Andabringur með appelsínusósu
Uppskriftir vikunnar að þessu sinni eiga þau Rúnar Birgir Gíslason og Hugrún Ósk Ólafsdóttir, sem bjuggu á Sauðárkróki þegar þær birtust í Feyki árið 2010. -Uppskriftina að andabringunum fengum við hjá vinum okkar þegar við vorum í námi í Danmörku. Þær hafa alltaf vakið lukku hjá gestum okkar og einn af eftirlætis hátíðarréttum fjölskyldunnar. Á svipuðum tíma áskotnaðist okkur uppskriftin að ístertunni sem er einföld og góð, sögðu þau Rúnar og Hugrún.
Andabringur með appelsínusósu
Andabringur fyrir ca. 4
Hreinsið bringurnar, skerið grunnar raufar ofaní skinnið og nuddið með pipar og salti. Steikið á háum hita í u.þ.b. 4-5 mínútur á hvorri hlið. Ausið fitunni af á meðan á steikingu stendur og leggið til hliðar. Þar næst eru bringurnar settar í u.þ.b. 200 gráðu heitan ofn í 8-10 mínútur eða þar til kjötið er fullsteikt. Leyfið svo bringunum að standa í 10 mínútur með álpappír breiddan yfir.
Sósa:
- 4 msk sykur
- 1 dl vatn
- 1 dl hvítvín
- 3 msk hvítvínsedik
- 2dl nýkreistur appelsínusafi
- 2 msk appelsínuþykkni
- 1 msk rifinn appelsínubörkur
- 4 dl vatn + andakraftur
- sósujafnari
- 50 gr kalt smjör
- salt + pipar
Hellið andafitunni á pönnu og bætið við sykri og vatni þar til úr verður dökk karamella. Bætið hvítvíni og hvítvínsediki við og sjóðið niður um helming. Bætið þar næst vatni + andakrafti útá og þykkið með sósujafnara. Takið pönnuna af hellunni og hrærið smjöri saman við (látið sósuna ekki sjóða eftir það). Kryddið með salti og pipar. Berið fram með nýjum kartöflum og ofnsteiktu rótargrænmeti.
Daim ísterta
(fyrir 8 manns)
Botn:
- 3 eggjahvítur
- 150 gr sykur
- 150 gr möndlur (með hýðinu)
Ís:
- 3 eggjarauður
- 100 gr sykur
- 3 dl rjómi
- 4 lítil Daim
Aðferð:
Þeytið eggjahvíturnar þar til þær eru næstum stífar og bætið sykrinum saman við jafnt og þétt á meðan. Saxið möndlurnar niður og bætið þeim útí. Setjið þetta í smelluform og bakið í u.þ.b. 30 mínútur við 170 gráður C. Leyfið botninum að kólna.
Þeytið eggjarauðurnar og sykurinn þar til það er ljóst og létt. Þeytið þar næst rjómann og blandið honum saman við eggjamassann. Saxið Daim súkkulaðið gróft og bætið útí. Hellið blöndunni ofan á botninn sem er orðin kaldur. Setjið filmu yfir og kælið í lágmark 4 tíma.
Takið ístertuna úr frysti og losið úr forminu 10-15 mínútum áður en hún er borin fram.
Verði ykkur að góðu!
Fleiri fréttir
-
Hressandi að skella sér í sjósund
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 17.15Ingibjörg Davíðsdóttir er oddviti Miðflokksins frá bænum Arnbjargarlæk í Þverárhlíð í Borgarbyggð, fædd á Akranesi 1970 og á einnig ættir að rekja til Breiðafjarðareyja, Reykhóla og Múla á Barðaströnd. Ingibjörg á eina uppkomna dóttur og á heima í sveitinni og Garðabæ. Hún er sendiherra og stjórnarformaður Íslenska fæðuklasans. Hefur starfað í utanríkisþjónustunni í ríflega 25 ár, meðal annars sem sendiherra Íslands í Noregi, ráðgjafi forsætisráðherra í utanríkismálum ásamt því að starfa í sendiskrifstofum Íslands í Genf, Vínarborg og London. Ingibjörg tók sér leyfi frá utanríkisþjónustunni í fyrra og stofnaði Íslenska fæðuklasann.Meira -
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira -
Afmælisveisla Hvatar er einmitt í dag!
feykir.is Austur-Húnavatnssýsla, Mannlíf, Lokað efni 23.11.2024 kl. 09.45Félagar í Ungmennafélaginu Hvöt á Blönduósi fagna í dag stórafmæli félagsins en í dag eru nákvæmlega 100 ár og tveir dagar frá stofnun þess árið 1924. Af þessu tilefni verður afmælishátíð í Íþróttamiðstöðinni á Blönduósi og hefst dagskráin kl. 13:00 og verður margt til gamans gert.Meira -
Eflum ferðaþjónustu í Norðvesturkjördæmi | Heiðdís Rós Eyjólfsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 09.45Ferðaþjónustan hefur verið ein af leiðandi ástæðum fyrir vaxtaþrótti íslensks samfélags undanfarin ár og eftirspurn eftir íslenskri ferðaþjónustu hefur vaxið af miklum krafti þótt jarðhræringarnar á Reykjanesskaga hafi leitt til ákveðinnar hnignunar. Þrátt fyrir allt hefur fjöldi erlendra ferðamanna á fyrstu níu mánuðum ársins verið lítillega yfir fjölda síðasta árs en fjöldi gistinátta hefur hins vegar dregist saman. Eins og kemur fram í þjóðhagsspá Hagstofunnar í nóvember er búist við því að fjöldi erlendra ferðamanna haldist stöðugur á næsta ári í 2,3 milljónum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.