Veggjöld eða kílómetragjald :: Leiðari Feykis
Sífellt er verið að leysa hin margvíslegu vandamál og finna hentugustu leiðirnar að einhverju ákveðnu marki. Stundum skapast nýtt vandamál þegar annað hefur verið leyst og lúxusvandamálin eru víða.
Það má til dæmis velta fyrir sér hvaða framkvæmd ætti að fá forgang á samgönguáætlun, tvöföldun Vesturlandsvegar að Hvalfjarðargöngum, tvöföldun Reykjanesbrautar og Suðurlandsvegar að Selfossi, tvöföldun Hvalfjarðarganga, ný brú yfir Ölfusá eða uppbygging þjóðvegar um Vatnsnes.
Uppi hafa verið vangaveltur um veggjöld og hefur Sigurður Ingi Jóhannsson, samgönguráðherra, ekki útilokað að vegtollar verði settir á einstaka vegi í framtíðinni auk gjalds í hver göng landsins. Þetta leggst misvel í fólk en einhvern veginn verður að fjármagna framkvæmdir.
Bent hefur verið á að með fjölgun rafmagnsbíla minnki fjárstreymi í formi eldsneytisskatts til ríkisins sem aftur útdeilir framkvæmdafé til vegamála. Í reglugerð um vörugjöld af eldsneyti segir í 1. gr. að greiða skuli í ríkissjóð 90% vörugjald af bensíni og í 3. gr. er kveðið á um sérstakt vörugjald af bensíni. Þá skal greiða sérstakt vörugjald - bensíngjald - af bensíni. Af blýlausu bensíni, skal greiða gjald sem nemur 22,40 kr. af hverjum lítra. Af öðru bensíni skal greiða gjald sem nemur 23,80 kr. af hverjum lítra.
Þarna þarf að ná krónum af rafbílaeigendum til jafns við aðra vegnotendur. En hvernig það er útfært þurfa stjórnmálamenn að koma sér saman um og það til framtíðar. Ekki má tjalda til einnar nætur eða láta samfélagsumræðuna hræða sig til óskynsamlegrar niðurstöðu.
Í riti Vegagerðarinnar frá árinu 2006, Fjármunir Vegagerðarinnar, segir að það ráðist af innheimtu þungaskatts, bensín- og olíugjalds og öðrum framlögum úr ríkissjóði hvaða fjármuni Vegagerðin hafi til ráðstöfunar. Árið 2005 var heildarfjárveiting sem Vegagerðin hafði til ráðstöfunar rúmlega 13,4 milljarðar króna en það ár voru heildartekjur ríkisins af umferðinni 47 milljarðar króna.
Þarna munar 33,6 milljörðum og munar um minna. Hvað hefði verið hægt að gera við mismuninn þetta árið? Byggja upp Vatnsnesveg, sem nú er loksins kominn á tíu ára framkvæmdaáætlun? Eins og sést í frétt hér á síðunni er alla vega ljóst að sá vegur er engum bjóðandi í nútíma samfélagi.
Góðar stundir
Páll Friðriksson
Fleiri fréttir
-
Stóllinn, Stóllinn, Stóllinn, Tindastóll!
feykir.is Skagafjörður, Lokað efni 28.11.2024 kl. 16.38Nýr Stóll hefur litið dagsins ljós og var dreift í hús á Sauðárkróki í gær. Það er körfuknattleiksdeild Tindastóls sem gefur út en starfsfólk Nýprents safnar efni, útbýr viðtöl og hefur veg og vanda að uppsetningu og vinnslu. Það er síðan meistari Davíð Már sem annast myndatökur.Meira -
Vonast til að FabLab-aðstaða verði opnuð í byrjun næsta árs
feykir.is Vestur-Húnavatnssýsla, Mannlíf, Lokað efni 28.11.2024 kl. 14.23Opið samráð um samfélagsmiðstöð í Félagsheimilinu Hvammstanga er kynnt á heima-síðu Húnaþings vestra. Feykir forvitnaðist aðeins um málið hjá Unni Valborgu Hilmarsdóttur sveitarstjóra og þar á meðal hvaða þjónustu hún sjái fyrir sér að verði veitt í miðstöðinni.Meira -
Öflugur landbúnaður er lykill að kröftugri byggð
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 28.11.2024 kl. 13.45Til að stuðla að farsæld og heilbrigðum vexti landbúnaðar og fæðutengdrar starfsemi þurfum við að hugsa fyrir framtíðinni í stærra samhengi en mér sýnist hafa verið gert hingað til. Opinber stuðningur skiptir augljóslega máli, en fleiri þurfa að leggja lóð sitt á vogaskálarnar.Meira -
Tækifærin í Norðvesturkjördæmi
feykir.is Skagafjörður, Austur-Húnavatnssýsla, Aðsendar greinar 28.11.2024 kl. 11.45Norðvesturkjördæmi er einstakt, þar sem stórbrotin náttúra, rík saga og menning mætast. Til að byggja upp öflugt samfélag og skapa jákvæðar framtíðarhorfur, verðum við að nýta þau tækifæri er hér felast. Við í Vinstri grænum leggjum áherslu á vel mannaða heilsugæslu, bættar samgöngur, fjölbreytta atvinnu og verndun náttúrunnar, því þannig leggjum við grunninn að öflugu samfélagi til langframa.Meira -
Ég vil vera sterkur málsvari fyrir ykkur
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 28.11.2024 kl. 09.17Það er búið að vera óendanlega gefandi vegferð að ferðast um Norðvesturkjördæmi síðastliðnar vikur. Það hefur verið magnað að heimsækja ykkur mörg og fylgjast með uppgangi nýsköpunar, frumkvöðlastarfs og vaxtar í bland við sterka og rótgróna atvinnuv...Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.