Nýjasta rit Húnavöku komið í dreifingu
Ungmennasamband Austur-Húnvetninga hefur gefið út ársritið Húnavöku frá árinu 1961. Nýverið kom út 61. og 62. árgangur ritsins í einni bók, en lítil þúfa í formi veiru setti allt skipulag og undirbúning útgáfunnar úr skorðum um stund. Feykir setti sig í samband við Magdalenu Berglindi Björnsdóttur, ritstjóra Húnavökunnar, og spurðist fyrir um efnistök.
„Í Húnavökuritinu má að venju finna fjölbreytt efni sem núverandi og brottfluttir Húnvetningar hafa samið og/eða safnað og sent ritnefnd til birtingar í ritinu. Þar má að þessu sinni finna viðtal við Sigríði Höskuldsdóttur á Kagaðarhóli, kveðskap, fjölbreyttar frásagnir, endurminningar og smásögur. Austur-Húnvetninga, sem kvöddu þessa tilveru á árunum 2020 og 2021, er minnst og myndir eru af nýfæddum börnum og ungmennum á „fermingaraldri“ - sem að vísu er teygjanlegt hugtak þegar bið verður á útgáfu ritsins líkt og raunin var nú,“ segir Berglind.
„Meðal efnis í ritinu má nefna grein Grétu Björnsdóttur á Húnsstöðum um sveitasímann, en hún safnaði og skráði hringingar á bæi sýslunnar. Þær upplýsingar var hvergi að finna nema í minni íbúa svæðisins þar til nú. Jón Torfason frá Torfalæk skrifaði um Mánahaug sem finna má á hákolli Illviðrishnjúks á Laxárdalsfjalli. Jón komst að því að ekki var allt rétt sem munnmælasögur í sveitinni sögðu um tilurð haugsins. Mjög áhugaverð grein svo ekki sé meira sagt,“ bætir Berglind við en hún nefnir að í ritinu séu ávallt fréttir úr héraði og megi í Húnavöku finna góðar heimildir um atvinnu- og mannlíf, íþróttir og menningu í sýslunni. „Að þessu sinni eru fréttirnar frá þessum tveimur árum, 2020 og 2021.“
Ritið er um 270 blaðsíður og því ekki hægt að segja frá öllu því góða efni sem í því er. Hvetur Berglind áhugasama lesendur til að senda póst á usah540@simnet.is og panta sér eintak. Ritið kostar 3.000 krónur.
„Samhliða því að taka á móti ritinu úr prentun var ákveðið að byrja undirbúning að næstu útgáfu strax og koma vinnunni á „rétt ról“. Ritnefndin hefur því hafist handa við efnisöflun, svo von er á annarri bók á vordögum eins og venja var áður en fyrrnefnd þúfa varð á vegi útgáfunnar,“ segir Berglind að lokum.
Fleiri fréttir
-
Vilt þú breytingu á stjórn landsins? | Hannes S. Jónsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 26.11.2024 kl. 11.13Á laugardaginn kjósum við okkur sextíu og þrjá einstaklinga til að setjast á Alþingi næstu fjögur árin, nýja forystu fyrir landið okkar. Stóra spurningin sem hvert og eitt okkar þarf að spyrja sig að, viljum við breytingar við stjórn landsins eða viljum við óbreytt ástand.Meira -
Ljós víða tendruð um helgina
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf, Lokað efni 26.11.2024 kl. 09.35Aðventan hefst um helgina og víða verða ljós tendruð á jólatrjám, margur maðurinn reyndar löngu búinn að skreyta hús sín og væntan-lega margir sem taka til við það næstu daga.Meira -
Björgunarsveitin Strönd aðstoðaði fasta ökumenn á Þverárfjalli
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 26.11.2024 kl. 09.02Seint í gærkvöldi var björgunarsveitin Strönd á Skagaströnd kölluð út vegna sex bíla sem sátu fastir í snjó á Þverárfjalli. Í tilkynningu frá Landsbjörg segir að björgunarsveitarfólk hafi farið úr húsi rétt um hálf tólf og var búið að losa alla bíla um 50 mínútum síðar.Meira -
Hefur gaman af því að tala og vera í félagsskap annarra
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 25.11.2024 kl. 17.01Arna Lára Jónsdóttir er Vestfirðingur, borin og barnfædd Ísfirðingur, þar sem hún hef búið mest megnið af sínu lífi fyrir utan námsárin í Reykjavík og Kaupamannahöfn. Sambýlismaður hennar er Ingi Björn Guðnason og eiga þau þrjú börn, Hafdísi, sem stundar doktorsnám í efnafræði í Bretlandi, Helenu, sem er í stýrimannaskólanum og Dagur, sem býr enn í foreldrahúsum. Arna er bæjarstjóri Ísafjarðarbæjar og tekur nú oddvitasæti Samfylkingar í Norðvesturkjördæmi.Meira -
Heilbrigðisþjónusta utan lögheimilis – Mismunun og kostnaður foreldra
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 25.11.2024 kl. 15.38Nú er verið að ganga til kosninga og því vill ég nýta tækifærið til að vekja athygli á mikilvægi heilbrigðisþjónustu utan lögheimilis, sérstaklega þegar kemur að þjónustu fyrir börn, kostnaður og álag á fjölskyldur sem þurfa að ferðast langar leiðir til að leita eftir heilbrigðisþjónustu. Kerfið þarf að bæta og tryggja að allar fjölskyldur, óháð búsetu, fái sanngjarna meðferð þegar kemur að aðgengi að heilbrigðisþjónustu.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.