Átak til þess að efla bleikjueldi í Skagafirði
Verið Vísindagarðar, Háskólinn á Hólum, Hólalax, Hátæknisetur Íslands og Skagafjarðarveitur standa fyrir átaksverkefni um að efla bleikjueldi í Skagafirði. Sérstök áhersla verður lögð á að byggja upp litlar eldisstöðvar og styðja við rekstur þeirra.
Að því tilefni verður boðað til kynningarfundar í Verinu, Háeyri 1. þriðjudaginn 9. desember kl. 16:00. Þangað eru hvattir til þess að mæta aðilar sem hafa aðgang að góðu vatni til fiskeldis sem vilja kanna möguleika sína á því að koma á fót fiskeldi. Í auglýsingu um fundinn er sagt frá því að leitað sé að samstarfsaðilum sem vildu taka þátt í þessu verkefni og koma á fót litlum
fiskeldisstöðvum. Þarna gætu leynst tækifæri fyrir bændur og landeigendur til þess að byggja upp eigin atvinnurekstur eða aukabúgrein.
Það sem hópurinn getur boðið samstarfsaðilunum er eftirfarandi:
• Mat á aðstæðum til bleikjueldis.
• Gerð kostnaðaráætlunar um byggingu og rekstur á fiskeldisstöð.
• Aðstoð við gerð umsóknar um starfsleyfi
• Aðstoð við gerð umsókna um styrki til byggingar stöðvarinnar
og til þess að byggja upp lífmassa.
• Aðstoð við hönnun stöðvar.
• Aðgang að seiðum af heppilegri stærð til eldisins
• Ráðgjöf við eldi
• Slátrun og markaðssetningu afurða
Fleiri fréttir
-
Landsnet með opinn fund í Eyvindarstofu á Blönduósi miðvikudaginn 30. apríl kl. 16
feykir.is Skagafjörður, Austur-Húnavatnssýsla, Vestur-Húnavatnssýsla 23.04.2025 kl. 11.39Þann 30. apríl nk. verður Landsnet með opinn fund í Eyvindarstofu á Blönduósi kl. 16:00 þar sem farið verður yfir og kynnt hvernig þau ætla að byggja upp öflugt, sveigjanlegt og sjálfbært flutningskerfi fyrir framtíðina. Þessi fundur er einn af átta sem Landsnet verður með í ferð sinni um landið þar sem þau ætla að ræða við fólk, svara spurningum og hlusta. Þetta er opið samtal og þú ert hluti af því.Meira -
Vorfagnaður í Árgerði
feykir.is Skagafjörður, Austur-Húnavatnssýsla, Vestur-Húnavatnssýsla 23.04.2025 kl. 11.30Laugardaginn 26. apríl nk.kl 20:00 verður vorinu fagnað í Árgarði. Til stendur að borða saman kótilettur með tilheyrandi meðlæti. Tala, syngja og dansa saman inn í nóttina.Meira -
Prjónagleði 2025 verður haldin frá 30. maí til 1. júní
feykir.is Skagafjörður, Austur-Húnavatnssýsla, Vestur-Húnavatnssýsla 23.04.2025 kl. 11.12Helgina 30. maí til 1. júní verður Prjónagleðin haldin í níunda sinn á Blönduósi í Húnabyggð en þessi metnaðarfulla hátíð er ætluð áhugafólki um prjónaskap og handavinnu, byrjendum sem og lengra komnum. Undanfarin ár hefur Textílmiðstöð Íslands í samstarfi við heimamenn og ýmsa prjónasérfræðinga haldið utanum Prjónagleðina en í ár er skipulag og framkvæmd hátíðarinnar í umsjón Húnabyggðar.Meira -
Stóri plokkdagurinn á sunnudaginn, 27. apríl
feykir.is Skagafjörður, Austur-Húnavatnssýsla, Vestur-Húnavatnssýsla 23.04.2025 kl. 09.30Stóri plokkdagurinn verður haldinn hátíðlegur sunnudaginn 27. apríl næstkomandi og þá plokka landsmenn sem aldrei fyrr. Eftir veturinn bíður okkar heilmikið verkefni við að hreinsa allt sem undan snjónum kom ásamt öllu öðru rusli sem finnst á víðavangi.Meira -
Grunnskóli Húnaþings vestra tekur þátt í hæfileikakeppninni Fiðringurinn
feykir.is Austur-Húnavatnssýsla, Vestur-Húnavatnssýsla, Lokað efni 23.04.2025 kl. 09.05Þann 7. maí nk. fer fram hæfileikakeppnin Fiðringurinn á Norðurlandi sem er fyrir nemendur í 8.-10. bekk og er í anda Skrekks í Reykjavík og Skálftans á Suðurlandi. Er þetta í fjórða sinn sem þessi keppni fer fram og verður hún haldin í Hofi á Akureyri. Í ár taka tíu skólar þátt og er Grunnskóli Húnaþings vestra einn af þeim en þetta er í fyrsta skipti sem skólinn tekur þátt og einnig sá eini frá Norðurlandi vestra. Það eru Samtök sveitarfélaga á Norðulandi eystra og Menningarfélag Akureyrar sem styrkja þetta verkefni.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.