Hyggilegt að huga að niðurföllum til að vatn komist leiðar sinnar í hláku morgundagsins
Gul viðvörun hefur verið gefin út fyrir allt landið vegna veðurs en varað er við asahláku á morgun þegar frostið gefur eftir fyrir hlýjum sunnanþey. Í athugasemd veðurfræðings á heimasíðu Veðurstofunnar kemur fram að spáð er suðaustan hvassviðri eða stormi sunnan- og vestanlands seint í nótt og framan af morgundegi með úrkomu og hlýnandi veðri.
Búast má við 10-18 m/s, rigningu með köflum og hita frá fimm til tólf stig á Norðurlandi vestra og segir á vedur.is að búast megi við talverðu afrennsli vegna úrkomu og snjóbráðnunar og vexti í ám og lækjum. „Ísilagðar ár geta rutt sig og fólk er hvatt til að sýna aðgát vegna þess. Hyggilegt að huga að niðurföllum til að vatn komist leiðar sinnar í fráveitukerfi og forðast vatnstjón. Flughálka er líkleg til að myndast á blautum klaka.“
Lögreglan á Norðurlandi vestra segir á Facebook-síðu sinni að mikilvægt sé að fylgjast vel með veðurspám næstu daga en hægt er að fylgjast með viðvörunum HÉR
Spá fyrir Strandir og Norðurland vestra
Austlæg átt 3-10 síðdegis og bjartviðri. Frost 3 til 12 stig. Suðaustan 13-20 í fyrramálið, sums staðar snjókoma eða slydda og hlýnandi veður. Sunnan 10-18 síðdegis á morgun, rigning öðru hvoru og hiti 5 til 11 stig.
Veðurhorfur á landinu næstu daga
Á laugardag:
Sunnan og suðvestan 5-13 m/s. Dálítil él eða skúrir á vestanverðu landinu með hita 0 til 5 stig. Hiti 5 til 10 stig á austurhelmingi landsins, auk þess rigning suðaustan til fram eftir degi. Bætir í vind og él vestanlands um kvöldið og hiti þá víða kringum frostmark á landinu.
Á sunnudag:
Suðvestan 13-20 og él, en þurrt að kalla um landið norðaustanvert. Frost 0 til 5 stig.
Á mánudag:
Vestan og suðvestan 3-8, en 8-13 um landið norðanvert. Víða þurrt og bjart veður. Frost 3 til 10 stig.
Á þriðjudag:
Breytileg átt 5-13. Rigning eða slydda sunnanlands og hiti 1 til 5 stig. Snjókoma norðan til á landinu og frost 0 til 5 stig þar.
Á miðvikudag:
Vestan og suðvestanátt og víða bjartviðri. Frost 0 til 6 stig.
Fleiri fréttir
-
Vilt þú breytingu á stjórn landsins? | Hannes S. Jónsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 26.11.2024 kl. 11.13Á laugardaginn kjósum við okkur sextíu og þrjá einstaklinga til að setjast á Alþingi næstu fjögur árin, nýja forystu fyrir landið okkar. Stóra spurningin sem hvert og eitt okkar þarf að spyrja sig að, viljum við breytingar við stjórn landsins eða viljum við óbreytt ástand.Meira -
Ljós víða tendruð um helgina
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf, Lokað efni 26.11.2024 kl. 09.35Aðventan hefst um helgina og víða verða ljós tendruð á jólatrjám, margur maðurinn reyndar löngu búinn að skreyta hús sín og væntan-lega margir sem taka til við það næstu daga.Meira -
Björgunarsveitin Strönd aðstoðaði fasta ökumenn á Þverárfjalli
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 26.11.2024 kl. 09.02Seint í gærkvöldi var björgunarsveitin Strönd á Skagaströnd kölluð út vegna sex bíla sem sátu fastir í snjó á Þverárfjalli. Í tilkynningu frá Landsbjörg segir að björgunarsveitarfólk hafi farið úr húsi rétt um hálf tólf og var búið að losa alla bíla um 50 mínútum síðar.Meira -
Hefur gaman af því að tala og vera í félagsskap annarra
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 25.11.2024 kl. 17.01Arna Lára Jónsdóttir er Vestfirðingur, borin og barnfædd Ísfirðingur, þar sem hún hef búið mest megnið af sínu lífi fyrir utan námsárin í Reykjavík og Kaupamannahöfn. Sambýlismaður hennar er Ingi Björn Guðnason og eiga þau þrjú börn, Hafdísi, sem stundar doktorsnám í efnafræði í Bretlandi, Helenu, sem er í stýrimannaskólanum og Dagur, sem býr enn í foreldrahúsum. Arna er bæjarstjóri Ísafjarðarbæjar og tekur nú oddvitasæti Samfylkingar í Norðvesturkjördæmi.Meira -
Heilbrigðisþjónusta utan lögheimilis – Mismunun og kostnaður foreldra
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 25.11.2024 kl. 15.38Nú er verið að ganga til kosninga og því vill ég nýta tækifærið til að vekja athygli á mikilvægi heilbrigðisþjónustu utan lögheimilis, sérstaklega þegar kemur að þjónustu fyrir börn, kostnaður og álag á fjölskyldur sem þurfa að ferðast langar leiðir til að leita eftir heilbrigðisþjónustu. Kerfið þarf að bæta og tryggja að allar fjölskyldur, óháð búsetu, fái sanngjarna meðferð þegar kemur að aðgengi að heilbrigðisþjónustu.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.