Bítlarnir eru alltaf í fyrsta sæti / BJÖRN MAGNÚS
Björn Magnús Árnason er alinn upp á Suðurgötunni á Króknum en býr nú á Eggertsgötunni í Reykjavík. Hann er fæddur 1985 og hefur spilað á gítar frá því hann var 12 eða 13 ára, líka banjó sem hann segist hafa verið alltof latur við að spila á. Hvað varðar helstu tónlistarafrek sín segir Björn Magnús: -Lenti einhvern tíma í 2. sæti á órafmagnaðri tónlistarkeppni í MA auk þess að hafa sungið Nínu á söngvakeppni þar sem við lentum óformlega í 4. sæti. Annars er það alltaf afrek útaf fyrir sig þegar við félagarnir frá Króknum tökum Twist and Shout í partíum. Það er móment sem enginn ætti að fara á mis við.
Uppáhalds tónlistartímabil? Ætli það sé ekki 7. áratugurinn.
Hvaða tónlist fær þig til að sperra eyrun þessa dagana? Ég hugsa að það sé nútíma íslensk tónlist. Mugison, Ásgeir Trausti, Valdimar, Of Monsters and Men og Úlfur Úlfur fá mann alveg til að hækka í græjunum.
Hvers konar tónlist var hlustað á á þínu heimili? Það var allt mögulegt og engin sérstök tegund. Klassískt rokk hefur alltaf verið mikið spilað, Bítlarnir, Stones, Van Morrison, Kim Larsen, en líka country, karlakórar og raunar allt á milli himins og jarðar.
Hver var fyrsta platan/diskurinn/kasettan/niðurhalið sem þú keyptir þér? Það var líklega A Hard Days Night með Bítlunum þegar ég var 8 eða 9 ára. Held nú að móðir mín hafi lagt út fyrir plötunni enda var þetta gríðarlega þýðingarmikill þáttur í uppeldinu.
Hvaða græjur varstu þá með? Þá notaðist ég við Bang og Olufsen græjurnar hans pabba. Eðal græjur sem eru orðnar 40 ára gamlar og svínvirka enn þann dag í dag.
Hvað syngur þú helst í sturtunni? Ætti ég hörpu með Karlakórnum Heimi.
Valspurning: Bítlarnir eða Bob Dylan / Oasis eða Blur / Wham! eða Duran? Bítlarnir eru alltaf í 1. sæti en Bob Dylan er náttúrulega snillingur.
Uppáhalds Júróvisjónlagið? Angel og Is it True skipa alltaf sérstakan sess en Nína er líklega uppáhalds.
Þú heldur dúndurpartí í kvöld, hvað læturðu hljóma í græjunum til að koma öllum í stuð? Bítlana, Rolling Stones og Creedence. Með þessar þrjár sveitir á fóninum, og Ljótu hálfvitana inn á milli, er auðvelt að halda almennilegt rústpartý.
Þú vaknar í rólegheitum á sunnudagsmorgni, hvað viltu helst heyra? Platan Golden Heart með Mark Knopfler er upplögð fyrir þannig tilefni.
Þú átt þess kost að fara hvert sem er í heiminum og skella þér á tónleika. Hvert færirðu, á hvaða tónleika og hvern tækirðu með þér? Ég færi á einhverja lókal krá í Dublin, á tónleika með The Dubliners og tæki starfsmenn Skagafjarðarveitna með mér. Alltaf áhugavert að vera með þeim innan um almenning, sérstaklega þegar menn eru búnir að væta kverkarnar nokkuð hraustlega og fara að segja sögur. Er raunar á leiðinni á tónleika í Hörpunni með Bootleg Beatles ásamt Jóhanni nokkrum Helgasyni frá Reynistað. Það verður eflaust mikil upplifun.
Hvaða tónlistarmann hefur þig dreymt um að vera? Hefði alveg verið til í að vera John Lennon í svona mánuð árið 1965 eða 1966. Annars dreymir mig um að vera Mugison í hverri viku.
Hver er að þínu mati besta plata sem gefin hefur verið út? Tjahh... maður spyr sig. Það hlýtur að vera platan Skála og syngja með Álftagerðisbræðrum. Abbey Road er svo næstum því jafngóð.
Sex vinsælustu lögin á Playlistanum þínum? (lag/flytjandi)
Murr Murr / Mugison
Nothing Else Matters / Metallica
Jumpin‘ Jack Flash / Rolling Stones
Wonderwall / Oasis
Ljótir hálfvitar / Ljótu hálfvitarnir
Help! / The Beatles
Fleiri fréttir
-
Flutti frá Eyjum gosnóttina
feykir.is Skagafjörður, Austur-Húnavatnssýsla, Vestur-Húnavatnssýsla 22.11.2024 kl. 10.02Eyjólfur Ármannsson er oddviti Fólks flokksins í Norðvesturkjördæmi. Eyjólfur er fæddur í Vestmannaeyjum, sonur hjónanna Guðjóns Ármanns Eyjólfssonar frá Vestmannaeyjum og fv. skólastjóra Stýrimannaskólans í Reykjavík og Aniku Jónu Ragnarsdóttur, húsmóður og sjúkraliða. Hann er þriðji í röð fjögurra systkina. Gosnóttina flutti fjölskyldan frá Eyjum til Reykjavíkur þegar hann var þriggja og hálfs og ólst hann þar upp.Meira -
Mynd Óskars Páls, Árnar þagna, sýnd í Króksbíó
feykir.is Skagafjörður, Listir og menning, Lokað efni 22.11.2024 kl. 09.00Óskar Páll Sveinsson ætlar að koma á heimaslóðir og bjóða Skagfirðingum í bíó. Næstkomandi mánudag kl. 20. sýnir hann í Sauðárkróksbíói heimildamyndina Árnar þagna sem fjallar um áhrif sjókvíaeldis á laxi á lífríki og afkomu fjölskyldna í sveitum Íslands og Noregs sem hafa byggt lífsafkomu sína á hlunnindum af sjálfbærum stangveiðum í margar kynslóðir.Meira -
Þjóðarsátt um landbúnað til framtíðar | Guðmundur Hrafn Arngrímsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 22.11.2024 kl. 08.30Landbúnaður og matvælaframleiðsla er elsta athafnasemi íbúa landsins og önnur af mikilvægustu atvinnugreinum þjóðarinnar, ásamt sjávarútvegi. Landbúnaður er í senn undirstaða byggðar í landinu, gríðarlega mikilvægur fyrir fæðuöryggi þjóðarinnar og lífstíll þeirra sem hann stunda. Þess vegna er mikilvægt að um landbúnað og matvælaframleiðslu ríki þjóðarsátt.Meira -
Á sterka minningu um boltaleik með langafa sínum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 21.11.2024 kl. 16.33Ólafur Adolfsson er oddviti Sjálfstæðisflokksins í Norðvestur kjördæmi. Ólafur er í sambandi með Margréti Birgisdóttur lyfjafræðingi og á hann tvö uppkomin börn, tvö barnabörn og tvö stjúpbörn. Ólafur er alinn upp í Ólafsvík og hefur auk þess átt heima um skemmri eða lengri tíma á Akranesi, í Reykjavík og á Sauðárkróki og er í dag með lögheimili á Akranesi. Hann er lyfjafræðingur og lyfsali, á og rekur fjórar lyfjabúðir sem eru staðsettar á Akranesi, í Borgarnesi, í Ólafsvík og í Vesturbæ Reykjavíkur.Meira -
Rætt við Grím Rúnar í tilefni 100 ára afmælishátíðar Hvatar á laugardaginn
feykir.is Austur-Húnavatnssýsla, Listir og menning, Lokað efni 21.11.2024 kl. 14.46Það stendur mikið til á Blönduósi nú á laugardaginn því þá fagnar Ungmennafélagið Hvöt 100 ára afmæli sínu með pompi og prakt. Það er því við hæfi að leggja nokkrar spurningar fyrir formann félagsins en það er Grímur Rúnar Lárusson. Grímur er innfæddur Blönduósingar og býr þar, er löglærður fulltrúi sýslumanns að aðalstarfi en í hjáverkum er hann sveitarstjórnarfulltrúi í Húnabyggð og formaður Umf. Hvatar.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.