,,Heldurðu þræði?” - Nýsköpunarnámskeið fyrir frumkvöðla í textíl vorið 2023
Háskóli Íslands í samstarfi við Textílmiðstöð Íslands býður upp á nýsköpunarnámskeið sem tengist textílvinnslu. Námskeiðið nefnist „Heldurðu þræði?“ og hefst 7. febrúar - með kynningarfundi. Námskeiðið er hugsað fyrir þau sem vilja hrinda viðskiptahugmynd í framkvæmd og hefja eigin rekstur með áherslu á textíl eða eru í atvinnurekstri og vilja auka rekstrarþekkingu sína.
Námskeiðið er haldið í tengslum við evrópska rannsókna- og þróunarverkefnið CENTRINNO sem námsbraut í kynjafræði við Háskóla Íslands og Textílmiðstöð Íslands taka þátt í. Námskeiðið er endurgjaldslaust.
Þetta er í annað sinn sem námskeiðið er haldið, en það var líka í boði á síðasta misseri og voru þátttakendur um 30 talsins.
Þátttakendur fá margháttaðan stuðning og fræðslu á námskeiðinu, m.a. við að búa til heildstæða viðskiptaáætlun í kringum hugmyndir sínar. Þar verður einnig farið yfir stefnumótun, stjórnun og starfsmannamál, markaðssetningu og hagnýtingu samfélagsmiðla til að koma vörum sínum á framfæri en jafnframt er boðið upp á fræðslu um hringrásarhagkerfið, jafnréttisáherslur og umhverfismál.
Námskeiðið stendur yfir í níu vikur og lýkur með heimsókn í TextílLabið á Blönduósi. Kennt verður í fjarnámi á þriðjudögum klukkan 13:30 - 15:00. Kennslan er tekin upp og þau sem skrá sig geta fengið aðgang að upptökunum.
Hægt er að taka þátt í einni eða fleirum af eftirfarandi kennslustundum/vinnustofum:
- Kynning á námskeiðinu hugmyndarvinna.
- Viðskiptaáætlun, viðskiptahugmynd
- Umhverfismál, hringrásarhagkerfið, heimsmarkmið SÞ
- Markaðsmál og samkeppnisgreining og styrkir (Atvinnumál kvenna)
- Frumkvöðlaumhverfið og viðskiptaáætlanir (áframhald)
- Markaðsmál á vefnum og samfélagsmiðlum
- Fjárhagur og stofnun fyrirtækja
- Kynningar á verkefnum fyrir fjárfesta (pitch), umsóknir
- Dómarakynningar, dæmt verður eftir nýnæmi, fýsileika og teymi
- Heimsókn í Textíllabið á Blönduósi (kynning á tækjum)
Skráning HÉR:
Facebook-síða námskeiðsins HÉR Nánari upplýsingar veitir Hulda Birna Baldursdóttir, netfang: centrinno@hi.is, hbkb@hi.is
Nýsköpunarnámskeiðið tengist Evrópuverkefninu CENTRINNO (New CENTRalities in INdustrial areas and engines for inNOvation and urban transformation) sem Háskóli Íslands og Textílmiðstöð Íslands taka þátt í ásamt stofnunum og fyrirtækjum í 9 löndum. Hjá Háskóla Íslands koma þær Þorgerður Einarsdóttir, prófessor í kynjafræði, Laufey Axelsdóttir, nýdoktor í sömu grein, og Hulda Birna Baldursdóttir verkefnastjóri í verkefninu.
Markmið CENTRINNO er að endurvekja hnignandi en menningarsögulega mikilvæg iðnaðarsvæði í Evrópu þar sem störfum hefur fækkað og umhverfi er á fallanda fæti. Áhersla er m.a. lögð á textíl í verkefninu og í tengslum við það er unnið að því að koma nýsköpunar- og þekkingarmiðstöðvum á fót í Amsterdam, Barcelona, Genf, Kaupmannahöfn, Mílanó, París, Tallinn, Zagreb og á Blönduósi. Þar verður menningararfur nýttur sem hvati fyrir nýsköpun og félagslega þátttöku í anda hringrásarhagkerfis og sjálfbærni.
Vefsíða CENTRINNO: https://centrinno.eu/
/Fréttatilkynning
Fleiri fréttir
-
Björgunarsveitin Strönd aðstoðaði fasta ökumenn á Þverárfjalli
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 26.11.2024 kl. 09.02Seint í gærkvöldi var björgunarsveitin Strönd á Skagaströnd kölluð út vegna sex bíla sem sátu fastir í snjó á Þverárfjalli. Í tilkynningu frá Landsbjörg segir að björgunarsveitarfólk hafi farið úr húsi rétt um hálf tólf og var búið að losa alla bíla um 50 mínútum síðar.Meira -
Hefur gaman af því að tala og vera í félagsskap annarra
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 25.11.2024 kl. 17.01Arna Lára Jónsdóttir er Vestfirðingur, borin og barnfædd Ísfirðingur, þar sem hún hef búið mest megnið af sínu lífi fyrir utan námsárin í Reykjavík og Kaupamannahöfn. Sambýlismaður hennar er Ingi Björn Guðnason og eiga þau þrjú börn, Hafdísi, sem stundar doktorsnám í efnafræði í Bretlandi, Helenu, sem er í stýrimannaskólanum og Dagur, sem býr enn í foreldrahúsum. Arna er bæjarstjóri Ísafjarðarbæjar og tekur nú oddvitasæti Samfylkingar í Norðvesturkjördæmi.Meira -
Heilbrigðisþjónusta utan lögheimilis – Mismunun og kostnaður foreldra
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 25.11.2024 kl. 15.38Nú er verið að ganga til kosninga og því vill ég nýta tækifærið til að vekja athygli á mikilvægi heilbrigðisþjónustu utan lögheimilis, sérstaklega þegar kemur að þjónustu fyrir börn, kostnaður og álag á fjölskyldur sem þurfa að ferðast langar leiðir til að leita eftir heilbrigðisþjónustu. Kerfið þarf að bæta og tryggja að allar fjölskyldur, óháð búsetu, fái sanngjarna meðferð þegar kemur að aðgengi að heilbrigðisþjónustu.Meira -
„Mamma vissi að ég yrði kennari“
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 25.11.2024 kl. 09.53Álfhildur Leifsdóttir er oddviti VG í Norðvestur kjördæmi í komandi kosningum. Álfhildur er einstæð móðir 11, 17 og 18 ára snillinga og á að auki einn afar vel heppnaðan tengdason. Hún er frá Keldudal í Skagafirði og ólst þar upp við bústörf en undanfarin ár hefur Álfhildur og fjölskyldan búið á Sauðárkróki. Þar kennir hún við Árskóla og er sveitarstjórnarmaður hjá Skagafirði og óhætt að segja að boltarnir hennar Álfhildar séu fleiri sem hún heldur á lofti.Meira -
Fátt betra en að gleyma sér yfir sentimetrum og millimetrum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 17.27Stefán Vagn Stefánsson oddviti Framsóknar í Norðvesturkjördæmi er fæddur og uppalinn á Sauðárkróki giftur Hrafnhildi Guðjónsdóttur félagsráðgjafa og á með henni þrjú börn, Söru Líf, Atla Dag og Sigríði Hrafnhildi (Lillu). Tvö barnabörn, Rebekku og Stefán Brynjar (og eitt á leiðinni).Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.