Sumarleikhús æskunnar kynnir Makbeð eftir William Shakespeare
Sumarleikhús æskunnar er árlegt æskulýðsleikhús, nú haldið í fjórða sinn, í Húnaþingi vestra. En í ár eru börn úr Húnavatnssýslum að setja upp metnaðarfulla uppsetningu á Makbeð eftir sjálfan Shakespeare á aðeins 12 æfingadögum. Leikstjóri er Sigurður Líndal.
Fram kemur ungt hæfileikafólk, á aldrinum 7 - 16 ára, úr landshlutanum sem hafa tekið að sér að leika, hanna búninga og leikmynd sýningarinnar.
"Ég er að taka þátt í Sumarleikhúsi æskunnar í fjórða skipti" segir Emelia Íris sem fyrst tók þátt þegar hún var 9 ára gömul. "Mér finnst skemmtilegast að eignast nýja vini og vinna saman að einhverju sem er mikil áskorun. Við fáum að gera erfið leikrit. Mér finnst gaman að leika og þetta er mjög skemmtilegt." Rakel Alva, 13, bætir við "Fyrsta árið mitt settum við upp Jónsmessunæturdraum, sem er líka eftir Shakespeare, og það var skemmtilegt. Við gerðum það vel. Þannig að ég veit að við getum þetta. Mér finnst gaman að vera með vinum mínum í leikhúsinu. Það er erfitt en skemmtilegt."
Nornir, sturlun, blóð, draugar, afhausanir; Makbeð er hryllingssaga, á því er enginn vafi. Harkalegar gjörðir hafa harkalegar afleiðingar. Þegar þrjár nornir spá því að Makbeð verði kóngur, snýst hann gegn eigin eðli til að ráða örlögum sínum. Metnaðurinn leysist upp í lifandi martröð í heimi þar sem mörkin eru örþunn - milli þess jarðbundna og yfirskilvitslega, ástar og haturs, gleði og örvæntingar.
Sigurður Líndal, leikstjóri sýningarinnar, segir „Það er alltaf áskorun fyrir leikara að takast á við höfuðvirki heimsbókmenntanna, hvað þá fyrir börn sem eru að feta sín fyrstu spor á leiklistarbrautinni. Það er samt líka nauðsynlegt að gera atlögu að ófærunni, láta reyna á sig til botns og finna krók hjá keldu. Ungir leikarar ná mestum framförum með því að takast á við krefjandi viðfangsefni, auk þess sem það er þeim nauðsynlegt að fá að afhelga sígildu verkin - setja þau ekki á stall heldur líta á Shakespeare sem samtíðarmann sinn. Þetta hefur verið afar skemmtilegt og strembið - við vonum að áhorfendur njóti þess að sjá okkar unga leikhóp takast á við þetta forna verk á nýstárlegan hátt.“
Sumarleikhúsið er hluti af Listaklasa æskunnar sem Handbendi stendur fyrir. Sumarleikhúsið er stutt af Húnaþingi vestra, og Eldi í Húnaþingi.
Sýningar:
- júlí kl. 19:00
- júlí kl. 14:00 & 19:30
Miðapantanir hja Eldur í Húnaþingi eða í sími 611 - 4698
/Fréttatilkynning
Fleiri fréttir
-
Baráttusigur Stólastúlkna í Hveragerði
feykir.is Skagafjörður, Íþróttir, Lokað efni 27.11.2024 kl. 09.10Kvennalið Tindastóls í Bónus deildinni tók þátt í enn einum spennuleiknum í gærkvöldi þegar liðið sótti Hamar/Þór heim í Hveragerði. Eftir leik sem lengstum var hnífjafn, liðin skiptust 13 sinnum á um að hafa forystuna og 14 sinnum var allt jafnt, þá voru það gestirnir sem reyndust grimmari á lokakaflanum. Þær voru níu stigum undir þegar fimm mínútur voru til leiksloka en snéru taflinu við og unnu leikinn 103-105.Meira -
Jólatónleikar Tónlistarskóla Austur-Húnvetninga
feykir.is Austur-Húnavatnssýsla, Listir og menning, Lokað efni 26.11.2024 kl. 16.07Tónlistarskóli Austur-Húnvetninga heldur sína árlegu jólatónleika í desember. Um er að ræða þrenna tónleika sem fara fram í Blönduóskirkju og Hólaneskirkju.Meira -
Sungið af hjartans lyst
feykir.is Skagafjörður, Listir og menning, Lokað efni 26.11.2024 kl. 12.06Senn kemur út bókin Sungið af hjartans lyst en þar skráir Sölvi Sveinsson sögu Friðbjörns G. Jónssonar söngvara. Það er Sögufélag Skagfirðinga sem gefur bókina út. Feykir lagði nokkrar spurningar fyrir Sölva í tilefni af útgáfu bókarinnar og byrjaði að biðja hann um að segja deili á viðfangsefninu.Meira -
Nemendur FNV á faraldsfæti
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 26.11.2024 kl. 11.55Dagana 13.-17. nóvember fór hópur nemenda frá FNV til Uherské Hradiště í Tékklandi í Eramsus+ ferð. Í frétt á vef FNV segir að um hafi verið að ræða hluta af verkefninu INCLUSION: A human right and opportunity for all (Mannréttindi og tækifæri fyrir alla) þar sem áhersla er lögð á stuðning og samleið þeirra sem þurfa stuðning vegna ýmissa þátta, líkt og að nota hjólastól, skerðing á sjón eða heyrn, sem og aðrar andlegar eða líkamlegar skerðingar.Meira -
Vilt þú breytingu á stjórn landsins? | Hannes S. Jónsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 26.11.2024 kl. 11.13Á laugardaginn kjósum við okkur sextíu og þrjá einstaklinga til að setjast á Alþingi næstu fjögur árin, nýja forystu fyrir landið okkar. Stóra spurningin sem hvert og eitt okkar þarf að spyrja sig að, viljum við breytingar við stjórn landsins eða viljum við óbreytt ástand.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.