Byggjum upp Kjalveg – Leiðari Feykis
Átta þingmenn Sjálfstæðisflokksins hafa lagt fram þingsályktunartillögu um endurnýjun vegarins yfir Kjöl með einkaframkvæmd en með heilsársvegi væri mögulegt að stytta til muna leiðina landshorna á milli og auðvelda þannig ferðir á milli Suður- og Norðurlands og opna fyrir möguleika á þróun nýrra ferðamannaleiða.
Í greinargerð með þingsályktunartillögunni kemur fram að tillagan geri ráð fyrir því að vegurinn yrði endurnýjaður þannig að hægt verði að halda honum opnum stóran hluta ársins, en ráðgert er að verkefnið verði unnið sem einkaframkvæmd.
„Við þekkjum að það er fátt sem styrkir byggðirnar jafn mikið og bættar samgöngur. Það er stórt og mikið mál innan ferðaþjónustunnar að skapa forsendur fyrir betri dreifingu erlendra ferðamanna um allt land. Allt Ísland, allt árið. Mjög stór hluti allra ferðamanna sem sækja Ísland heim leigja sér bílaleigubíl og keyra um á eigin vegum. Ég er fullviss um að uppbygging Kjalvegar er mikið framfaramál sem myndi styrkja byggðirnar bæði norðan og sunnan heiða,“ segir Njáll Trausti, fyrsti flutningsmaður tillögunnar.
Þetta tel ég að yrði mikið framfaraskref í samgöngumálum í landinu og ekki síður til að opna greiðfæra leið fyrir ferðamenn að hálendinu. Ég geri mér hins vegar fulla grein fyrir því að einhverjir eru mér ekki sammála í þessum efnum, fólk sem vill takmarga aðgengi að ósnortinni náttúru, hvað svo sem í því felst, svo alvöru útivistarfólk geti haft þetta út af fyrir sig. Séð hef ég haft eftir fólki, sem telur sig verndara hálendisins, að ökumenn á Yaris eiga ekkert erindi á hálendið. Það felst jafn mikill hroki í þeim orðum og segja fötluðum að þeir hafi ekkert að gera upp í Hveravelli eða Kerlingafjöll.
Þegar þessi pistill er í smíðum er akstursbann á öllum hálendisvegum landsins á meðan frost fer úr jörðu en það skrítna er að hitastig á Hveravöllum, skv. mælum Vegagerðarinnar, er 10 gráður meðan það eru einungis fimm stig á Vatnsskarði og sjö á Öxnadalsheiði. Eðlilega eru hálendisvegir viðkvæmir og bera ekki umferð á þessum tíma enda í langflestum tilfellum niðurgrafnir ýtuslóðar í mikilli hæð yfir sjávarmáli. Það væri líklega einnig lokað til Akureyrar ef um heiðina væri boðið upp á slíka akvegi. Það er forvitnilegt að sjá hve litlu munar á Kjalvegi sem hæst stendur við Fjórðungsöldu 672 m.y.s. og Öxnadalsheiði sem nær upp í 540 m hæð.
En á meðan ekki er bætt úr þessu hafa björgunarsveitir nóg að gera við að draga bíla úr ófærum líkt og Björgunarfélagið Blanda á Blönduósi gerði á dögunum en þá hafði ferðafólk farið á fólksbíl upp á Kjalveg en fest sig í snjóskafli við Gíslaskála. Því miður var lokað þar en á heimasíðu skálans má sjá að þar er boðin fyrsta flokks aðstaða fyrir ferðamenn á reginfjöllum. „Tilvalinn dvalarstaður fyrir þá sem vilja njóta óspilltrar náttúru og öræfakyrrðar á hálendi Íslands.“
Góðar stundir!
Páll Friðriksson, ritstjóri
Fleiri fréttir
-
Hefur gaman af því að tala og vera í félagsskap annarra
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 25.11.2024 kl. 17.01Arna Lára Jónsdóttir er Vestfirðingur, borin og barnfædd Ísfirðingur, þar sem hún hef búið mest megnið af sínu lífi fyrir utan námsárin í Reykjavík og Kaupamannahöfn. Sambýlismaður hennar er Ingi Björn Guðnason og eiga þau þrjú börn, Hafdísi, sem stundar doktorsnám í efnafræði í Bretlandi, Helenu, sem er í stýrimannaskólanum og Dagur, sem býr enn í foreldrahúsum. Arna er bæjarstjóri Ísafjarðarbæjar og tekur nú oddvitasæti Samfylkingar í Norðvesturkjördæmi.Meira -
Heilbrigðisþjónusta utan lögheimilis – Mismunun og kostnaður foreldra
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 25.11.2024 kl. 15.38Nú er verið að ganga til kosninga og því vill ég nýta tækifærið til að vekja athygli á mikilvægi heilbrigðisþjónustu utan lögheimilis, sérstaklega þegar kemur að þjónustu fyrir börn, kostnaður og álag á fjölskyldur sem þurfa að ferðast langar leiðir til að leita eftir heilbrigðisþjónustu. Kerfið þarf að bæta og tryggja að allar fjölskyldur, óháð búsetu, fái sanngjarna meðferð þegar kemur að aðgengi að heilbrigðisþjónustu.Meira -
„Mamma vissi að ég yrði kennari“
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 25.11.2024 kl. 09.53Álfhildur Leifsdóttir er oddviti VG í Norðvestur kjördæmi í komandi kosningum. Álfhildur er einstæð móðir 11, 17 og 18 ára snillinga og á að auki einn afar vel heppnaðan tengdason. Hún er frá Keldudal í Skagafirði og ólst þar upp við bústörf en undanfarin ár hefur Álfhildur og fjölskyldan búið á Sauðárkróki. Þar kennir hún við Árskóla og er sveitarstjórnarmaður hjá Skagafirði og óhætt að segja að boltarnir hennar Álfhildar séu fleiri sem hún heldur á lofti.Meira -
Fátt betra en að gleyma sér yfir sentimetrum og millimetrum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 17.27Stefán Vagn Stefánsson oddviti Framsóknar í Norðvesturkjördæmi er fæddur og uppalinn á Sauðárkróki giftur Hrafnhildi Guðjónsdóttur félagsráðgjafa og á með henni þrjú börn, Söru Líf, Atla Dag og Sigríði Hrafnhildi (Lillu). Tvö barnabörn, Rebekku og Stefán Brynjar (og eitt á leiðinni).Meira -
Vertu sól | Leiðari 44. tbl. Feykis
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla, Lokað efni 24.11.2024 kl. 16.04Kosningar færast óðfluga nær og hjá sumum ríkir töluverð eftirvænting, spenna eða jafnvel þórðargleði en aðrir eru fyrir löngu orðnir hundleiðir á þessari tík og vildu helst lóga henni.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.