Fjögur verkefni á Norðurlandi vestra hlutu styrk
Í gær hlutu 28 verkefni styrk úr Framkvæmdasjóði ferðamannastaða 2023 fyrir alls 550 milljónir. Lilja Dögg Alfreðsdóttir menningar- og viðskiptaráðherra tilkynnti um úthlutunina í Vík í Mýrdal. Þrjú verkefni í Skagafirði hlutu styrk upp á samtals 23,8 milljónir króna og þá fékk fasi 2 við Spákonufellshöfða á Skagaströnd styrk upp á 11,4 milljónir króna.
Í frétt á vef Skagastrandar segir að mikil ánægja sé með úthlutunina en í fyrra fékk sveitarfélagið styrk til hönnunar og framkvæmda innan fólksvangsins sem fól í sér að gera fuglaskoðunarhús og lagfæra stíga og bílastæði.
„Hönnun á fuglaskoðunarhúsinu er lokið og verið er að skipuleggja framkvæmdir á sumarmánuðum 2023. Samkomulag hefur náðst við verktaka úr heimabyggð, frá Skagaströnd og Skagafirði, um framkvæmd fyrsta fasa verkefnisins og hefst smíði fuglaskoðunarhúss á næstu vikum. Húsið verður sett upp í sumar um leið og aðstæður leyfa. Húsið verður smíðað úr íslensku greni og ösp, en búið er að tryggja aðgengi að efninu frá Skógræktinni. Verkefnið er unnið í samstarfi við Umhverfisstofnun og er í samræmi við aðgerðaráætlun sveitarfélagsins sem kemur fram í stjórnunar- og verndaráætlun svæðisins.
Sá styrkur sem hlaust í úthlutun sjóðsins 2023 er vegna áframhaldandi aðgerða á Spákonufellshöfða. Aðgerðirnar fela í sér uppfærslu á fræðsluskiltum á höfðanum sem komin eru til ára sinna, að gera hjólastólafæran göngustíg frá bílastæði inn á höfðann og lítinn útsýnispall við enda þessa aðgengilega stígs,“ segir m.a. í fréttinni.
Verkefnin þrjú sem hlutu styrki í Skagafirði eru öll austan megin í firðinum. Tveimur og hálfri milljón var veitt til bætts aðgengis að sviðsetningu Haugsnesbardaga, einu stærsta, ef ekki stærsta, útilistarverki landsins sem Sigurður Hansen á heiðurinn af. Þá fengust 8,3 milljónir í verkefnið Uppbygging Hóla í Hjaltadal sem áfangastaðar fyrir ferðamenn. Hæsti styrkurinn á Norðurlandi vestra var ipp á 13 milljónir króna og kom í hlut verkefnisins Staðarbjargavík – hönnun útsýnispalla og stíga.
Staðarbjargavík er skammt frá sundlauginni á Hofsósi og er sögð vera höfuðstaður álfabyggðar í Skagafirði. Kannski vissara að verkið verði unnið í góðri samvinnu beggka vídda – svona miðað við fyrri reynslu í annarri fjölmennri álfabyggð í Hegranesi þegar vegur var lagður þar.
Alls barst 101 umsókn í Framkvæmdasjóð ferðamannastaða
Að þessu sinni barst 101 umsókn um styrki í framkvæmdasjóðinn, samtals að fjárhæð 2.037.984.107 kr., til verkefna að heildarfjárhæð 6.401.045.030 kr. Af innsendum umsóknum voru 24 ekki taldar uppfylla formkröfur sjóðsins eða falla utan verksviðs hans.
„Stjórn Framkvæmdasjóðsins lagði til að alls 28 verkefni yrðu styrkt að þessu sinni, samtals að fjárhæð 550.000.000 kr. Ráðherra féllst á tillögur stjórnar og hefur Ferðamálastofu verið falið að ganga til samninga við styrkþega,“ segir í frétt á vef Stjórnarráðsins.
Fleiri fréttir
-
Hefur gaman af því að tala og vera í félagsskap annarra
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 25.11.2024 kl. 17.01Arna Lára Jónsdóttir er Vestfirðingur, borin og barnfædd Ísfirðingur, þar sem hún hef búið mest megnið af sínu lífi fyrir utan námsárin í Reykjavík og Kaupamannahöfn. Sambýlismaður hennar er Ingi Björn Guðnason og eiga þau þrjú börn, Hafdísi, sem stundar doktorsnám í efnafræði í Bretlandi, Helenu, sem er í stýrimannaskólanum og Dagur, sem býr enn í foreldrahúsum. Arna er bæjarstjóri Ísafjarðarbæjar og tekur nú oddvitasæti Samfylkingar í Norðvesturkjördæmi.Meira -
Heilbrigðisþjónusta utan lögheimilis – Mismunun og kostnaður foreldra
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 25.11.2024 kl. 15.38Nú er verið að ganga til kosninga og því vill ég nýta tækifærið til að vekja athygli á mikilvægi heilbrigðisþjónustu utan lögheimilis, sérstaklega þegar kemur að þjónustu fyrir börn, kostnaður og álag á fjölskyldur sem þurfa að ferðast langar leiðir til að leita eftir heilbrigðisþjónustu. Kerfið þarf að bæta og tryggja að allar fjölskyldur, óháð búsetu, fái sanngjarna meðferð þegar kemur að aðgengi að heilbrigðisþjónustu.Meira -
„Mamma vissi að ég yrði kennari“
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 25.11.2024 kl. 09.53Álfhildur Leifsdóttir er oddviti VG í Norðvestur kjördæmi í komandi kosningum. Álfhildur er einstæð móðir 11, 17 og 18 ára snillinga og á að auki einn afar vel heppnaðan tengdason. Hún er frá Keldudal í Skagafirði og ólst þar upp við bústörf en undanfarin ár hefur Álfhildur og fjölskyldan búið á Sauðárkróki. Þar kennir hún við Árskóla og er sveitarstjórnarmaður hjá Skagafirði og óhætt að segja að boltarnir hennar Álfhildar séu fleiri sem hún heldur á lofti.Meira -
Fátt betra en að gleyma sér yfir sentimetrum og millimetrum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 17.27Stefán Vagn Stefánsson oddviti Framsóknar í Norðvesturkjördæmi er fæddur og uppalinn á Sauðárkróki giftur Hrafnhildi Guðjónsdóttur félagsráðgjafa og á með henni þrjú börn, Söru Líf, Atla Dag og Sigríði Hrafnhildi (Lillu). Tvö barnabörn, Rebekku og Stefán Brynjar (og eitt á leiðinni).Meira -
Vertu sól | Leiðari 44. tbl. Feykis
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla, Lokað efni 24.11.2024 kl. 16.04Kosningar færast óðfluga nær og hjá sumum ríkir töluverð eftirvænting, spenna eða jafnvel þórðargleði en aðrir eru fyrir löngu orðnir hundleiðir á þessari tík og vildu helst lóga henni.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.