Synjun Skagabyggðar um efnistöku í sveitarfélaginu stendur
Kröfu Vegagerðarinnar um að snúa við synjun Skagabyggðar um efnistöku í sveitarfélaginu var hafnað af Úrskurðarnefnd umhverfis- og auðlindamála nú í byrjun apríl. Málavextir voru þeir að í október 2023 óskaði Vegagerðin eftir heimild Skagabyggðar til efnistöku á unnu efni í námu norðan Hvammkotsbruna sem nýtt yrði í sjóvarnir við Réttarholt á Skagaströnd. Heildarmagn grjóts og sprengds kjarna í verkið var áætlað allt að 1.500 rúmmetrar.
Skagabyggð hafnaði því að gefa Vegagerðinni leyfi til efnistöku en í nóvember sl. bókaði sveitarstjórn eftirfarandi: „Sveitarstjórn telur sér ekki fært að gefa leyfi til efnistöku vegna ástands vega út á Skaga, nema fyrir liggi loforð um uppbyggingu vegar og varanlega klæðningu frá enda slitlags og norður að vegamótum við þá grjótnámu sem óskað er eftir að taka úr.“
Mánuði síðar óskaði Vegagerðin heimildar til efnisvinnslu/efnistöku úr námunni Kurfur ES-10 á sömu forsendum en Skagabyggð synjaði erindinu með vísan til þess að sveitarstjórn hefði sett grjótnámurnar Kurfur-ES10 og Hvammkot-ES11 ásamt aðkomuvegi í skipulagsferli.
Hætta fyrir bæði skepnur og menn
Feykir forvitnaðist um málið hjá Erlu Jónsdóttur, oddvita Skagabyggðar, en hún sagði Skagabyggð vera mjög fámennt sveitarfélag sem nær yfir stórt landssvæði sem gæta þarf hagsmuna um, enda ríkt af auðlindum. „Stjórnsýslan er mjög veik og hefur e.t.v. ekki verið gætt þess nægilega vel að skilgreina verklagsreglur varðandi frágang og öryggismál í kringum m.a. námur.“
Erla bendir á að þegar skoðuð eru veitt framkvæmdaleyfi fyrir grjótnámi má sjá að búið er að veita framkvæmdaleyfi til töku á um 28.000 rúmmetrum af efni úr námunum Kurfur-ES10 og Hvammkot-ES11. „Samanlagt sár vegna þessarar efnistöku má áætla að jafngildi að ummáli heilum fótboltavelli á 4ra metra dýpi. Námurnar eru þannig að það eru sprengdar upp klappir til þess að ná nægilega stóru grjóti sem nýst getur m.a. til sjóvarnargerðar. Við sprengingar verður til klettastál sem er um 4m að hæð. Af slíku má sjá að það skapar verulega hættu, bæði fyrir skepnur og menn, enda svæðið algjörlega óvarið og ómerkt. Sveitarstjórn telur mikilvægt að gera reglur, sem snúa að bæði öryggismálum vegna þeirrar hættu sem efnistakan skapar á þessu svæði og eins varðandi umhverfismál, áður en frekari vinnslu er framhaldið.“
Vegagerðin hefur þegar hafið flutninga úr námunum
Næstu skref sveitarstjórnar segir Erla vera að gera verklagsreglur um efnistöku af þessari stærð þannig ekki skapist hætta af og umhverfisáhrifum verði haldið í lágmarki. „Verið er að skoða að gera sérstakt deiliskipulag fyrir það svæði sem þessi efnistaka hefur áhrif á, sem og aðkomuvegi að svæðinu. Sveitarstjórn hefur fullan hug á því að koma þessum málum í lag í samvinnu við Vegagerðina enda er hún einn helsti kaupandi að efni sem þessu,“ segir Erla.
Þrátt fyrir synjun Skagabyggðar um efnistöku í sveitarfélaginu hefur Vegagerðin nú þegar hafið flutninga á efni úr námunum. Erla segir Vegagerðina ekki vera að sprengja heldur flytji þeir úr þeim unnið efni. „Hvort það sé án leyfis eða óleyfisskylt er álitamál,“ segir hún.
Er Skagabyggð ósátt við þessa málavexti? „Það hefur ekki verið haldinn neinn fundur um þetta þannig ég get ekki talað fyrir hönd Skagabyggðar en ég get alveg fyrir mitt leyti sagt að ég hef áhyggjur af bæði Skagavegi og aðkomuveginum ef satt reynist að þetta verði um 400 ferðir,“ segir Erla að lokum.
Fleiri fréttir
-
Hressandi að skella sér í sjósund
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 17.15Ingibjörg Davíðsdóttir er oddviti Miðflokksins frá bænum Arnbjargarlæk í Þverárhlíð í Borgarbyggð, fædd á Akranesi 1970 og á einnig ættir að rekja til Breiðafjarðareyja, Reykhóla og Múla á Barðaströnd. Ingibjörg á eina uppkomna dóttur og á heima í sveitinni og Garðabæ. Hún er sendiherra og stjórnarformaður Íslenska fæðuklasans. Hefur starfað í utanríkisþjónustunni í ríflega 25 ár, meðal annars sem sendiherra Íslands í Noregi, ráðgjafi forsætisráðherra í utanríkismálum ásamt því að starfa í sendiskrifstofum Íslands í Genf, Vínarborg og London. Ingibjörg tók sér leyfi frá utanríkisþjónustunni í fyrra og stofnaði Íslenska fæðuklasann.Meira -
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira -
Afmælisveisla Hvatar er einmitt í dag!
feykir.is Austur-Húnavatnssýsla, Mannlíf, Lokað efni 23.11.2024 kl. 09.45Félagar í Ungmennafélaginu Hvöt á Blönduósi fagna í dag stórafmæli félagsins en í dag eru nákvæmlega 100 ár og tveir dagar frá stofnun þess árið 1924. Af þessu tilefni verður afmælishátíð í Íþróttamiðstöðinni á Blönduósi og hefst dagskráin kl. 13:00 og verður margt til gamans gert.Meira -
Eflum ferðaþjónustu í Norðvesturkjördæmi | Heiðdís Rós Eyjólfsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 09.45Ferðaþjónustan hefur verið ein af leiðandi ástæðum fyrir vaxtaþrótti íslensks samfélags undanfarin ár og eftirspurn eftir íslenskri ferðaþjónustu hefur vaxið af miklum krafti þótt jarðhræringarnar á Reykjanesskaga hafi leitt til ákveðinnar hnignunar. Þrátt fyrir allt hefur fjöldi erlendra ferðamanna á fyrstu níu mánuðum ársins verið lítillega yfir fjölda síðasta árs en fjöldi gistinátta hefur hins vegar dregist saman. Eins og kemur fram í þjóðhagsspá Hagstofunnar í nóvember er búist við því að fjöldi erlendra ferðamanna haldist stöðugur á næsta ári í 2,3 milljónum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.