Sumarvæll í g-moll | Leiðari 23. tölublaðs Feykis
Í tvígang hefur Feykir birt sama textann ofan á forsíðumynd blaðsins síðustu vikurnar. Fyrst Sumarið er tíminn og stuttu síðar, örlítið kaldhæðnislegra, Sumarið er tíminn... yfir mynd af sumarhretinu mikla í byrjun júní.
Kannski má segja að íslenska sumarið sé kaldhæðnislegt, pínu eins og lélegur brandari jafnvel. Á hverju vori hlökkum við til að upplifa sumarið okkar með myndir af sóleyjum í túni og leikandi lækjar-sprænum í sinninu. Já, draumar um glampandi sól og hunangsslegnum grísakótelettum sprúðlandi á grillinu í næsta nágrenni við kartöflur í áljökkum. Freistum þess síðan að finna smá sumardreitil í góðu skjóli fyrir norðanátt og þokuslegnum fjöllum á veröndinni sunnan við vegg – kannski í ljúfum yl frá gashitara – og vonum að það byrji ekki að rigna svona rétt á meðan maturinn volgnar.
Okkur dreymir jafnvel hið fullkomna sumarfrí. Hugsið ykkur; fimm vikur af ábyrðarleysi og letilífi, seint í háttinn og sofið fram að hádegi. Hinn klassíski sumardraumur hins vinnandi manns. Það er reyndar til fólk sem getur bara alls ekki sofið lengur en til sex á morgnana. Höfum það utan mengis.
Það er veikur möguleiki að Feykisliðið hafi dreymt á þennan veg. Venju samkvæmt var auglýst eftir sumar-afleysingamanni og veik von breyttist í ljúfan draum þegar vanur maður og vaskur sótti um. Allt klappað og klárt, allir í góðum fíling og útlit fyrir sól í allt sumar. Hér setjum við kaldhæðnislega þrjá punkta.
. . .
Útlitið var gott þangað til Feykisliðið vaknaði upp við vondan draum. Afleysingamanninum fylgdu frú og barn. Frúin gat fengið vinnu á leikskólanum á Króknum enda alltaf verið að leita að starfsfólki á leikskólum. Vandamálið var hins vegar að barnið fékk ekki pláss á leikskóla í Skagafirði og þá var ekki lengur raunhæft að Skagfirðingarnir gætu snúið heim í hérað þetta sumarið.
Þó Feykir hafi ekki lagst í rannsóknarvinnu varðandi vöntun á leikskólaplássum er næsta víst að margir glíma við þetta vandamál og það víða um land. Hér kvörtum við yfir því að fólk sem fer úr héraði til að stunda nám skili sér ekki aftur heim. Hvaða skilaboð erum við að senda ungu fólki þegar við getum ekki tekið við börnum á leikskóla?
Við á Feyki verðum því að láta okkur dreyma um betri heimtur næsta sumar. Nema einhver hafi áhuga á að skella sér í skemmtilegt sumardjobb...
P.S. Okkur vantar líka prófarkalesara – einhver!?
Óli Arnar Brynjarsson, ritstjóri
Fleiri fréttir
-
Nýtt starf menningar- og tómstundafulltrúa Skagastrandar
feykir.is Austur-Húnavatnssýsla 01.07.2024 kl. 16.16Húnahornið segir frá því að sveitarfélagið Skagaströnd hafi í hyggju að búa til nýtt starf menningar- og tómstundafulltrúa samhliða skipulagsbreytingum vegna starfsemi tómstundastarfs aldraðra og félagsmiðstöðvarinnar Undirheima.Meira -
Aðför að smábátaútgerð á Sauðárkróki | Magnús Jónsson skrifar
feykir.is Skagafjörður, Aðsendar greinar 01.07.2024 kl. 14.55„Það veldur undrun félagsmanna Drangeyjar að eitt stærsta útgerðarfélag landsins með um 21.000 þorskígildistonna aflaheimildir skuli ásælast 140 tonna byggðakvóta sem á liðnum árum hefur að mestu leyti farið til útgerða smábáta á Sauðárkróki,” segir m.a. í pistli sem Magnús Jónsson, formaður Drangeyjar – smábátafélags Skagafjarðar skrifar.Meira -
Fyllt grísalund og Oreo ostakaka
feykir.is Skagafjörður, Austur-Húnavatnssýsla, Vestur-Húnavatnssýsla, Í matinn er þetta helst 30.06.2024 kl. 12.46Matgæðingar vikunnar eru Gestur Sigurjónsson, kennari í Árskóla, og Erna Nielsen, bókari hjá RH endurskoðun. Gestur og Erna búa á Skagfirðingabraut ásamt fjórum af sex börnum þeirra. Kristu Sól (21), Sigurjóni Elís (10), Brynju (7) og Freyju (7) og hundinum Kappa (2).Meira -
Rabb-a-babb 227: Hrund Péturs
feykir.is Skagafjörður, Rabb-a-babb 30.06.2024 kl. 11.36Króksarinn Hrund Pétursdóttir er fædd á því herrans ári 1981 en það ár var Gísli Rúnar Jónsson leikstjóri Áramótaskaupsins sem kannski er helst minnisstætt fyrir þá sök að það var í fyrsta sinn sem þeir Dolli og Doddi brölluðu saman. Fyrsta Indiana Jones bíómyndin, Raiders of the Lost Ark, kom á tjaldið þetta ár sem og Bond-myndin For Your Eyes Only. Já og líka The Incredible Shrinking Woman með Lily Tomlin og Charles Grodin í aðalhlutverkum en myndin fjallaði um konu sem minnkaði og minnkaði í kjölfarið á efnaskiptum í förðunarefnunum sem hún notaði. Sennilega ekki byggð á sannri sögu.Meira -
Bitlausir Stólar máttu sætta sig við jafntefli
feykir.is Skagafjörður, Íþróttir 30.06.2024 kl. 10.45Tindastóll tók á móti liði Hafnfirðingum í liði KÁ í gærdag í brakandi blíðu á Sauðárkróksvelli. Leikurinn var frekar bragðdaufur lengi vel en hiti færðist í kolin þegar leið að leikslokum en heimamönnum tókst ekki að knýja fram sigur þrátt fyrir nokkra pressu. Kom þar helst til hálf neyðarlegt bitleysi fyrir framan markið en Stólunum virðist algjörlega fyrirmunað að næla sér í eldheitan framherja. Lokatölur 1-1.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.