Beikonvafinn þorskur og eðal Royalbúðingur
Matgæðingur vikunnar í tbl 26, 2021, var Ásdís Ýr Arnardóttir en hún er Blönduósingur í húð og hár. Ásdís starfar sem kennari í Höfðaskóla á Skagaströnd og er að læra fjölskylduráðgjöf. Hún á tvær stelpur og er forfallinn fjallafíkill. „Eitt sinn var mér sagt að allar bitrar einhleypar konu færu á fjöll og svei mér þá, mig langaði í þann hóp og sé sko alls ekki eftir því. Landið okkar er svo dásamlega fallegt og náttúran er svo nærandi fyrir líkama og sál,“ segir Ásdís.
Hún hefur eldað síðan hún man eftir sér en uppskriftir eru ekki hennar sterka hlið, oft endar dass af þessu og hinu ofan í pottinum. En matseldin á venjulegum degi er sjaldnast flókin en henni finnst gaman að bjóða fólki í mat og eiga skemmtilega kvöldstund þegar tími gefst. „Síðustu ár hefur fiskur og fiskmeti verið í miklu uppáhaldi hjá mér, og það skemmir ekki fyrir ef það eru tiltölulega einfaldir réttir, sem erfitt er að klúðra. Þessi fiskréttur er bestur með góðu salati og heimagerðu brauði.“
AÐALRÉTTUR
Beikonvafinn þorskur í pestó fyrir fjóra
2-3 þorskflök (eða þorskhnakkar)
beikonsneiðar (feitt beikon er betra að mínu mati)
1½ dl rautt pestó
2 dl rjómi
pipar
Aðferð: Þorskflökin eru skorin í væna bita, hvert flak í 2-4 bita. Hverjum bita er pakkað inn í beikon og lagt í eldfast mót. Best er ef bitarnir liggja ekki alveg saman. Pestóinu og rjómanum er hrært saman og hellt yfir fiskinn, og piprað létt. Bakað í ofni við 225°C í u.þ.b. 20 mínútur eða þar til fiskurinn er eldaður í gegn.
MEÐLÆTI
Brauð
Brauðuppskriftin er ein mesta snilld sem ég hef rekist á, mér tókst aldrei að baka brauð fyrr en ég fann þessa. Uppskriftin er mjög stór en hana má auðveldlega helminga.
1 kg hveiti
2 msk. salt
2 msk. þurrger
750 ml volgt vatn
Aðferð: Öllu blandað saman í skál með sleif, deigið á að vera blautt. Plastfilma sett yfir skálina og látið hefast í um það bil klst. Þá er deigið hnoðað í brauð, ég geri yfirleitt tvö stór brauð úr uppskriftinni. Brauðin eru látin hefast í um 30 mín. áður en þau fara inn í ofn, mikilvægt er að skera rákir í brauðin til að þau
lyfti sér betur. Gott er að pensla brauðin með vatni og sáldra góðu salti yfir þau fyrir bakstur. Brauðið er bakað við 180°C með blæstri þar til það hefur fengið fallega gullinn lit. Brauðið er fullbakað þegar tómahljóð heyrist í því sé bankað létt í það. Brauðin eru sett í blautt viskastykki meðan þau kólna til að skorpan verði ekki of stökk. Hægt er að leika sér með uppskriftina og gera margar ólíkar týpur af brauði en lykilatriði er að hafa ávallt 1 kg af þurrefnum (hveiti, korni, fræjum, eða öðru mjöli). Það er t.d. mjög gott að blanda saman dass af heilhveiti, hveiti og góðri kornablöndu. Brauðið er borið fram með fiskinum, góðu smjöri og salati.
EFTIRRÉTTUR
Eðal-Royallinn
Einhvern veginn er oft nauðsynlegt að enda máltíðina á einhverju sætu, þar eru einföldu lausnirnar bestar. Royal búðingur með smá tvisti getur ekki klikkað.
með smá tvisti getur ekki klikkað.
1 pakki Royal súkkulaðibúðingur
1 pakki Homeblest
þeyttur rjómi súkkulaðispænir
jarðarber
Aðferð: Súkkulaðibúðingurinn er útbúinn skv. leiðbeiningum á pakkanum. Kexið er mulið niður og sett í glös. Eitt fyrir hvern matargest. Því næst er búðingur settur í hvert glas og toppað með rjóma, súkkulaði og jarðarberjum.
Verði ykkur að góðu!
Ásdís Ýr skoraði á stórbændurna á Uppsölum, Söru Björk Þorsteinsdóttur og Hilmar Birgisson.
Fleiri fréttir
-
Hressandi að skella sér í sjósund
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 17.15Ingibjörg Davíðsdóttir er oddviti Miðflokksins frá bænum Arnbjargarlæk í Þverárhlíð í Borgarbyggð, fædd á Akranesi 1970 og á einnig ættir að rekja til Breiðafjarðareyja, Reykhóla og Múla á Barðaströnd. Ingibjörg á eina uppkomna dóttur og á heima í sveitinni og Garðabæ. Hún er sendiherra og stjórnarformaður Íslenska fæðuklasans. Hefur starfað í utanríkisþjónustunni í ríflega 25 ár, meðal annars sem sendiherra Íslands í Noregi, ráðgjafi forsætisráðherra í utanríkismálum ásamt því að starfa í sendiskrifstofum Íslands í Genf, Vínarborg og London. Ingibjörg tók sér leyfi frá utanríkisþjónustunni í fyrra og stofnaði Íslenska fæðuklasann.Meira -
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira -
Afmælisveisla Hvatar er einmitt í dag!
feykir.is Austur-Húnavatnssýsla, Mannlíf, Lokað efni 23.11.2024 kl. 09.45Félagar í Ungmennafélaginu Hvöt á Blönduósi fagna í dag stórafmæli félagsins en í dag eru nákvæmlega 100 ár og tveir dagar frá stofnun þess árið 1924. Af þessu tilefni verður afmælishátíð í Íþróttamiðstöðinni á Blönduósi og hefst dagskráin kl. 13:00 og verður margt til gamans gert.Meira -
Eflum ferðaþjónustu í Norðvesturkjördæmi | Heiðdís Rós Eyjólfsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 09.45Ferðaþjónustan hefur verið ein af leiðandi ástæðum fyrir vaxtaþrótti íslensks samfélags undanfarin ár og eftirspurn eftir íslenskri ferðaþjónustu hefur vaxið af miklum krafti þótt jarðhræringarnar á Reykjanesskaga hafi leitt til ákveðinnar hnignunar. Þrátt fyrir allt hefur fjöldi erlendra ferðamanna á fyrstu níu mánuðum ársins verið lítillega yfir fjölda síðasta árs en fjöldi gistinátta hefur hins vegar dregist saman. Eins og kemur fram í þjóðhagsspá Hagstofunnar í nóvember er búist við því að fjöldi erlendra ferðamanna haldist stöðugur á næsta ári í 2,3 milljónum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.