Það skiptir ekki neinu máli
Það er ekki hægt að tala við fólk, hvorki stjórnarliða né stjórnarandstöðu. Það er ekkert mark á neinum takandi í stjórnsýslunni, hvorki minni spámönnum né embættismönnum ráðuneyta. Það skipti ekki máli hversu mikið af gögnum eru lögð fram er benda sannarlega á hroðalega meðferð handhafa aflaheimilda á meðbræðrum sínum síðastliðin áratug.
Það skiptir ekki lengur neinu máli þótt íbúar Vestfjarða flýi undan kvótakerfinu hundruðum saman á hverju ári frá heimahögum sínum og verðlausum eignum.
Það skiptir ekki máli hversu mikið og hversu lengi stjórnvöld brjóta mannréttindi á íbúum sjávarbyggðanna, því verður haldið áfram út yfir gröf og dauða með samþykki Alþingis og dómstólanna.
Það skiptir ekki máli hversu margir skrifa og tala um land allt á ráðstefnum, fundum og í fjölmiðlum um stórfellda galla aflamarkskerfisins.
Það skiptir ekki máli hversu svakaleg fjárhagsstaða útgerðarinnar er gagnvart lánastofnunum.
Það skiptir ekki neinu máli þótt Hafrannsóknarstofnun haldi áfram að gefa út falsaðar skýrslur um stofnstærðir, veiðireglur og brottkast.
Það skiptir ekki neinu máli þótt kvótakerfið hafi varðað veginn til algjörs hruns siðferðis þjóðarinnar og fall efnahagskerfisins.
Það er ekkert sem skiptir máli lengur nema óbreytt kerfi og óbreytt eignarhald.
Svona er staðan og svona verður hún um aldur og ævi
Þeir sem ráða Íslandi eru ekki lýðræðiskjörnir fulltrúar þjóðarinnar, ekki forsetinn, ekki embættismennirnir
Þeir sem stjórna og ráða landinu eru eigendur erlendra vogunarsjóða og LÍÚ.
Engin rök duga, engar staðreyndir skipta lengur máli.
Níels A. Ársælsson.
Fleiri fréttir
-
„Jakkaföt, vesti og slaufa og að sjálfsögðu var maður með strípur“
feykir.is Skagafjörður, Vestur-Húnavatnssýsla, Mannlíf, Lokað efni 24.04.2025 kl. 15.13Ragnar Smári Helgason ólst upp í Dalatúninu á Króknum og Hamri í Hegranesi en býr í Lindarbergi á Hvammstangi í Vestur-Húnavatnsýslu ásamt Kolbrúnu konu sinni og þremur börnum. Ragnar Smári vinnur hjá Vinnumálastofnun/Fæðingarorlofs-sjóði á Hvammstanga. Hann sagði Feyki örlítið frá þessum degi í lífi hans.Meira -
Fermist í hvítum blúndukjól og Jordans skóm
feykir.is Austur-Húnavatnssýsla, Lokað efni 24.04.2025 kl. 13.00Arney Nadía Hrannarsdóttir býr á Skagaströnd og foreldrar hennar eru Alexandra Ósk Guðbjargardóttir og Hrannar Baldvinsson. Sr. Guðni Þór Ólafsson sér umferminguna sem verður í Hólaneskirkju þann 8. júní.Meira -
Myndi bjóða LeBron James í veisluna
feykir.is Skagafjörður, Lokað efni 24.04.2025 kl. 09.00Jón Karl Brynjarsson verður fermdur af sr. Höllu Rut Stefánsdóttur þann 24. apríl í Reynistaðarkirkju. Foreldrar Jóns Karls eru Brynjar Sindri Sigurðarson og Guðrún Helga Jónsdóttir í Miðhúsum í Akrahreppi.Meira -
Gleðilegt sumar!
feykir.is Skagafjörður, Austur-Húnavatnssýsla, Vestur-Húnavatnssýsla 24.04.2025 kl. 08.00Sumardagurinn fyrsti er í dag og óskar Feykir lesendum gleðilegs sumars. Þessi fallegi dagur virðist ætla að bjóða upp á ágætis veður, hitinn á Norðurlandi vestra víðast hvar milli 6-7 stig, hæg breytileg átt og bjartviðri, samkvæmt spá Veðurstofunnar. Það er því ekkert því til fyrirstöðu en að fagna komu sumars með því að stökkva í stuttbuxur eða hvað, kannski þeir allra hörðustu, og kíkja á þá viðburði sem eru á dagskrá sem eru reyndar ekki margir en nokkrir þó.Meira -
Miðasalan hefst í dag
feykir.is Skagafjörður, Lokað efni 23.04.2025 kl. 15.00Leikfélag Sauðárkróks frumsýnir nú næskomandi sunnudag 27.apríl leikritið „Flæktur í netinu“ í leikstjórn Valgeirs Skagfjörð. Miðasala hefst í dag, miðvikudag á tix.is.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.