Bloggið hans Jóns
Það er ekki laust við að ég vorkenni Jóni Bjarnasyni, sjávarútvegs- og landbúnaðarráðherra. Hann er í stjórnmálaflokki sem fékk þúsundir atkvæða í seinustu kosningum vegna andstöðu sinnar við inngöngu Íslands í Evrópusambandið. Strax eftir kosningar tók flokkurinn u-beyju í þeirri stefnu og sótti um aðild að ESB! Segja reyndar að þrátt fyrir aðildarumsókn séu þeir á móti ESB! Er hægt að skilja þetta? Samt greiddi flokkurinn, ásamt Samfylkingu, atkvæði gegn tillögu sem borin var upp á Alþingu þess efnis að íslenska þjóðin fái að greiða atkvæði um væntanlegan samning um inngöngu Íslands í ESB. Það virðist reyndar hafa farið framhjá mörgum í ESB-umræðunni.
Í bloggi sínu fjallar Jón um Gallup-könnunina sem sýnir að 6 af hverjum 10 Íslendingum eru á móti ESB og meirihlutinn vildi ekki sækja um aðild. Hann tekur undir með þeim sem finnst margt brýnna fyrir stjórnsýsluna að gera um þessar mundir en að þreyta Evruprófið. Jón segir reyndar að "tugir manna sitji kófsveitt við að svara löngum spurningarlistum frá Evrópusambandinu." Ég skil vel svekkelsi Jóns, þar sem hann stóð á móti þessu. En hver ber ábyrgð á þessari ESB-umsókn? Það er ríkisstjórnin sem Jón Bjarnason er ráðherra í. Vegna andstöðu Jóns er honum reyndar ýtt til hliðar í ESB umræðunni og menntamálaráðherra færð að borðinu. Ætli ríkisstjórnin telji að sá málaflokkur verði snúnari í aðildarviðræðunum en sjávarútvegs- og landbúnaðarmál?
Í bloggi sínu óskar Jón vinstri meirihlutanum á Noregi til hamingju með kosningasigurinn. Hann getur þess ekki að sósíalski vinstriflokkurinn sem er systurflokkur VG tapaði miklu fylgi og hefur nú aðeins 11 þingmenn í stað 15. Þar fer fyrir vinkona Steingríms, Kristín Halvorsen, sem hefur ekki verið að vanda Íslendingum kveðjurnar.
Af vinstriflokkunum var það verkamannaflokkurinn undir forystu Jens Stoltenberg sem sigraði. Jón fagnar því að umsókn um aðild að ESB er ekki á dagskrá í Noregi!!
Eftir að hafa lesið bloggið hans Jóns er ekki annað að sjá, en að hann sé í vitlausum flokki. Hann tilheyrir flokki þar sem umsókn um ESB aðild er ekki á dagskrá, nema að þjóðin vilji það. Hann tilheyrir flokki þar sem hin gömlu góðu gildi eru endurvakin, þar sem frelsi einstaklingsins er viðurkennt innan eðlilegra marka, þar sem verkafólk, bændur og sjómenn fá að njóta vinnu sinnar, þar sem öryggisnetið er fyrir þá sem á því þurfa að halda, þar sem stétt er með stétt.
En hann er í flokki þar sem sótt er um aðild að ESB. Hann er í flokki sem þvælist fyrir atvinnuppbyggingu á landsbyggðinni. Hann starfar með flokki sem unnið hefur gegn íslenskum landbúnaði. Hann er í ríkisstjórn þar sem forystumenn flokkanna virðast ávallt taka afstöðu með útlenskum. T.d. var furðulegt að sjá og heyra viðbrögð þeirra við andsvari nýlenduherranna við icesafe-fyrirvörum Alþingis, sem átti að pukrast með í bakherbergjum.
Er Jón að koma heim?
Gísli Gunnarsson
Fleiri fréttir
-
Tómar tilviljanir urðu til þess að Andri Már er óvart kominn með hljómsveit í Mexíkó
feykir.is Skagafjörður, Listir og menning, Lokað efni 15.03.2025 kl. 22.41„Veðrið er frábært! Núna er klukkan átta að morgni og hitinn er um 10 gráður, svo fer hitinn upp í 25-30 gráður yfir daginn svo það er eins gott að eiga góðan kúrekahatt til að skýla sér fyrir sólinni,“ segir Andri Már Sigurðsson, tónlistarmaður og Króksari í Mexíkó, þegar Feykir tekur hann tali og byrjar að sjálfsögðu á því að spyrja um veðrið. Viðtalið snýst þó ekki um veður, heldur tónlist og hvernig Andri Már stofnaði óvart hjómsveit í MexíkóMeira -
Gestirnir höfðu betur í baráttuleik
feykir.is Skagafjörður, Íþróttir, Lokað efni 15.03.2025 kl. 21.28Það var boðið upp á markaveilsu í blíðunni á Króknum í dag þegar lið Tindastóls tók á móti sameinuðu liði Hattar/Hugins að austan í Lengjubikarnum. Jafnt var í hálfleik, 1-1. en fjör færðist í markaskorunina í síðari hálfleik og fór svo á endaum að gestirnir unnu leikinn 3-4 eftir mark í uppbótartíma.Meira -
Það er sjö stiga hiti í veðurkortunum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 15.03.2025 kl. 21.21Það er ekki ólíklegt að flestir aðrir en skíðavinir gleðjist yfir veðurspánni næstu daga. Það eru vorhlýindi í kortunum og stöðugleikinn svo einstakur að sumir gætu jafnvel haldið að vefur Veðurstofunnar væri bilaður – þannig er til dæmis spáð sjö stiga hita á hádegi á Sauðárkróki næstu fimm daga eða alveg fram á fimmtudag hið minnsta.Meira -
Stefnt að endurnýjun rafkerfisins í kirkjugarði Blönduóss
feykir.is Austur-Húnavatnssýsla, Mannlíf 15.03.2025 kl. 21.19Húnahornfið segir frá því að á aðalfundi Kirkjugarðs Blönduóss, sem fram fór 12. mars síðastliðinn, var samþykkt að á næstu þremur árum yrði unnið að endurnýjun rafmagnskerfisins í kirkjugarðinum og að sett yrði upp tenglahús fyrir jólaljósin. Þá var samþykkt að ganga frá göngustígum í nýjasta hluta garðsins og setja mottur, eins og eru á stígunum sem liggja í gegnum garðinn. Lausleg kostnaðaráætlun vegna þessara framkvæmda er um átta milljónir króna.Meira -
Njarðvíkingar brugðu fæti fyrir lið Tindastóls
feykir.is Skagafjörður, Íþróttir, Lokað efni 14.03.2025 kl. 09.48Tindastólsmenn spiluðu í gær við lið Njarðvíkur í spunkunýju Ljónagryfjunni í næstsíðustu umferðinni í Bónus deildinni þennan veturinn. Umræðan hjá spekingum hefur mestmegnis verið á þá leið að það væri nánast formsatriði fyrir Stólana að tryggja sér deildarmeistaratitilinn en útileikur í Njarðvík og heimaleikur gegn Val eru ekki beinlínis léttasta leiðin að deildarmeistaratitlinum þegar allt er í járnum. Það fór svo að Njarðvíkingar voru frískari og þá sér í lagi byrjunarlið þeirra sem skoraði öll stig liðsins utan einhverra sex sem SnjólfurStefánsson gerði. Lokatölur voru 101-90.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.