Graflax en engin sósa
Í haust samdi SSNV við ráðgjafafyrirtæki Hjartar Smárasonar um gerð stöðugreiningar og stefnumótunar fyrir Norðurland vestra sem áfangastaðar. Hjörtur hefur um árabil unnið að verkefnum tengdum ímyndarmálum landssvæða og þróun ferðaþjónustu. Nú um ármótin lauk fyrsta hluta í stefnumótunarvinnunnar Kúrsinn stilltur og má finna skýrslu þar sem farið er yfir helstu niðurstöður Hjartar.
Í samantekt sinni segir hann m.a. að á Norðurlandi vestra megi finna hlaðborð af áhugaverðum áfangastöðum, sögustöðum og upplifunum fyrir ferðamenn. Vandamálið sé hins vegar að „...þeir liggja ekki á neinu einu hlaðborði, heldur eru þeir meira eins brauðmolar sem eru á víð og dreif og án nokkurar tengingar. Graflax en engin sósa.“
Erfitt sé fyrir ferðamenn að fá skýra sýn af því hver helst styrkleiki svæðisins er. „Þó að það séu nokkuð skýr þemu í því sem er í boði þarf að miðla því á sterkari hátt, þannig að þeir styrkleikar verða hluti af ímynd og aðdráttarafli svæðisins,“ segir Hjörtur í skýrslunni.
Fram kemur að skortur á gistirými, og þá sérstaklega í formi stærri hótela, sé eitt stærsta vandamálið í augnablikinu og það vandamál muni aukast fyrir tilstilli aukins fjölda ferðamanna sem fljúga beint á Akureyri. Hjörtur segir Norðurland vestra mjög áhugaverðan áfangastað og henti mjög vel til þróunar á hæglátri ferðamennsku þar sem gestir dvelji í nokkra daga „...og sökkvi sér dýpra í allt það sem áfangastaðurinn hefur upp á að bjóða, hvort sem er ævintýraferðamennska eða daglegt líf í samfélaginu. Hæglát ferðamennska getur líka þýtt lengri dvöl, í vikur og jafnvel mánuði, þar sem gesturinn kemur ekki bara til þess að sjá, heldur til að verða hluti af samfélaginu í einhvern tíma, og vinna að annað hvort listsköpun sinni eða vinnuverkefnum. Nú þegar eru allaveganna tvö dæmi um slík verkefni, listasmiðja á Skagaströnd og tónlistarstúdíó í Fljótum.“
Hægt er að skoða stöðugreininguna, fyrsta hluta stefnumótunarvinnunnar, á síðu SSNV >
Fleiri fréttir
-
Björgunarsveitin Strönd aðstoðaði fasta ökumenn á Þverárfjalli
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 26.11.2024 kl. 09.02Seint í gærkvöldi var björgunarsveitin Strönd á Skagaströnd kölluð út vegna sex bíla sem sátu fastir í snjó á Þverárfjalli. Í tilkynningu frá Landsbjörg segir að björgunarsveitarfólk hafi farið úr húsi rétt um hálf tólf og var búið að losa alla bíla um 50 mínútum síðar.Meira -
Hefur gaman af því að tala og vera í félagsskap annarra
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 25.11.2024 kl. 17.01Arna Lára Jónsdóttir er Vestfirðingur, borin og barnfædd Ísfirðingur, þar sem hún hef búið mest megnið af sínu lífi fyrir utan námsárin í Reykjavík og Kaupamannahöfn. Sambýlismaður hennar er Ingi Björn Guðnason og eiga þau þrjú börn, Hafdísi, sem stundar doktorsnám í efnafræði í Bretlandi, Helenu, sem er í stýrimannaskólanum og Dagur, sem býr enn í foreldrahúsum. Arna er bæjarstjóri Ísafjarðarbæjar og tekur nú oddvitasæti Samfylkingar í Norðvesturkjördæmi.Meira -
Heilbrigðisþjónusta utan lögheimilis – Mismunun og kostnaður foreldra
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 25.11.2024 kl. 15.38Nú er verið að ganga til kosninga og því vill ég nýta tækifærið til að vekja athygli á mikilvægi heilbrigðisþjónustu utan lögheimilis, sérstaklega þegar kemur að þjónustu fyrir börn, kostnaður og álag á fjölskyldur sem þurfa að ferðast langar leiðir til að leita eftir heilbrigðisþjónustu. Kerfið þarf að bæta og tryggja að allar fjölskyldur, óháð búsetu, fái sanngjarna meðferð þegar kemur að aðgengi að heilbrigðisþjónustu.Meira -
„Mamma vissi að ég yrði kennari“
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 25.11.2024 kl. 09.53Álfhildur Leifsdóttir er oddviti VG í Norðvestur kjördæmi í komandi kosningum. Álfhildur er einstæð móðir 11, 17 og 18 ára snillinga og á að auki einn afar vel heppnaðan tengdason. Hún er frá Keldudal í Skagafirði og ólst þar upp við bústörf en undanfarin ár hefur Álfhildur og fjölskyldan búið á Sauðárkróki. Þar kennir hún við Árskóla og er sveitarstjórnarmaður hjá Skagafirði og óhætt að segja að boltarnir hennar Álfhildar séu fleiri sem hún heldur á lofti.Meira -
Fátt betra en að gleyma sér yfir sentimetrum og millimetrum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 17.27Stefán Vagn Stefánsson oddviti Framsóknar í Norðvesturkjördæmi er fæddur og uppalinn á Sauðárkróki giftur Hrafnhildi Guðjónsdóttur félagsráðgjafa og á með henni þrjú börn, Söru Líf, Atla Dag og Sigríði Hrafnhildi (Lillu). Tvö barnabörn, Rebekku og Stefán Brynjar (og eitt á leiðinni).Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.