Átján kindum bjargað úr afrétt
Síðastliðinn föstudag náði Andrés bóndi í Tungu í Gönguskörðum við annan mann að koma sautján kindum til byggða úr Vesturfjöllum sem voru, þrátt fyrir fannfergi og kulda, í ágætu ásigkomulagi. Nokkrum dögum áður hafði Andrés staðsett féð og náð að handsama eitt lamb og flutt með sér heim.
Það var sl. fimmtudag sem Andrés fór í fjallaleiðangur á beltahjóli sínu til að freista þess að mjaka fénu til byggða og náði hann, einn síns liðs, að koma fénu, sem hafðist við í vestanverðu Stakkfellinu til móts við Gvendarstaði, yfir í Kálfárdal. Á föstudaginn bættist honum liðsauki þegar Birgir Hauksson í Valagerði hjálpaði honum að koma fénu heim í Tungu.
„Þetta gekk í raun og veru bara vel. Þetta er þolinmæðisvinna á þessum tíma náttúrulega en ég var svo heppinn að það var þarna ein ær sem að fór vel á undan og fór í slóðina á hjólinu. Þetta tók bara tíma,“ útskýrir Andrés en hann segir ærnar hafa verið í mjög góðu ásigkomulagi enda nógur hagi þar sem þær höfðust við. „Það er mjög gott lag á þeim, það var ekki vandamálið. Það eina sem að var var að klakabrynja var komin í þær sem var til trafala og þurfti að skera úr til að létta á þeim, sérstaklega í einu lambi.“
Flestar kindurnar í hópnum voru úr Skagafirði en ein tvílembd er frá Bakkakoti í Austur-Húnavatnssýslu. Níu voru kindurnar úr Hegranesinu, sex frá Ríp og tvílemba frá Svanavatni, af Langholtinu var tvílemba frá Halldórsstöðum og lamb frá Glaumbæ og sjálfur átti Andrés tvær. „Þannig að þetta kemur úr sitt hverri áttinni segir Andrés sem fullyrðir að hann hefði ekki haft þetta nema vegna fararskjótans, fjórhjóls á beltum líkt og björgunarsveitir nota enda færið þungt. Þó segir hann ekki það mikinn snjó að komið væri sleðafæri til að fara að snúast um holt og hæðir í kringum féð.
Ekki frést af fleirum
Aðspurður um hvort fleira fé leynist í Vesturfjöllum segir Andrés ekki víst. „Ég veit ekki um neitt en það vantar enn og ekki fundist ennþá hvernig sem það er. Auðvitað vantar alltaf eitthvað sem aldrei kemur, getur farið ofan í eða orðið afvelta og alla vega. En þegar vantar samstæður, ær með lömbum, þá heldur maður frekar í vonina að það sé einhvers staðar og finnist.“
Fleiri fréttir
-
Vilt þú breytingu á stjórn landsins? | Hannes S. Jónsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 26.11.2024 kl. 11.13Á laugardaginn kjósum við okkur sextíu og þrjá einstaklinga til að setjast á Alþingi næstu fjögur árin, nýja forystu fyrir landið okkar. Stóra spurningin sem hvert og eitt okkar þarf að spyrja sig að, viljum við breytingar við stjórn landsins eða viljum við óbreytt ástand.Meira -
Ljós víða tendruð um helgina
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf, Lokað efni 26.11.2024 kl. 09.35Aðventan hefst um helgina og víða verða ljós tendruð á jólatrjám, margur maðurinn reyndar löngu búinn að skreyta hús sín og væntan-lega margir sem taka til við það næstu daga.Meira -
Björgunarsveitin Strönd aðstoðaði fasta ökumenn á Þverárfjalli
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 26.11.2024 kl. 09.02Seint í gærkvöldi var björgunarsveitin Strönd á Skagaströnd kölluð út vegna sex bíla sem sátu fastir í snjó á Þverárfjalli. Í tilkynningu frá Landsbjörg segir að björgunarsveitarfólk hafi farið úr húsi rétt um hálf tólf og var búið að losa alla bíla um 50 mínútum síðar.Meira -
Hefur gaman af því að tala og vera í félagsskap annarra
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 25.11.2024 kl. 17.01Arna Lára Jónsdóttir er Vestfirðingur, borin og barnfædd Ísfirðingur, þar sem hún hef búið mest megnið af sínu lífi fyrir utan námsárin í Reykjavík og Kaupamannahöfn. Sambýlismaður hennar er Ingi Björn Guðnason og eiga þau þrjú börn, Hafdísi, sem stundar doktorsnám í efnafræði í Bretlandi, Helenu, sem er í stýrimannaskólanum og Dagur, sem býr enn í foreldrahúsum. Arna er bæjarstjóri Ísafjarðarbæjar og tekur nú oddvitasæti Samfylkingar í Norðvesturkjördæmi.Meira -
Heilbrigðisþjónusta utan lögheimilis – Mismunun og kostnaður foreldra
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 25.11.2024 kl. 15.38Nú er verið að ganga til kosninga og því vill ég nýta tækifærið til að vekja athygli á mikilvægi heilbrigðisþjónustu utan lögheimilis, sérstaklega þegar kemur að þjónustu fyrir börn, kostnaður og álag á fjölskyldur sem þurfa að ferðast langar leiðir til að leita eftir heilbrigðisþjónustu. Kerfið þarf að bæta og tryggja að allar fjölskyldur, óháð búsetu, fái sanngjarna meðferð þegar kemur að aðgengi að heilbrigðisþjónustu.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.