Ríkisstjórn Vg og Samfylkingar með alblóðugan hníf í Skagafirði
Ríkisstjórn Samfylkingar og Vg verður eflaust minnst fyrir ósvífnustu kosningasvik sögunnar. Stjórnin þóttist ætla að slá skjaldborg um heimilin fyrir kosningar en efndirnar voru að bera fjölskyldurnar út og að afskrifa lán til útrásarhyskisins og tryggja að það haldi yfirráðin yfir fyrirtækjunum.
Fjárlög Steingríms J. Sigfússonar hafa í för með sér niðurskurð um liðlega 5% til þess að ná niður fjárlagahallanum. Niðurskurðurinn virðist bitna mun harðar niður á stofnunum ríkisins á landsbyggðinni en höfuðborginni og er óhætt er að fullyrða að niðurskurðarhnífurinn sé alblóðugur hér í Skagafirði.
Fjárframlög til Byggðastofnunar verða lækkuð um liðlega 21% og lækkuð fjárframlög til Náttúrustofunnar eru upp á 50%. Háskólanum á Hólum verður gert að skera niður um 7,3% sem er helmingi meiri niðurskurður en Listaháskólanum í Reykjavík er ætlaður.
Guðbjartur Hannesson heilbrigðisráðherra stendur fyrir svakalegri aðför að heilbrigðisþjónustunni í Skagafirði en Heilbrigðisstofnunin í Skagafirði er ætlaða að draga saman um þriðjung af starfsemi sinni.
Margir, þar á meðal ég, hafði gert mér vonir um að Guðbjartur sem er víst svo undarlegt sem það nú er þingmaður kjördæmisins og hefði þess vegna mátt ætla að heilbrigðisráðherra sýndi mikilvægri starfsemi Heilbrigðisstofnunarinnar og Skagfirðingum meiri sanngirni og skilning. Guðbjartur margtuggði það í aðdraganda síðustu kosninga að gæta yrði jafnvægis á milli Höfuðborgar og landsbyggðar. Sömuleiðis benti hæstvirtur ráðherra Samfylkingarinnar ítrekað á þá staðreynd að þenslan hefði orðið á Höfuðborgarsvæðinu en samdráttur orðið víða á landsbyggðinni.
Affarasælast er fyrir Skagfirðinga sem og þjóðina alla að ríkisstjórnin sem hefur svikið nánast öll sín fyrirheit, fari sem fyrst frá völdum og það áður en að frumvarpið verður að lögum.
Sigurjón Þórðarson
Sveitarstjórnarfulltrúi Frjálslyndra og óháðra í Skagafirði
Fleiri fréttir
-
Uppselt á tónleikana
feykir.is Skagafjörður, Austur-Húnavatnssýsla, Vestur-Húnavatnssýsla 24.04.2025 kl. 17.55Þann 23. október sl. hefði Stefán R. Gíslason tónlistarkennari, kórstjóri og organisti í Varmahlíð orðið sjötugur. Þann sama dag sagði sr. Gísli Gunnarsson á Hólum frá því á Facebook síðu sinni að hann hefði ákveðið, í samráði við fjölskyldu Stefáns, að stofna minningarsjóð í hans nafni. Minnigartónleikar verða haldnir í kvöld í fjáröflunarskyni fyrir sjóðinn og uppselt er á tónleikana.Meira -
„Jakkaföt, vesti og slaufa og að sjálfsögðu var maður með strípur“
feykir.is Skagafjörður, Vestur-Húnavatnssýsla, Mannlíf, Lokað efni 24.04.2025 kl. 15.13Ragnar Smári Helgason ólst upp í Dalatúninu á Króknum og Hamri í Hegranesi en býr í Lindarbergi á Hvammstangi í Vestur-Húnavatnsýslu ásamt Kolbrúnu konu sinni og þremur börnum. Ragnar Smári vinnur hjá Vinnumálastofnun/Fæðingarorlofs-sjóði á Hvammstanga. Hann sagði Feyki örlítið frá þessum degi í lífi hans.Meira -
Fermist í hvítum blúndukjól og Jordans skóm
feykir.is Austur-Húnavatnssýsla, Lokað efni 24.04.2025 kl. 13.00Arney Nadía Hrannarsdóttir býr á Skagaströnd og foreldrar hennar eru Alexandra Ósk Guðbjargardóttir og Hrannar Baldvinsson. Sr. Guðni Þór Ólafsson sér umferminguna sem verður í Hólaneskirkju þann 8. júní.Meira -
Myndi bjóða LeBron James í veisluna
feykir.is Skagafjörður, Lokað efni 24.04.2025 kl. 09.00Jón Karl Brynjarsson verður fermdur af sr. Höllu Rut Stefánsdóttur þann 24. apríl í Reynistaðarkirkju. Foreldrar Jóns Karls eru Brynjar Sindri Sigurðarson og Guðrún Helga Jónsdóttir í Miðhúsum í Akrahreppi.Meira -
Gleðilegt sumar!
feykir.is Skagafjörður, Austur-Húnavatnssýsla, Vestur-Húnavatnssýsla 24.04.2025 kl. 08.00Sumardagurinn fyrsti er í dag og óskar Feykir lesendum gleðilegs sumars. Þessi fallegi dagur virðist ætla að bjóða upp á ágætis veður, hitinn á Norðurlandi vestra víðast hvar milli 6-7 stig, hæg breytileg átt og bjartviðri, samkvæmt spá Veðurstofunnar. Það er því ekkert því til fyrirstöðu en að fagna komu sumars með því að stökkva í stuttbuxur eða hvað, kannski þeir allra hörðustu, og kíkja á þá viðburði sem eru á dagskrá sem eru reyndar ekki margir en nokkrir þó.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.