Kjósandi góður
Ágæti kjósandi! Á laugardaginn velur þú fólk til vinnu í sveitarstjórninni þinni. Til sveitarfélagsins greiðir þú gjöldin þín, af laununum þínum, af húsinu þínu og fyrir heita vatnið sem er ein af þeim gjöfum sem þetta fallega hérað gefur okkur.
Þetta eru ekki litlir peningar, sem fara í sameiginlegan sjóð og það er eðlilegt að þú viljir vita í hvaða verkefni flokkarnir ætla að fara með þetta fé.
Sjálfstæðisflokkurinn í Skagafirði hefur lagt fram stefnumál sín í sveitarstjórnarmálum næstu fjögur árin og þú tekur afstöðu til þess sem fram er borið. Við frambjóðendur Sjálfstæðisflokksins vonum að þú treystir okkur til góðra verka.
Við höfum hlustað eftir ábendingum kjósenda og skoðanakönnun okkar sýnir að mikill meirihluti vill fjölga íbúum sveitarfélagsins, fjölga ferðamönnum í héraðinu, efla atvinnulífið, ná tökum á fjármálum sveitarfélagsins og að stækkun Árskóla sé mikilvæg.
Þetta eru allt mikilvæg mál sem þarf að vinna að, ásamt ýmsu öðru. Forsenda þess að hér sé gott að búa er fjölbreytt atvinnulíf og blómlegt mannlíf.
Í þeim þrengingum sem nú ganga yfir þurfum við að standa vörð um alla starfsemi innan sveitarfélagsins, skólana, íþróttafélögin, æskulýðsstarf og allar stofnanir. Framtíð okkar byggist á því að hér vaxi upp einstaklingar sem hafi möguleika á að eflast og dafna í góðu umhverfi.
Við viljum að í Skagafirði sé eftirsóknarvert fyrir alla, yngri sem eldri að búa. Allt frá því að ala upp börn í að verða aldraður og eiga sitt ævikvöld hér með tryggri aðstöðu til tómstunda og félagslífs.
Hér í þessu fallega héraði er hægt að vinna að mörgum skemmtilegum og aðkallandi verkefnum. en fyrsta verkefnið er að koma böndum á rekstur Sveitarfélagsins. Sjálfstæðisflokkurinn býður fram lista fyrir þessar kosningar, með góðum vinnufúsum höndum.
Kjósandi góður, á laugardag hefur þú eitt atkvæði til ráðstöfunar. Þú velur þér fulltrúa í sveitarstjórn og ábyrgð þín er mikil gagnvart sjálfum þér, þínum nánustu og samfélaginu. Vandaðu því val þitt, en mundu að öll verðum við að vinna saman.
Fleiri fréttir
-
Uppselt á tónleikana
feykir.is Skagafjörður, Austur-Húnavatnssýsla, Vestur-Húnavatnssýsla 24.04.2025 kl. 17.55Þann 23. október sl. hefði Stefán R. Gíslason tónlistarkennari, kórstjóri og organisti í Varmahlíð orðið sjötugur. Þann sama dag sagði sr. Gísli Gunnarsson á Hólum frá því á Facebook síðu sinni að hann hefði ákveðið, í samráði við fjölskyldu Stefáns, að stofna minningarsjóð í hans nafni. Minnigartónleikar verða haldnir í kvöld í fjáröflunarskyni fyrir sjóðinn og uppselt er á tónleikana.Meira -
„Jakkaföt, vesti og slaufa og að sjálfsögðu var maður með strípur“
feykir.is Skagafjörður, Vestur-Húnavatnssýsla, Mannlíf, Lokað efni 24.04.2025 kl. 15.13Ragnar Smári Helgason ólst upp í Dalatúninu á Króknum og Hamri í Hegranesi en býr í Lindarbergi á Hvammstangi í Vestur-Húnavatnsýslu ásamt Kolbrúnu konu sinni og þremur börnum. Ragnar Smári vinnur hjá Vinnumálastofnun/Fæðingarorlofs-sjóði á Hvammstanga. Hann sagði Feyki örlítið frá þessum degi í lífi hans.Meira -
Fermist í hvítum blúndukjól og Jordans skóm
feykir.is Austur-Húnavatnssýsla, Lokað efni 24.04.2025 kl. 13.00Arney Nadía Hrannarsdóttir býr á Skagaströnd og foreldrar hennar eru Alexandra Ósk Guðbjargardóttir og Hrannar Baldvinsson. Sr. Guðni Þór Ólafsson sér umferminguna sem verður í Hólaneskirkju þann 8. júní.Meira -
Myndi bjóða LeBron James í veisluna
feykir.is Skagafjörður, Lokað efni 24.04.2025 kl. 09.00Jón Karl Brynjarsson verður fermdur af sr. Höllu Rut Stefánsdóttur þann 24. apríl í Reynistaðarkirkju. Foreldrar Jóns Karls eru Brynjar Sindri Sigurðarson og Guðrún Helga Jónsdóttir í Miðhúsum í Akrahreppi.Meira -
Gleðilegt sumar!
feykir.is Skagafjörður, Austur-Húnavatnssýsla, Vestur-Húnavatnssýsla 24.04.2025 kl. 08.00Sumardagurinn fyrsti er í dag og óskar Feykir lesendum gleðilegs sumars. Þessi fallegi dagur virðist ætla að bjóða upp á ágætis veður, hitinn á Norðurlandi vestra víðast hvar milli 6-7 stig, hæg breytileg átt og bjartviðri, samkvæmt spá Veðurstofunnar. Það er því ekkert því til fyrirstöðu en að fagna komu sumars með því að stökkva í stuttbuxur eða hvað, kannski þeir allra hörðustu, og kíkja á þá viðburði sem eru á dagskrá sem eru reyndar ekki margir en nokkrir þó.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.