Um Skagafjarðarveitur
Málefni Skagafjarðarveitna hafa fundið farveg í hina pólitísku umræðu, nú síðast á sveitarstjórnarfundi þar sem umræða götunnar virðist hafa ratað inn í hjörtu einstakra sveitarstjórnarfulltrúa. Það er miður, að veiturnar okkar sem ávallt hafa starfað í sátt við samfélagið, skuli nú vera orðnar bitbein í hráskinnaleik stjórnmálanna.
Líklegast er rótina að finna í þeirri ákvörðun og óheillaspori, að legga Skagafjarðarveitur ehf. niður sem sjálfstætt fyrirtæki á síðasta ári og færa reksturinn undir sveitasjóð, sem hverja aðra almenna starfssemi.
Meðan Skagafjarðarveitur ehf. voru reknar sem sjálfstætt félag, naut ég þess trausts að sitja í þriggja manna stjórn félagsins frá upphafi yfirstandandi kjörtímabils. Sú stjórn starfaði við hlið þáverandi veitustjóra og starfsmanna fyrirtækisins og markmiðin voru skýr, að efla og stækka veiturnar og þjónusta sem best alla viðskiptavini fyrirtækisins, stóra sem smáa. Dægurþras eða stjórnmál rötuðu aldrei inn á borð þeirrar stjórnar, enda verkefnin óskyld og meira gefandi.
Nú kveður við annan tón eins og glöggt mátti heyra á síðasta sveitarstjórnarfundi. Þar voru reyndar bornar fram tvær tillögur af svipuðum toga, þ.e. að láta fara fram lögfræðilega úttekt á réttindum veitnanna til nýtingar á auðlindum héraðsins. Sú tillaga þessara tveggja, sem laut einnig að fyrirhuguðum virkjunarsvæðum og kaldavatnslindum var mér meira að skapi og studdum við fulltrúar Sjálfstæðisflokksins hana heilshuga, enda greinargerð tillögunnar skýr og markviss. Í þessu sambandi er þó rétt að geta þess, að í landslögum eru réttindum almenningsveitna gert hátt undir höfði og þess gætt að hagsmunir samfélagsins í þessum efnum séu ávallt ofar einkahagsmunum.
Fulltrúar Sjálfstæðisflokksins í sveitarstjórn og í byggðaráði hafa verið talsmenn þess að hagsmunum sveitarfélagsins sé gætt í hvívetna í málum, sem varða landareignir eða önnur réttindi. Það er enn töluvert verk óunnið í að skera úr um eignarhald á landsspildum og lóðum sem teljast ættu til eigna sveitarfélagsins og er nauðsynlegt að bæta þar úr hið fyrsta. Lagaleg skoðun á réttindum Skagafjarðarveitna er liður í þeirri vinnu, sem ber að fagna.
Jón Magnússon,
sveitarstjórnarfulltrúi Sjálfstæðisflokksins.
Fleiri fréttir
-
Landsnet með opinn fund í Eyvindarstofu á Blönduósi miðvikudaginn 30. apríl kl. 16
feykir.is Skagafjörður, Austur-Húnavatnssýsla, Vestur-Húnavatnssýsla 23.04.2025 kl. 11.39Þann 30. apríl nk. verður Landsnet með opinn fund í Eyvindarstofu á Blönduósi kl. 16:00 þar sem farið verður yfir og kynnt hvernig þau ætla að byggja upp öflugt, sveigjanlegt og sjálfbært flutningskerfi fyrir framtíðina. Þessi fundur er einn af átta sem Landsnet verður með í ferð sinni um landið þar sem þau ætla að ræða við fólk, svara spurningum og hlusta. Þetta er opið samtal og þú ert hluti af því.Meira -
Vorfagnaður í Árgerði
feykir.is Skagafjörður, Austur-Húnavatnssýsla, Vestur-Húnavatnssýsla 23.04.2025 kl. 11.30Laugardaginn 26. apríl nk.kl 20:00 verður vorinu fagnað í Árgarði. Til stendur að borða saman kótilettur með tilheyrandi meðlæti. Tala, syngja og dansa saman inn í nóttina.Meira -
Prjónagleði 2025 verður haldin frá 30. maí til 1. júní
feykir.is Skagafjörður, Austur-Húnavatnssýsla, Vestur-Húnavatnssýsla 23.04.2025 kl. 11.12Helgina 30. maí til 1. júní verður Prjónagleðin haldin í níunda sinn á Blönduósi í Húnabyggð en þessi metnaðarfulla hátíð er ætluð áhugafólki um prjónaskap og handavinnu, byrjendum sem og lengra komnum. Undanfarin ár hefur Textílmiðstöð Íslands í samstarfi við heimamenn og ýmsa prjónasérfræðinga haldið utanum Prjónagleðina en í ár er skipulag og framkvæmd hátíðarinnar í umsjón Húnabyggðar.Meira -
Stóri plokkdagurinn á sunnudaginn, 27. apríl
feykir.is Skagafjörður, Austur-Húnavatnssýsla, Vestur-Húnavatnssýsla 23.04.2025 kl. 09.30Stóri plokkdagurinn verður haldinn hátíðlegur sunnudaginn 27. apríl næstkomandi og þá plokka landsmenn sem aldrei fyrr. Eftir veturinn bíður okkar heilmikið verkefni við að hreinsa allt sem undan snjónum kom ásamt öllu öðru rusli sem finnst á víðavangi.Meira -
Grunnskóli Húnaþings vestra tekur þátt í hæfileikakeppninni Fiðringurinn
feykir.is Austur-Húnavatnssýsla, Vestur-Húnavatnssýsla, Lokað efni 23.04.2025 kl. 09.05Þann 7. maí nk. fer fram hæfileikakeppnin Fiðringurinn á Norðurlandi sem er fyrir nemendur í 8.-10. bekk og er í anda Skrekks í Reykjavík og Skálftans á Suðurlandi. Er þetta í fjórða sinn sem þessi keppni fer fram og verður hún haldin í Hofi á Akureyri. Í ár taka tíu skólar þátt og er Grunnskóli Húnaþings vestra einn af þeim en þetta er í fyrsta skipti sem skólinn tekur þátt og einnig sá eini frá Norðurlandi vestra. Það eru Samtök sveitarfélaga á Norðulandi eystra og Menningarfélag Akureyrar sem styrkja þetta verkefni.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.