Védís Huld Sigurðardóttir sigurvegari Meistaradeildar KS 2023
„Frábæru tímabili Meistaradeildar KS er nú lokið og hefur keppnin verið æsispennandi nú í vetur og var ekki neitt öðruvísi uppi á teningnum í kvöld,“ segir í tilkynningu deildarinnar á Facebook-síðu sinni en lokakeppni fór fram í gærkvöldi þegar keppt var í tölti og skeiði. Védís Huld Sigurðardóttir kom sá og sigraði en hún reið til úrslita í öllum greinum vetrarins og var krýnd sigurvegari Meistaradeildar KS 2023.
Í öðru sæti var Mette Mannseth, í þriðja sæti Guðmunda Ellen Sigurðardóttir, í fjórða sæti Þórarinn Eymundsson og í því fimmta Bjarni Jónasson.
Það var svo lið Íbishóls sem sigraði liðakeppnina þetta árið enda vel skipað úrvals knöpum. Liðsmenn eru Magnús Bragi Magnússon (liðsstjóri), Guðmar Freyr Magnússon, Freyja Amble Gísladóttir, Árný Oddbjörg Oddsdóttir og áðurnefndur sigurvegari einstaklingskeppninnar, Védís Huld Sigurðardóttir.
Íbishóll 396 stig- Þúfur 333 stig
- Hrímnir 323 stig
- Dýraspítalinn Lögmannshlíð 316 stig
- Storm Rider 310.5
- Equinics 303.5
- Uppsteypa 275.5
- Eques 210.5
Tölt
Í töltkeppni kvöldsins sigruðu Mette Mannseth og Hannibal frá Þúfum með einkunnina 8.39 en þau sigruðu einnig fjórgang fyrr í vetur. Það var villikötturinn Guðmar Þór Pétursson og Sókrates frá Skáney (7.94) sem hlaut annað sæti, í þriðja sæti varð Fredrica Fagerlund og Stormur frá Yztafelli með 7.67. Í því fjórða Magnús Bragi Magnússon með Óskadís frá Steinnesi (7.56) og í fimmta sæti Bjarni Jónasson og Harpa Sjöfn frá Hvolsvelli (7.50) en á Facbookfærslu deildarinnar segir að þetta væri í fjórða skipti sem það par ríður til A-úrslita í deildinni í vetur.
Skeið
Efstir í skeiðkeppninni urðu eftirfarandi:
1. Gústaf Ásgeir Hinriksson & Sjóður frá Þóreyjarnúpi 4,91 Eques
2. Agnar Þór Magnússon & Kastor frá Garðshorni á Þelamörk 4,93 Dýraspítalinn Lögmannshlíð
3. Guðmar Freyr Magnússon & Vinátta frá Árgerði 4,93 Íbishóll Dýraspítalinn Lögmannshlíð
4. Guðmunda Ellen Sigurðardóttir & Straumur frá Hríshóli 1 4,93 Equinics
5. Kristófer Darri Sigurðsson & Gnúpur frá Dallandi 4,97 Hrímnir
Það var lið Equinics sem sigraði liðakeppnina í skeiði en keppendur þar voru Sigurður Heiðar Birgisson, Klara Sveinbjörnsdóttir og Guðmunda Ellen Sigurðardóttir.
Sjá nánar á Facebooksíðunni Meistaradeild KS í hestaíþróttum.
Fleiri fréttir
-
Hefur gaman af því að tala og vera í félagsskap annarra
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 25.11.2024 kl. 17.01Arna Lára Jónsdóttir er Vestfirðingur, borin og barnfædd Ísfirðingur, þar sem hún hef búið mest megnið af sínu lífi fyrir utan námsárin í Reykjavík og Kaupamannahöfn. Sambýlismaður hennar er Ingi Björn Guðnason og eiga þau þrjú börn, Hafdísi, sem stundar doktorsnám í efnafræði í Bretlandi, Helenu, sem er í stýrimannaskólanum og Dagur, sem býr enn í foreldrahúsum. Arna er bæjarstjóri Ísafjarðarbæjar og tekur nú oddvitasæti Samfylkingar í Norðvesturkjördæmi.Meira -
Heilbrigðisþjónusta utan lögheimilis – Mismunun og kostnaður foreldra
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 25.11.2024 kl. 15.38Nú er verið að ganga til kosninga og því vill ég nýta tækifærið til að vekja athygli á mikilvægi heilbrigðisþjónustu utan lögheimilis, sérstaklega þegar kemur að þjónustu fyrir börn, kostnaður og álag á fjölskyldur sem þurfa að ferðast langar leiðir til að leita eftir heilbrigðisþjónustu. Kerfið þarf að bæta og tryggja að allar fjölskyldur, óháð búsetu, fái sanngjarna meðferð þegar kemur að aðgengi að heilbrigðisþjónustu.Meira -
„Mamma vissi að ég yrði kennari“
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 25.11.2024 kl. 09.53Álfhildur Leifsdóttir er oddviti VG í Norðvestur kjördæmi í komandi kosningum. Álfhildur er einstæð móðir 11, 17 og 18 ára snillinga og á að auki einn afar vel heppnaðan tengdason. Hún er frá Keldudal í Skagafirði og ólst þar upp við bústörf en undanfarin ár hefur Álfhildur og fjölskyldan búið á Sauðárkróki. Þar kennir hún við Árskóla og er sveitarstjórnarmaður hjá Skagafirði og óhætt að segja að boltarnir hennar Álfhildar séu fleiri sem hún heldur á lofti.Meira -
Fátt betra en að gleyma sér yfir sentimetrum og millimetrum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 17.27Stefán Vagn Stefánsson oddviti Framsóknar í Norðvesturkjördæmi er fæddur og uppalinn á Sauðárkróki giftur Hrafnhildi Guðjónsdóttur félagsráðgjafa og á með henni þrjú börn, Söru Líf, Atla Dag og Sigríði Hrafnhildi (Lillu). Tvö barnabörn, Rebekku og Stefán Brynjar (og eitt á leiðinni).Meira -
Vertu sól | Leiðari 44. tbl. Feykis
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla, Lokað efni 24.11.2024 kl. 16.04Kosningar færast óðfluga nær og hjá sumum ríkir töluverð eftirvænting, spenna eða jafnvel þórðargleði en aðrir eru fyrir löngu orðnir hundleiðir á þessari tík og vildu helst lóga henni.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.