Skagfirski kammerkórinn syngur Magnificat á Selfossi
Laugardaginn 8.apríl kl.16 verða stórtónleikar á Selfossi þar sem Skagfirski kammerkórinn kemur mikið við sögu. Það er Sinfóníuhljómsveit Suðurlands sem stendur fyrir þessum tónleikum. Á tónleikunum mun Skagfirski kammerkórinn ásamt Kammerkór Norðurlands og kirkjukór Selfosskirkju flytja hið glæsilega verk Magnificat eftir breska tónskáldið John Rutter. Verkið er samið fyrir hljómsveit, kór og einsöngvara og mun Helga Rós Indriðadóttir kórstjóri Skagfirska kammerkórsins syngja einsöngshlutverkið. Guðmundur Óli Gunnarsson stofnandi og stjórnandi Sinfóníuhljómsveitar Suðurlands og Kammerkórs Norðurlands mun svo halda um tónsprotann á tónleikunum.
Efnisskrá tónleikanna verður tvískipt, fyrir hlé verða fluttar íslenskar einsöngsperlur í nýjum hljómsveitarútsetningum. Um er að ræða nýja nálgun á þekktum íslenskum einsöngslögum sem annars eru venjulega flutt með hefðbundnum píanóundirleik. Það verða þau Helga Rós Indriðadóttir sópran og Gunnlaugur Bjarnason baríton sem flytja einsöngslögin.
Eftir hlé verður svo hið glæsilega kórverk Magnificat flutt. Reikna má með að samanlagður fjöldi kórsöngvara verði milli 60-70 og 24 hljóðfæraleikarar munu skipa hljómsveitina svo um er að ræða stóra uppfærslu.
Verkið Magnificat er samið í kringum 1990 og er lofsöngur til Maríu meyjar, það var frumflutt það ár og sló strax í gegn þó sumum þætti það of galsafengið sem lofsöngur Maríu. Innblástur að verkinu sækir Rutter í stemninguna, gleðina og fögnuðinn sem fylgir Maríuhátíðum í suðrænum löndum enda finnst Rutter íbúum á norðurhjara heimsins ekki veita af dálitlum sólskinsstraumum úr suðri. Það er því ekki laust við að verkið beri með sér nokkuð suðrænan blæ og sveiflu sem gerir það mjög áheyrilegt og líflegt.
Magnificat eftir John Rutter er Skagfirska kammerkórnum ekki ókunnugt en í tilefni fullveldisársins 2018 stóð kórinn fyrir samskonar tónleikum sem fluttir voru þrisvar sinnum það ár, seinni partinn í október, fyrst í menningarhúsinu Miðgarði fyrir fullu húsi, síðan syðra í Bíóhöllinni Akranesi og loks í Langholtskirkju. Stjórnandi þá sem nú var Guðmundur Óli Gunnarsson.
Kórfélagar úr Skagfirska kammerkórnum munu halda af stað suður yfir heiðar á skírdag og mikil tilhlökkun ríkir í hópnum að flytja verkið aftur, æft verður með öllum kórunum og hljómsveit á skírdag, föstudaginn langa og tónleikadaginn og svo verða tónleikarnir sem fyrr segir í Selfosskirkju kl.16 á laugardeginum. Hægt er að nálgast miða á Tix.is
/Fréttatilkynning
Fleiri fréttir
-
Hefur gaman af því að tala og vera í félagsskap annarra
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 25.11.2024 kl. 17.01Arna Lára Jónsdóttir er Vestfirðingur, borin og barnfædd Ísfirðingur, þar sem hún hef búið mest megnið af sínu lífi fyrir utan námsárin í Reykjavík og Kaupamannahöfn. Sambýlismaður hennar er Ingi Björn Guðnason og eiga þau þrjú börn, Hafdísi, sem stundar doktorsnám í efnafræði í Bretlandi, Helenu, sem er í stýrimannaskólanum og Dagur, sem býr enn í foreldrahúsum. Arna er bæjarstjóri Ísafjarðarbæjar og tekur nú oddvitasæti Samfylkingar í Norðvesturkjördæmi.Meira -
Heilbrigðisþjónusta utan lögheimilis – Mismunun og kostnaður foreldra
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 25.11.2024 kl. 15.38Nú er verið að ganga til kosninga og því vill ég nýta tækifærið til að vekja athygli á mikilvægi heilbrigðisþjónustu utan lögheimilis, sérstaklega þegar kemur að þjónustu fyrir börn, kostnaður og álag á fjölskyldur sem þurfa að ferðast langar leiðir til að leita eftir heilbrigðisþjónustu. Kerfið þarf að bæta og tryggja að allar fjölskyldur, óháð búsetu, fái sanngjarna meðferð þegar kemur að aðgengi að heilbrigðisþjónustu.Meira -
„Mamma vissi að ég yrði kennari“
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 25.11.2024 kl. 09.53Álfhildur Leifsdóttir er oddviti VG í Norðvestur kjördæmi í komandi kosningum. Álfhildur er einstæð móðir 11, 17 og 18 ára snillinga og á að auki einn afar vel heppnaðan tengdason. Hún er frá Keldudal í Skagafirði og ólst þar upp við bústörf en undanfarin ár hefur Álfhildur og fjölskyldan búið á Sauðárkróki. Þar kennir hún við Árskóla og er sveitarstjórnarmaður hjá Skagafirði og óhætt að segja að boltarnir hennar Álfhildar séu fleiri sem hún heldur á lofti.Meira -
Fátt betra en að gleyma sér yfir sentimetrum og millimetrum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 17.27Stefán Vagn Stefánsson oddviti Framsóknar í Norðvesturkjördæmi er fæddur og uppalinn á Sauðárkróki giftur Hrafnhildi Guðjónsdóttur félagsráðgjafa og á með henni þrjú börn, Söru Líf, Atla Dag og Sigríði Hrafnhildi (Lillu). Tvö barnabörn, Rebekku og Stefán Brynjar (og eitt á leiðinni).Meira -
Vertu sól | Leiðari 44. tbl. Feykis
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla, Lokað efni 24.11.2024 kl. 16.04Kosningar færast óðfluga nær og hjá sumum ríkir töluverð eftirvænting, spenna eða jafnvel þórðargleði en aðrir eru fyrir löngu orðnir hundleiðir á þessari tík og vildu helst lóga henni.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.