Bjarni Jónasson íþróttamaður ársins
Það var hinn sigursæli hestamaður úr Léttfeta, Bjarni Jónasson sem hreppti titilinn Íþróttamaður Skagafjarðar við hátíðlega athöfn í Húsi frítímans í gær. Fjöldi manns var viðstaddur athöfnina.
Í upphafi dagskrár var forráðamönnum íþróttafélaga eða deilda afhent umslag sem innihélt peninga sem er afrakstur Unglingalandsmóts sem haldið var á Sauðárkróki í sumar. Þegar saman er tekið telur upphæðin nokkrar milljónir króna.
Fjöldi ungs og efnilegs íþróttafólks var veitt viðurkenning fyrir dugnað og árangur í sínum greinum en UMSS á fjöldan allan af hæfileikafólki í öllum greinum íþrótta. Þrennt fékk viðurkenningu fyrir það afrek að synda Drangeyjar og Grettissund. Sjá HÉR
En það var Bjarni Jónasson, félagi í hestamannafélaginu Léttfeta, sem bar sigur úr býtum í kjöri til Íþróttamanns Skagafjarðar en stóð hann sig með miklum ágætum á árinu 2009. Keppti hann og sýndi hross víða, bæði hérlendis og erlendis. Allsstaðar komst hann í úrslit og oftar en ekki hafði hann sigur.
Helstu afrek hans í íþróttagreinum hestamennskunnar voru eftirfarandi:
Héraðsmót UMSS 1.sæti tölt
Fjórðungsmót Vesturlands 3.sæti tölt og valinn knapi mótsins.
Íslandsmót í hestaíþróttum 6.sæti fjórgangur, 5.sæti tölt og 1.sæti sameiginlegur árangur í fjórgangsgreinum.
Fákaflug 1.sæti tölt.
Þýska skeiðmeistaramótið 1.sæti 250m. skeið.
Auk þessa var Bjarni með mjög góðan alhliða árangur og má þar helst nefna:
Sigraði bæði A og B flokk hjá Léttfeta, sigraði bæði A og B flokk á Fákaflugi.
Sigraði B flokk á Fjórungsmóti Vesturlands.
Hann var kjörinn kynbótaknapi Skagafjarðar og útnefndur sem einn af fimm bestu gæðingaknöpum Íslands 2009.
Einnig sýndi hann hryssu í hæsta hæfileikadóm í heiminum árið 2009.
Bjarni er íþróttamaður góður, algjör reglumaður og kemur ætið vel undirbúinn til keppni.
Hann er vel að titlinum Íþróttamaður Skagafjarðar kominn.
Fleiri fréttir
-
Tómar tilviljanir urðu til þess að Andri Már er óvart kominn með hljómsveit í Mexíkó
feykir.is Skagafjörður, Listir og menning, Lokað efni 15.03.2025 kl. 22.41„Veðrið er frábært! Núna er klukkan átta að morgni og hitinn er um 10 gráður, svo fer hitinn upp í 25-30 gráður yfir daginn svo það er eins gott að eiga góðan kúrekahatt til að skýla sér fyrir sólinni,“ segir Andri Már Sigurðsson, tónlistarmaður og Króksari í Mexíkó, þegar Feykir tekur hann tali og byrjar að sjálfsögðu á því að spyrja um veðrið. Viðtalið snýst þó ekki um veður, heldur tónlist og hvernig Andri Már stofnaði óvart hjómsveit í MexíkóMeira -
Gestirnir höfðu betur í baráttuleik
feykir.is Skagafjörður, Íþróttir, Lokað efni 15.03.2025 kl. 21.28Það var boðið upp á markaveilsu í blíðunni á Króknum í dag þegar lið Tindastóls tók á móti sameinuðu liði Hattar/Hugins að austan í Lengjubikarnum. Jafnt var í hálfleik, 1-1. en fjör færðist í markaskorunina í síðari hálfleik og fór svo á endaum að gestirnir unnu leikinn 3-4 eftir mark í uppbótartíma.Meira -
Það er sjö stiga hiti í veðurkortunum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 15.03.2025 kl. 21.21Það er ekki ólíklegt að flestir aðrir en skíðavinir gleðjist yfir veðurspánni næstu daga. Það eru vorhlýindi í kortunum og stöðugleikinn svo einstakur að sumir gætu jafnvel haldið að vefur Veðurstofunnar væri bilaður – þannig er til dæmis spáð sjö stiga hita á hádegi á Sauðárkróki næstu fimm daga eða alveg fram á fimmtudag hið minnsta.Meira -
Stefnt að endurnýjun rafkerfisins í kirkjugarði Blönduóss
feykir.is Austur-Húnavatnssýsla, Mannlíf 15.03.2025 kl. 21.19Húnahornfið segir frá því að á aðalfundi Kirkjugarðs Blönduóss, sem fram fór 12. mars síðastliðinn, var samþykkt að á næstu þremur árum yrði unnið að endurnýjun rafmagnskerfisins í kirkjugarðinum og að sett yrði upp tenglahús fyrir jólaljósin. Þá var samþykkt að ganga frá göngustígum í nýjasta hluta garðsins og setja mottur, eins og eru á stígunum sem liggja í gegnum garðinn. Lausleg kostnaðaráætlun vegna þessara framkvæmda er um átta milljónir króna.Meira -
Njarðvíkingar brugðu fæti fyrir lið Tindastóls
feykir.is Skagafjörður, Íþróttir, Lokað efni 14.03.2025 kl. 09.48Tindastólsmenn spiluðu í gær við lið Njarðvíkur í spunkunýju Ljónagryfjunni í næstsíðustu umferðinni í Bónus deildinni þennan veturinn. Umræðan hjá spekingum hefur mestmegnis verið á þá leið að það væri nánast formsatriði fyrir Stólana að tryggja sér deildarmeistaratitilinn en útileikur í Njarðvík og heimaleikur gegn Val eru ekki beinlínis léttasta leiðin að deildarmeistaratitlinum þegar allt er í járnum. Það fór svo að Njarðvíkingar voru frískari og þá sér í lagi byrjunarlið þeirra sem skoraði öll stig liðsins utan einhverra sex sem SnjólfurStefánsson gerði. Lokatölur voru 101-90.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.