Nýir tímar, ferskir vindar og nóg af sól að sjálfsögðu! | Pétur Arason skrifar

feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 25.06.2024 kl. 11.56
Pétur Arason. MYND AF BLÖNDUÓS.IS
Pétur Arason. MYND AF BLÖNDUÓS.IS
Þá er sveitarfélagið Húnabyggð orðið stærra og öflugara eftir að íbúar Skagabyggðar og Húnabyggðar samþykktu þann 22. júní í íbúakosningu að sameina sveitarfélögin. Eins og nefnt hefur verið þá býr þetta til ýmiss konar samlegðaráhrif sem koma öllum á svæðinu til góða. Það mun að sjálfsögðu taka tíma að keyra þetta saman og eins og allir vita stendur Húnabyggð út í miðri á með þá sameiningu sem tók gildi við stofnun Húnabyggðar. Það verður því í aðeins fleiri horn að líta á meðan þessi formlega sameining gengur yfir og ekki ólíklegt að það taki allt kjörtímabilið að slípa hlutina saman í stjórnsýslunni og rekstrinum hvað þessar tvær sameiningar varðar.
 

Það var ánægjulegt að sjá hversu afgerandi kosningin var, en þátttaka í Skagabyggð var ótrúlega góð eða 92,5% og um 75% þeirra voru fylgjandi sameiningu. Í Húnabyggð var kjörsókn tæp 40% og 90% þeirra sem greiddu atkvæði voru fylgjandi sameiningu. Það er því óhætt að segja að sameiningin hafi fengið afgerandi fylgi og íbúarnir greinilega fylgjandi því að vera saman í einu sveitarfélagi. Húnabyggð er nú að stækka verulega í landrými og verður eftir þessa sameiningu um 4.500km2 og íbúarnir verða nú um 1.350 miðað við íbúatölur 1. janúar 2024.

Það er rétt að þakka öllu því góða fólki sem hefur lagt á sig mikla vinnu samhliða þessu sameiningarferli, en sameiningarnefndin, kjörstjórnirnar, ráðgjafar og ýmsir aðrir hafa komið að þessu máli síðan að viðræður hófust í byrjun árs. Ég held að það sé á engan hallað að þakka sérstaklega oddvitum sveitarfélaganna þeim Erlu Jónsdóttur og Guðmundi Hauki Jakobssyni sérstaklega fyrir þeirra óeigingjörnu vinnu við þessa sameiningu. Erla hefur staðið í stafni frá byrjun enda kom frumkvæði þessarar sameiningar frá Skagabyggð en saman hafa þau unnið þrotlausa vinnu við það að verja og sækja hagsmuni svæðisins gangvart yfirvöldum tengt þessari sameiningu. Sameiningunni fylgja ýmiss loforð yfirvalda um aðstoð og framkvæmdir og nú mun reyna á að fá þeim loforðum framfylgt. Vinnunni er því hvergi nærri lokið og þessi vinna bak við tjöldin sem er almenningi ósýnileg fylgir mikið álag og þrautsegja þar sem berjast þarf með kjafti og klóm fyrir hagsmunum íbúa svæðisins.

„Þetta er virkilega ánægjuleg niðurstaða. Þetta er það sem búið er að vera að vinna að og það er gott að fá skýrar og góðar niðurstöður. Enn og aftur sýnum við vilja í verki og við ætlumst til þess að stjórnvöld geri hið sama og klári á haustþingi að tryggja með lagasetningu að undanþágur á fasteignamatsskyldu orkufyrirtækja verði afnumdar svo sveitarfélagið hafi þær tekjur sem því ber.“ segir Guðmundur Haukur Jakobsson, forseti sveitarstjórnar Húnabyggðar.
 
„Það er búinn að vera langur aðdragandi hjá okkur í þessu máli og við höfum vandað okkur og hlustað á íbúana. Við lögðum mikla áherslu á að sjónarmið unga fólksins kæmu sterkt í gegn þó auðvitað skipti álit allra miklu máli. En unga fólkið er framtíðin og ég veit að þau eru full bjartsýni og það er ég líka. Ég er gríðarlega ánægð að niðurstaðan sé svona ótvíræð með met kjörsókn í Skagabyggð og ég hlakka til framhaldsins.“ segir Erla Jónsdóttir oddviti Skagabyggðar.
 
Við erum bjartsýn og trúum að þessi sameining verði til þess að auka enn á sóknarfæri svæðisins og ef allt er eins og það á að vera þá skín sólin nú á fleiri íbúa í Húnabyggð. En ekkert gerist af sjálfum sér og það verður vinna að ná öllum saman í lið þar sem við/þið viðhorf víkur fyrir því að við erum öll í sama liðinu. Formlega mun Skagabyggð verða hluti af Húnabyggð í nýju sameinuðu sveitarfélagi 1. ágúst 2024 og nú tekur við tæknileg vinna við að sameina sveitarfélögin hvað varðar þjónustu og rekstur.
 
Í tilefni dagsins fór ég í heimsókn í Skagabyggð og bauð mér í heimsókn til Karólínu í Hvammshlíð. Ég mætti henni þar sem hún var að fara að gefa lambám út í hólfi. Við tókum stutt spjall og hún var ánægð með að sameiningin var samþykkt. Hún var ekki bjartsýn á að skaflinn í gilinu fyrir ofan bæinn færi fyrr en seint í júlí en var að öðru leiti bjartsýn á framhaldið í nýju sveitarfélagi. Hún er eins og flestir vita mikill snillingur og hefur þrjá hunda sér til hjálpar við bústörfin. Ekki veit ég hvort að hún er búinn að kenna þeim að keyra bílinn í gegnum hliðin þegar hún opnar þau, en það leit samt út fyrir að þeir væru klárir í verkefnið.
 
Við bjóðum Karólínu og öllum öðrum íbúum Skagabyggðar velkomin í Húnabyggð!
 
Óska okkur öllum til hamingju með þetta og við förum brosandi út í nýja viku enda engin ástæða til annars.
 
Með góðri kveðju,

Pétur Arason, sveitarstjóri Húnabyggðar

 

 

 

Til baka

Athugasemdir eru á ábyrgð þeirra sem þær skrá.

Feykir áskilur sér þó rétt til að eyða ummælum sem metin verða sem ærumeiðandi eða ósæmileg.

Smelltu hér til að tilkynna óviðeigandi athugasemdir.

Fleiri fréttir

  • Eujólfur Ármannsson, Flokki fólksins. AÐSEND MYND

    Flutti frá Eyjum gosnóttina

    feykir.is Skagafjörður, Austur-Húnavatnssýsla, Vestur-Húnavatnssýsla 22.11.2024 kl. 10.02 oli@feykir.is
    Eyjólfur Ármannsson er oddviti Fólks flokksins í Norðvesturkjördæmi. Eyjólfur er fæddur í Vestmannaeyjum, sonur hjónanna Guðjóns Ármanns Eyjólfssonar frá Vestmannaeyjum og fv. skólastjóra Stýrimannaskólans í Reykjavík og Aniku Jónu Ragnarsdóttur, húsmóður og sjúkraliða. Hann er þriðji í röð fjögurra systkina. Gosnóttina flutti fjölskyldan frá Eyjum til Reykjavíkur þegar hann var þriggja og hálfs og ólst hann þar upp.
    Meira
  • Áin Rauma í Noregi. Að neðan má sjá Guðrúnu á Glitstöðum formann Veiðifélags Norðurár. SKJÁSKOT ÚR MYNDINNI

    Mynd Óskars Páls, Árnar þagna, sýnd í Króksbíó

    feykir.is Skagafjörður, Listir og menning, Lokað efni 22.11.2024 kl. 09.00 oli@feykir.is
    Óskar Páll Sveinsson ætlar að koma á heimaslóðir og bjóða Skagfirðingum í bíó. Næstkomandi mánudag kl. 20. sýnir hann í Sauðárkróksbíói heimildamyndina Árnar þagna sem fjallar um áhrif sjókvíaeldis á laxi á lífríki og afkomu fjölskyldna í sveitum Íslands og Noregs sem hafa byggt lífsafkomu sína á hlunnindum af sjálfbærum stangveiðum í margar kynslóðir.
    Meira
  • Guðmundur Hrafn Arngrímsson, oddviti Sósiaistaflokksins. AÐSEND MYND

    Þjóðarsátt um landbúnað til framtíðar | Guðmundur Hrafn Arngrímsson skrifar

    feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 22.11.2024 kl. 08.30 oli@feykir.is
    Landbúnaður og matvælaframleiðsla er elsta athafnasemi íbúa landsins og önnur af mikilvægustu atvinnugreinum þjóðarinnar, ásamt sjávarútvegi. Landbúnaður er í senn undirstaða byggðar í landinu, gríðarlega mikilvægur fyrir fæðuöryggi þjóðarinnar og lífstíll þeirra sem hann stunda. Þess vegna er mikilvægt að um landbúnað og matvælaframleiðslu ríki þjóðarsátt.
    Meira
  • Ólafur Adolfsson. AÐSEND MYND

    Á sterka minningu um boltaleik með langafa sínum

    feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 21.11.2024 kl. 16.33 oli@feykir.is
    Ólafur Adolfsson er oddviti Sjálfstæðisflokksins í Norðvestur kjördæmi. Ólafur er í sambandi með Margréti Birgisdóttur lyfjafræðingi og á hann tvö uppkomin börn, tvö barnabörn og tvö stjúpbörn. Ólafur er alinn upp í Ólafsvík og hefur auk þess átt heima um skemmri eða lengri tíma á Akranesi, í Reykjavík og á Sauðárkróki og er í dag með lögheimili á Akranesi. Hann er lyfjafræðingur og lyfsali, á og rekur fjórar lyfjabúðir sem eru staðsettar á Akranesi, í Borgarnesi, í Ólafsvík og í Vesturbæ Reykjavíkur.
    Meira
  • Grímur Rúnar Lárusson, formaður Umf. Hvatar á Blönduósi. AÐSEND MYND

    Rætt við Grím Rúnar í tilefni 100 ára afmælishátíðar Hvatar á laugardaginn

    feykir.is Austur-Húnavatnssýsla, Listir og menning, Lokað efni 21.11.2024 kl. 14.46 oli@feykir.is
    Það stendur mikið til á Blönduósi nú á laugardaginn því þá fagnar Ungmennafélagið Hvöt 100 ára afmæli sínu með pompi og prakt. Það er því við hæfi að leggja nokkrar spurningar fyrir formann félagsins en það er Grímur Rúnar Lárusson. Grímur er innfæddur Blönduósingar og býr þar, er löglærður fulltrúi sýslumanns að aðalstarfi en í hjáverkum er hann sveitarstjórnarfulltrúi í Húnabyggð og formaður Umf. Hvatar.
    Meira
Yfirlit frétta