildi Guðjónsdóttur félagsráðgjafa og á með henni þrjú börn, Söru Líf, Atla Dag og Sigríði Hrafnhildi (Lillu). Tvö barnabörn, Rebekku og Stefán Brynjar (og eitt á leiðinni).Meira -
Vertu sól | Leiðari 44. tbl. Feykis
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla, Lokað efni 24.11.2024 kl. 16.04Kosningar færast óðfluga nær og hjá sumum ríkir töluverð eftirvænting, spenna eða jafnvel þórðargleði en aðrir eru fyrir löngu orðnir hundleiðir á þessari tík og vildu helst lóga henni.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.