Veljum heiðarlegan og sannan leiðtoga
Í prófkjöri Samfylkingarinnar í Norðvesturkjördæmi gefst kjósendum tækifæri til að velja öfluga konu sem leiðtoga. Ólína Þorvarðardóttir hefur sýnt og sannað að hún vinnur fyrir landsbyggðina og kjördæmi sitt. Hún hafði ekki starfað lengi sem þingmaður þegar hún fór að láta að sér kveða í sjávarútvegsmálum og hefur verið einn helsti sérfræðingur á þingi í þeim málaflokki.
Þessi ötula þingkona hefur þann fágæta eiginleika að kynna sér vel og rækilega þau mál sem hún fjallar um og það er án efa einn helsti styrkur hennar sem þingmanns. Þeir eru fáir, ef einhverjir, sem standast henni snúning í glímunni við oft óbilgjörn hagsmunaöfl sem fara mikinn í áróðri sínum til þess að halda áfram að einoka sameiginlega þjóðareign okkar allra.
Í samgöngumálum eiga Vestfirðingar hauk í horni – enda barðist Ólína mjög fyrir því að Dýrafjarðagöngum yrði flýtt, eftir að þeim hafði verið skákað aftast í forgangsröðun jarðgangaframkvæmda. Þá hefur hún beitt sér af festu fyrir bættum samgöngum á sunnanverðum Vestfjörðum og víðar í kjördæminu, með þeim árangri að þar hefur nú verið flýtt fjölmörgum framkvæmdum. Allir Vestfirðingar, og við hin sem njótum Vestfjarða, gerum okkur grein fyrir mikilvægi góðra samgangna þar – bæði hvað varðar lífsgæði Vestfirðinga og ekki síður öryggi.
Ég er svo lánsöm að hafa unnið með Ólínu að ýmsum verkefnum. Ósérhlífnari og duglegri manneskja er vandfundin. Þar fer kona sem ber hag almennings fyrir brjósti, ekki síst þeirra sem minna mega sín. Það er góður og því miður alltof vandfundinn eiginleiki þingmanna sem oftar en ekki velja eigin hagsmuni, eða vina sinna og ættingja, ofar hagsmunum kjósenda sinna.
Ég hvet kjósendur í kjördæminu til þess að gefa Ólínu Þorvarðardóttur tækifæri til að leiða lista Samfylkingarinnar næsta kjörtímabil. Það tækifæri felur ekki í sér mikla áhættu en þeim mun meiri möguleika. Það fæli í sér að í brúna kæmi sterk og öflug kona sem berst fyrir heildina og þá sem minna mega sín. Réttsýn og heiðarleg kona sem er jafnaðarmaður af lífi og sál.
Ragnheiður Davíðsdóttir
Fleiri fréttir
-
Uppselt á tónleikana
feykir.is Skagafjörður, Austur-Húnavatnssýsla, Vestur-Húnavatnssýsla 24.04.2025 kl. 17.55Þann 23. október sl. hefði Stefán R. Gíslason tónlistarkennari, kórstjóri og organisti í Varmahlíð orðið sjötugur. Þann sama dag sagði sr. Gísli Gunnarsson á Hólum frá því á Facebook síðu sinni að hann hefði ákveðið, í samráði við fjölskyldu Stefáns, að stofna minningarsjóð í hans nafni. Minnigartónleikar verða haldnir í kvöld í fjáröflunarskyni fyrir sjóðinn og uppselt er á tónleikana.Meira -
„Jakkaföt, vesti og slaufa og að sjálfsögðu var maður með strípur“
feykir.is Skagafjörður, Vestur-Húnavatnssýsla, Mannlíf, Lokað efni 24.04.2025 kl. 15.13Ragnar Smári Helgason ólst upp í Dalatúninu á Króknum og Hamri í Hegranesi en býr í Lindarbergi á Hvammstangi í Vestur-Húnavatnsýslu ásamt Kolbrúnu konu sinni og þremur börnum. Ragnar Smári vinnur hjá Vinnumálastofnun/Fæðingarorlofs-sjóði á Hvammstanga. Hann sagði Feyki örlítið frá þessum degi í lífi hans.Meira -
Fermist í hvítum blúndukjól og Jordans skóm
feykir.is Austur-Húnavatnssýsla, Lokað efni 24.04.2025 kl. 13.00Arney Nadía Hrannarsdóttir býr á Skagaströnd og foreldrar hennar eru Alexandra Ósk Guðbjargardóttir og Hrannar Baldvinsson. Sr. Guðni Þór Ólafsson sér umferminguna sem verður í Hólaneskirkju þann 8. júní.Meira -
Myndi bjóða LeBron James í veisluna
feykir.is Skagafjörður, Lokað efni 24.04.2025 kl. 09.00Jón Karl Brynjarsson verður fermdur af sr. Höllu Rut Stefánsdóttur þann 24. apríl í Reynistaðarkirkju. Foreldrar Jóns Karls eru Brynjar Sindri Sigurðarson og Guðrún Helga Jónsdóttir í Miðhúsum í Akrahreppi.Meira -
Gleðilegt sumar!
feykir.is Skagafjörður, Austur-Húnavatnssýsla, Vestur-Húnavatnssýsla 24.04.2025 kl. 08.00Sumardagurinn fyrsti er í dag og óskar Feykir lesendum gleðilegs sumars. Þessi fallegi dagur virðist ætla að bjóða upp á ágætis veður, hitinn á Norðurlandi vestra víðast hvar milli 6-7 stig, hæg breytileg átt og bjartviðri, samkvæmt spá Veðurstofunnar. Það er því ekkert því til fyrirstöðu en að fagna komu sumars með því að stökkva í stuttbuxur eða hvað, kannski þeir allra hörðustu, og kíkja á þá viðburði sem eru á dagskrá sem eru reyndar ekki margir en nokkrir þó.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.