Lið FNV áfram í 16 liða úrslit Gettu betur
Spurningakeppni framhaldsskólanna, Gettu betur, er komin í gang enn eitt skiptið og að sjálfsögðu sendir Fjölbrautaskóli Norðurlands vestra lið til leiks. Lið FNV þreytti frumraun sína þennan veturinn síðastliðið mánudagskvöld þar sem spekingar okkar mættu liði Menntaskólans í Kópavogi. Eftir jafnræði í hraðaspurningum tók lið FNV öll völd í bjölluspurningunum og sigraði með stæl, 21–9.
Runnið er upp 38. keppnisár Gettu betur og að þessu sinni taka 25 skólar þátt. Liðin hefja undirbúning snemma á skólaárinu og þannig var til dæmis úrtökupróf fyrir keppnina hjá FNV þann 29. ágúst sl. Þá voru nemendur hvattir til að mæta og spreyta sig á laufléttum og skemmtilegum spurningum. Ágúst Ingi Ágústsson, sagnfræðikennari við FNV, er þjálfari liðsins. Hann tjáði Feyki að í kjölfar úrtökuprófsins hefði verið valinn sex manna æfingahópur sem hefur æft einu sinni til tvisvar í viku frá skólabyrjun.
Lið FNV skipa þau Óskar Aron Stefánsson frá Álfheimum í Skagafirði, Alexander Viktor Jóhannesson frá Þorgrímsstöðum í Vestur-Húnavatnssýslu og Íris Helga Aradóttir búsett á Bárastígnum á Króknum. Með sigrinum á mánudag tryggði FNV sér sæti í 16 liða úrslitum keppninnar sem fram fara 16. og 18. janúar eða semsagt strax í næstu viku. SIgurvegarar þar komast í átta liða úrslit sem fara fram í Sjónvarpinu.
Feykir óskar liði FNV til lukku með sigurinn og áframhaldandi velgengni.
Fleiri fréttir
-
Vilt þú breytingu á stjórn landsins? | Hannes S. Jónsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 26.11.2024 kl. 11.13Á laugardaginn kjósum við okkur sextíu og þrjá einstaklinga til að setjast á Alþingi næstu fjögur árin, nýja forystu fyrir landið okkar. Stóra spurningin sem hvert og eitt okkar þarf að spyrja sig að, viljum við breytingar við stjórn landsins eða viljum við óbreytt ástand.Meira -
Ljós víða tendruð um helgina
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf, Lokað efni 26.11.2024 kl. 09.35Aðventan hefst um helgina og víða verða ljós tendruð á jólatrjám, margur maðurinn reyndar löngu búinn að skreyta hús sín og væntan-lega margir sem taka til við það næstu daga.Meira -
Björgunarsveitin Strönd aðstoðaði fasta ökumenn á Þverárfjalli
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 26.11.2024 kl. 09.02Seint í gærkvöldi var björgunarsveitin Strönd á Skagaströnd kölluð út vegna sex bíla sem sátu fastir í snjó á Þverárfjalli. Í tilkynningu frá Landsbjörg segir að björgunarsveitarfólk hafi farið úr húsi rétt um hálf tólf og var búið að losa alla bíla um 50 mínútum síðar.Meira -
Hefur gaman af því að tala og vera í félagsskap annarra
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 25.11.2024 kl. 17.01Arna Lára Jónsdóttir er Vestfirðingur, borin og barnfædd Ísfirðingur, þar sem hún hef búið mest megnið af sínu lífi fyrir utan námsárin í Reykjavík og Kaupamannahöfn. Sambýlismaður hennar er Ingi Björn Guðnason og eiga þau þrjú börn, Hafdísi, sem stundar doktorsnám í efnafræði í Bretlandi, Helenu, sem er í stýrimannaskólanum og Dagur, sem býr enn í foreldrahúsum. Arna er bæjarstjóri Ísafjarðarbæjar og tekur nú oddvitasæti Samfylkingar í Norðvesturkjördæmi.Meira -
Heilbrigðisþjónusta utan lögheimilis – Mismunun og kostnaður foreldra
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 25.11.2024 kl. 15.38Nú er verið að ganga til kosninga og því vill ég nýta tækifærið til að vekja athygli á mikilvægi heilbrigðisþjónustu utan lögheimilis, sérstaklega þegar kemur að þjónustu fyrir börn, kostnaður og álag á fjölskyldur sem þurfa að ferðast langar leiðir til að leita eftir heilbrigðisþjónustu. Kerfið þarf að bæta og tryggja að allar fjölskyldur, óháð búsetu, fái sanngjarna meðferð þegar kemur að aðgengi að heilbrigðisþjónustu.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.