Mótmælum aðför að Heilbrigðisstofnuninni á Sauðárkróki

Í Skagafirði eru nokkrar mjög mikilvægar forsendur byggðar. Þar má nefna öflugt atvinnulíf, Fjölbrautaskólann, margþætta þjónustu sveitarfélagsins og ekki síst Heilbrigðisstofnunina á Sauðárkróki. Það er af þessum sökum sem að á undanförnum árum hefur nokkuð tekist að halda sjó í Skagafirði á meðan flest byggðarlög utan höfuðborgarsvæðisins hafa þurft að glíma við margvísleg vandamál og verulegan fólksflótta.  En úr þessu á nú að bæta!

Í nýbirtu fjárlagafrumvarpi er vegið þannig að Heilbrigðisstofnuninni að hún verður líklega aldrei söm ef tillögur ráðherra ná fram að ganga. Ég er ekki sérfræðingur í rekstri heilbrigðisstofnana, en veit þó að hlutfall launa í rekstri er hátt og það segir sig sjálft að þriðjungs niðurskurður,  hlýtur að leiða til þess að segja þarf upp tugum starfsmanna og að þjónustan dragist mjög mikið saman. Á Feyki.is í morgun er haft eftir framkvæmdastjóra Heilbrigðisstofnunarinnar að líklega muni sjúkrahúsþjónustan og komur sérfræðilækna leggjast af.

• Þetta þýðir að við íbúarnir þurfum að sækja þá þjónustu sem skorin verður af annað hvort til Akureyrar eða Reykjavíkur. Það þýðir að aukinn kostnaður vegna ferða, vinnutaps og uppihalds mun lenda á íbúum héraðsins.
• Þetta þýðir að öryggi þjónustunnar mun í mörgum tilfellum minnka.
• Þetta þýðir að atvinnulausum í héraðinu mun fjölga verulega og mun ef ekkert annað gerist leiða til fólksfækkunar.
• Þetta þýðir að fasteignaverð í héraðinu mun lækka verulega.
• Þetta þýðir að tekjur sveitarfélagsins munu skerðast sem aftur leiðir af sér minnkandi getu til að halda úti þjónustu og fara í nauðsynlegar framkvæmdir.

Fleira er örugglega hægt að telja upp en í stuttu máli þýðir þetta að Skagafjörður verður lakari búsetukostur en hann var áður.

Nú er meira en nóg komið. Þessar tillögur eru aðför að lífskjörum og byggð í Skagafirði. Við íbúar Skagafjarðar þurfum að mótmæla þessu kröftuglega því að ég trúi ekki að íbúar Skagafjarðar ætli að láta þetta yfir sig ganga. Boða verður til borgarafundar vegna málsins þar sem ráðherrann og þingmaður kjördæmisins, Guðbjartur Hannesson, verður krafinn um að mæta og standa fyrir máli sínu ásamt öðrum þingmönnum kjördæmisins. Hringjum í þingmennina, sendum þeim SMS eða tölvupóst þar sem við segjum þeim hvað okkur finnst um þessar fyrirætlanir. Þeir eru í vinnu hjá okkur.

Sigurður Árnason

Listi yfir netföng og símanúmer þingmanna kjördæmisins – upplýsingar teknar af vef Alþingis og heimasíðum viðkomandi ráðuneyta:

Guðbjartur Hannesson heilbrigðisráðherra,                       gudbjarturh@althingi.is gsm:899-7327

                                                                                                              postur@hbr.stjr.is

Jón Bjarnason sjávarútvegs- og landbúnaðarráðherra   jb@althingi.is                    gsm:862-6170

                                                                                                              jon.bjarnason@slr.stjr.is

Ásbjörn Óttarsson                                                                         asbjorno@althingi.is      gsm:893-2395

Ásmundur Einar Daðason                                                           asmundurd@althingi.is                gsm:896-1231

Einar K. Guðfinnsson                                                                    einarg@althingi.is           gsm: vantar

Guðmundur Steingrímsson                                                       gudmundurs@althingi.is gsm:695-6780

Gunnar Bragi Sveinsson                                                                              gunnarbragi@althingi.is               gsm:821-7070

Lilja Rafney Magnúsdóttir                                                          lrm@althingi.is                 gsm:866-2457

Ólína Þorvarðardóttir                                                                   olinath@althingi.is          gsm:892-3139