Verður ekki keppt í parís í París? | Leiðari 03/24
Íþróttir hafa merkilega mikil áhrif á líf okkar mannfólksins. Kannski ekki allra en ótrúlega margra. Okkur dreymir um sigra, vera partur af hópi, fjölskyldu, þar sem draumarnir rætast. Þeir sem þykjast ekki láta íþróttir hafa áhrif á líf sitt prísa sig sæla, hlæja jafnvel að þeim sem ganga dauflega til móts við nýja viku eftir erfiða helgi í boltanum, langstökki án atrennu eða pílu. Þeir eru ekki alveg að fatta þetta.
Það er hins vegar bara einn sigur-vegari og því margir sem þurfa að þola að tapa. Það er að sjálfsögðu misjafnt hvernig menn tækla svona alvarlegt mótlæti í lífinu. Þannig hefur leiðaraskrifari heyrt um konur sem hafa þurft að hughreysta þögula eiginmenn í kjölfar tapleikja hjá liði Tindastóls. Menn sem hafa þá ekki séð margt bjart framundan og helst á því að best væri að skríða undir sæng um leið og heim af leik er komið. Svo eru það hinir sem þurfa aðeins að tappa af frústreringunni, springa eins og flugeldar á gamlárskvöldi að leik loknum og leita síðan huggunar í opnum faðmi samfélagsmiðlanna – eða einhverju öðru.
Svona getur lífið nú verið erfitt.
Það er því ekki laust við að það sé pínu kjökrað nú í janúarmánuði. Lið Tindastóls ekki að standa undir væntingum í karlakörfunni, Júnæted ekki alveg meðetta og svo eru strák-arnir okkar allra, íslenska handboltalandsliðið, ekki beinlínis að gera gott mót í Þýskalandi. Sem við gátum auðvitað sagt okkur fyrir því væntingarnar voru miklar, við næstum best í heimi, allir brattir og bein leið greið á Ólympíuleikana í París.
Og gamlar lummur gera vart við sig. Af hverju ætli mark-menn andstæðinganna séu alltaf í stuði þegar þeir mæta Íslandi? Engum virðist detta í hug að það sé vegna þess að skotin séu bara svona léleg.
En ef við horfum á björtu hliðarnar þá gæti kjökrið okkar mögulega orðið svo mikið að við Íslendingar sláum í það minnsta Íslandsmet í gráti og gnístran tanna. Þá værum við öll orðnir meistarar og hvað er nú betra en að vera meistari?
Óli Arnar Brynjarsson
ritstjóri Feykis
Fleiri fréttir
-
Miðflokkurinn opnar kosningaskrifstofu á Sauðárkróki
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 22.11.2024 kl. 15.49Miðflokkurinn opnar kosningaskrifstofu á Mælifelli ,Aðalgötu 7 Sauðarkroki, laugardaginn 23. nóvember kl. 20.00. Allir eru velkomnir.Meira -
Flutti frá Eyjum gosnóttina
feykir.is Skagafjörður, Austur-Húnavatnssýsla, Vestur-Húnavatnssýsla 22.11.2024 kl. 10.02Eyjólfur Ármannsson er oddviti Fólks flokksins í Norðvesturkjördæmi. Eyjólfur er fæddur í Vestmannaeyjum, sonur hjónanna Guðjóns Ármanns Eyjólfssonar frá Vestmannaeyjum og fv. skólastjóra Stýrimannaskólans í Reykjavík og Aniku Jónu Ragnarsdóttur, húsmóður og sjúkraliða. Hann er þriðji í röð fjögurra systkina. Gosnóttina flutti fjölskyldan frá Eyjum til Reykjavíkur þegar hann var þriggja og hálfs og ólst hann þar upp.Meira -
Mynd Óskars Páls, Árnar þagna, sýnd í Króksbíó
feykir.is Skagafjörður, Listir og menning, Lokað efni 22.11.2024 kl. 09.00Óskar Páll Sveinsson ætlar að koma á heimaslóðir og bjóða Skagfirðingum í bíó. Næstkomandi mánudag kl. 20. sýnir hann í Sauðárkróksbíói heimildamyndina Árnar þagna sem fjallar um áhrif sjókvíaeldis á laxi á lífríki og afkomu fjölskyldna í sveitum Íslands og Noregs sem hafa byggt lífsafkomu sína á hlunnindum af sjálfbærum stangveiðum í margar kynslóðir.Meira -
Þjóðarsátt um landbúnað til framtíðar | Guðmundur Hrafn Arngrímsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 22.11.2024 kl. 08.30Landbúnaður og matvælaframleiðsla er elsta athafnasemi íbúa landsins og önnur af mikilvægustu atvinnugreinum þjóðarinnar, ásamt sjávarútvegi. Landbúnaður er í senn undirstaða byggðar í landinu, gríðarlega mikilvægur fyrir fæðuöryggi þjóðarinnar og lífstíll þeirra sem hann stunda. Þess vegna er mikilvægt að um landbúnað og matvælaframleiðslu ríki þjóðarsátt.Meira -
Á sterka minningu um boltaleik með langafa sínum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 21.11.2024 kl. 16.33Ólafur Adolfsson er oddviti Sjálfstæðisflokksins í Norðvestur kjördæmi. Ólafur er í sambandi með Margréti Birgisdóttur lyfjafræðingi og á hann tvö uppkomin börn, tvö barnabörn og tvö stjúpbörn. Ólafur er alinn upp í Ólafsvík og hefur auk þess átt heima um skemmri eða lengri tíma á Akranesi, í Reykjavík og á Sauðárkróki og er í dag með lögheimili á Akranesi. Hann er lyfjafræðingur og lyfsali, á og rekur fjórar lyfjabúðir sem eru staðsettar á Akranesi, í Borgarnesi, í Ólafsvík og í Vesturbæ Reykjavíkur.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.