Ætlar þú að kjósa?
Í fyrsta sinn fær íslenska þjóðin að setja sér stjórnarskrá. Alþingi hefur vísað þessum rétti til þjóðarinnar. Ákvörðun Alþingis er augljóslega tilraun til að rétta fram hönd til sátta í samfélaginu. Það er því mikilvægt að þjóðin fagni þessu tilboði og fjölmenni til þess að velja fulltrúa til að tala sínu máli við gerð þess sáttmála sem stjórnarskrá er. Það er nefnilega þannig að stjórnarskráin er sáttmáli þjóðarinnar. Sáttmáli um þau gildi sem hún vill hafa í heiðri og það þjóðskipulag sem hún vill byggja á.
En stjórnarskrá er miklu meira, hún er líka stjórnlög landsins. Þar skilyrðir þjóðin það vald sem hún framselur til stjórnmálamanna í kosningum. Stjórnlagaþingið er því nauðsynlegur vettvangur og hárréttur byrjunarreitur til að reyna að skapa frið hjá þjóðinni og horfa til nýrrar framtíðar.
Til þessa þings veljast vonandi einstaklingar sem koma víða að úr samfélaginu. Einstaklingar sem ganga ekki að þessu borði með heitingar eða kosningaloforð heldur einbeittan vilja til að skapa hér sátt. Stjórnlagaþing heppnast ekki nema til þess komi einstaklingar með fjölbreyttan bakgrunn í menntun, starfsreynslu og búsetu. Það er raunveruleg hætta á því að enginn frambjóðandi af landsbyggðinni nái kjöri á Stjórnlagaþing. Fari svo er hætta á að sú sátt sem stefnt er að verði markleysa ein. Ég býð mig fram til þessara verka vegna þess að ég trúi því að þekking mín og fjölbreytt reynsla úr samfélaginu muni nýtast.
Með kveðju úr Grundarfirði,
Ingi Hans Jónsson – 3392
Fleiri fréttir
-
Uppselt á tónleikana
feykir.is Skagafjörður, Austur-Húnavatnssýsla, Vestur-Húnavatnssýsla 24.04.2025 kl. 17.55Þann 23. október sl. hefði Stefán R. Gíslason tónlistarkennari, kórstjóri og organisti í Varmahlíð orðið sjötugur. Þann sama dag sagði sr. Gísli Gunnarsson á Hólum frá því á Facebook síðu sinni að hann hefði ákveðið, í samráði við fjölskyldu Stefáns, að stofna minningarsjóð í hans nafni. Minnigartónleikar verða haldnir í kvöld í fjáröflunarskyni fyrir sjóðinn og uppselt er á tónleikana.Meira -
„Jakkaföt, vesti og slaufa og að sjálfsögðu var maður með strípur“
feykir.is Skagafjörður, Vestur-Húnavatnssýsla, Mannlíf, Lokað efni 24.04.2025 kl. 15.13Ragnar Smári Helgason ólst upp í Dalatúninu á Króknum og Hamri í Hegranesi en býr í Lindarbergi á Hvammstangi í Vestur-Húnavatnsýslu ásamt Kolbrúnu konu sinni og þremur börnum. Ragnar Smári vinnur hjá Vinnumálastofnun/Fæðingarorlofs-sjóði á Hvammstanga. Hann sagði Feyki örlítið frá þessum degi í lífi hans.Meira -
Fermist í hvítum blúndukjól og Jordans skóm
feykir.is Austur-Húnavatnssýsla, Lokað efni 24.04.2025 kl. 13.00Arney Nadía Hrannarsdóttir býr á Skagaströnd og foreldrar hennar eru Alexandra Ósk Guðbjargardóttir og Hrannar Baldvinsson. Sr. Guðni Þór Ólafsson sér umferminguna sem verður í Hólaneskirkju þann 8. júní.Meira -
Myndi bjóða LeBron James í veisluna
feykir.is Skagafjörður, Lokað efni 24.04.2025 kl. 09.00Jón Karl Brynjarsson verður fermdur af sr. Höllu Rut Stefánsdóttur þann 24. apríl í Reynistaðarkirkju. Foreldrar Jóns Karls eru Brynjar Sindri Sigurðarson og Guðrún Helga Jónsdóttir í Miðhúsum í Akrahreppi.Meira -
Gleðilegt sumar!
feykir.is Skagafjörður, Austur-Húnavatnssýsla, Vestur-Húnavatnssýsla 24.04.2025 kl. 08.00Sumardagurinn fyrsti er í dag og óskar Feykir lesendum gleðilegs sumars. Þessi fallegi dagur virðist ætla að bjóða upp á ágætis veður, hitinn á Norðurlandi vestra víðast hvar milli 6-7 stig, hæg breytileg átt og bjartviðri, samkvæmt spá Veðurstofunnar. Það er því ekkert því til fyrirstöðu en að fagna komu sumars með því að stökkva í stuttbuxur eða hvað, kannski þeir allra hörðustu, og kíkja á þá viðburði sem eru á dagskrá sem eru reyndar ekki margir en nokkrir þó.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.