Gular og appelsínugular viðvaranir fram á sunnudag
Suðvestan hvassviðri eða stormur verður seint í kvöld og suðvestan stormur eða rok víða um land á morgun með kunnuglegum veðurviðvörunum, gulum og appelsínugulum. Á Norðurlandi vestra tekur gul viðvörun gildi seint í kvöld með sunnan og suðvestan hvassviðri eða stormi sem breytist appelsínugult ástand á hádegi á morgun með roki allt upp í 28 m/s.
Á heimasíðu Veðurstofunnar segir að horfur næsta sólarhringinn á landinu sé eftirfarandi:
Suðlæg átt 10-18 m/s og rigning eða skúrir en slydda eða snjókoma í fyrstu um landið norðaustanvert. Hlýnandi, hiti 1 til 7 stig síðdegis. Gengur í suðvestan 18-25 m/s norðanlands seint í kvöld. Heldur hægari í nótt og víða rigning.Gengur í sunnan og suðvestan 18-28 m/s eftir hádegi á morgun með skúrum, hvassast um norðvestanvert landið, en áfram úrkomulítið norðaustanlands. Hiti 4 til 9 stig. Heldur hægari vindur annað kvöld og víða él.
Strandir og Norðurland vestra
Sunnan og suðvestan 18-25 m/s með snörpum vindhviðum við fjöll, og hlýnar einnig sem getur leitt til hálku á meðan snjó tekur upp. Getur verið varasamt fyrir ökutæki sem eru viðkvæm fyrir vindi og fólk er hvatt til að ganga frá lausum munum.
Á morgun er gult ástand fram að hádegi og þá er gert ráð fyrir sunnan og suðvestan 18-25 m/s með snörpum vindhviðum við fjöll. Getur verið varasamt fyrir ökutæki sem eru viðkvæm fyrir vindi og fólk er hvatt til að ganga frá lausum munum.
Eftir hádegið sækir Kári í sig veðrið með sunnan og suðvestan stormi eða roki og verður þá appelsínugult ástand sem gildir fram á miðja nótt. Vindhraði gæti farið upp í 20-28 m/s og varað er við snörpum vindhviðum við fjöll, einnig er búist við éljum um kvöldið með takmörkuðu skyggni. Getur verið varasamt fyrir ökutæki sem eru viðkvæm fyrir vindi og hætt við foktjóni.
Fleiri fréttir
-
Hefur gaman af því að tala og vera í félagsskap annarra
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 25.11.2024 kl. 17.01Arna Lára Jónsdóttir er Vestfirðingur, borin og barnfædd Ísfirðingur, þar sem hún hef búið mest megnið af sínu lífi fyrir utan námsárin í Reykjavík og Kaupamannahöfn. Sambýlismaður hennar er Ingi Björn Guðnason og eiga þau þrjú börn, Hafdísi, sem stundar doktorsnám í efnafræði í Bretlandi, Helenu, sem er í stýrimannaskólanum og Dagur, sem býr enn í foreldrahúsum. Arna er bæjarstjóri Ísafjarðarbæjar og tekur nú oddvitasæti Samfylkingar í Norðvesturkjördæmi.Meira -
Heilbrigðisþjónusta utan lögheimilis – Mismunun og kostnaður foreldra
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 25.11.2024 kl. 15.38Nú er verið að ganga til kosninga og því vill ég nýta tækifærið til að vekja athygli á mikilvægi heilbrigðisþjónustu utan lögheimilis, sérstaklega þegar kemur að þjónustu fyrir börn, kostnaður og álag á fjölskyldur sem þurfa að ferðast langar leiðir til að leita eftir heilbrigðisþjónustu. Kerfið þarf að bæta og tryggja að allar fjölskyldur, óháð búsetu, fái sanngjarna meðferð þegar kemur að aðgengi að heilbrigðisþjónustu.Meira -
„Mamma vissi að ég yrði kennari“
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 25.11.2024 kl. 09.53Álfhildur Leifsdóttir er oddviti VG í Norðvestur kjördæmi í komandi kosningum. Álfhildur er einstæð móðir 11, 17 og 18 ára snillinga og á að auki einn afar vel heppnaðan tengdason. Hún er frá Keldudal í Skagafirði og ólst þar upp við bústörf en undanfarin ár hefur Álfhildur og fjölskyldan búið á Sauðárkróki. Þar kennir hún við Árskóla og er sveitarstjórnarmaður hjá Skagafirði og óhætt að segja að boltarnir hennar Álfhildar séu fleiri sem hún heldur á lofti.Meira -
Fátt betra en að gleyma sér yfir sentimetrum og millimetrum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 17.27Stefán Vagn Stefánsson oddviti Framsóknar í Norðvesturkjördæmi er fæddur og uppalinn á Sauðárkróki giftur Hrafnhildi Guðjónsdóttur félagsráðgjafa og á með henni þrjú börn, Söru Líf, Atla Dag og Sigríði Hrafnhildi (Lillu). Tvö barnabörn, Rebekku og Stefán Brynjar (og eitt á leiðinni).Meira -
Vertu sól | Leiðari 44. tbl. Feykis
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla, Lokað efni 24.11.2024 kl. 16.04Kosningar færast óðfluga nær og hjá sumum ríkir töluverð eftirvænting, spenna eða jafnvel þórðargleði en aðrir eru fyrir löngu orðnir hundleiðir á þessari tík og vildu helst lóga henni.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.