Skráning safngripa á Byggðasafninu Reykjum

Hver og einn safngripur á sér sögu þó hún sé ekki alltaf ljós. Hér er t.d trafaaskja hver uppruni er óviss. Myndir: Benjamín Kristinsson.

Undanfarin tvö ár hefur Byggðasafnið á Reykjum unnið markvisst að skráningu safngripa, segir á heimasíðu Húnaþings vestra og þeirri spurningu varpað fram hvað skráning safngripa merkir.

„Það er von að einhver spyrji sig að því. Hver og einn safngripur á sér sögu og það er mikilvægt að þessi saga sé kirfilega skráð niður með skipulögðum hætti. Nákvæm skráning er lykilatriði safnastarfs og varðveislu menningarminja. Það gerir allt safnastarf svo mikið auðveldara. Uppsetning sýninga verður til dæmis auðveldari og markvissari þegar gott aðgengi er að upplýsingum. Hver gripur sem kemur á safnið okkar fær skráningarnúmer sem mætti líkja við kennitölurnar okkar. Þegar gripirnir hafa fengið sitt númer hefst heljarinnar ferli. Gripirnir eru skráðir í skráningarkerfið Sarp, þeir eru ljósmyndaðir og síðan er þeim pakkað svo vel fari um þá þannig að þeir varðveitist sem best til framtíðar,“ segir í frétt safnsins.

Byggðasafnið hlaut 2,5 milljón króna styrk frá Safnasjóði í ár vegna skráningarverkefna en það hefur tvívegis áður fengið styrki til verkefnisins, annars vegar þegar Birta Þórhallsdóttir var ráðin til verkefnisins en í seinna skiptið Ágúst Örn Jóhannesson, sem starfað hefur hjá byggðasafninu um áraskeið og mun áfram sjá um verkefnið. „Á þessum árum sem verkefnið hefur verið starfrækt hafa starfsmenn skráð hátt í 2000 gripi. Við erum mjög stolt af þessum árangri og hlökkum til að halda áfram. Þeir sem vilja fylgjast með verkefninu geta skoðað skráningarsíðuna okkar á Sarpi (https://sarpur.is/UmSafn.aspx?SafnID=17) eða jafnvel komið í heimsókn til okkar á safnið,“ segir á heimasíðu Húnaþings vestra.

Undanfarin tvö ár hefur Byggðasafnið á Reykjum unnið markvisst að skráningu safngripa, segir á heimasíðu Húnaþings vestra og þeirri spurningu varpað fram hvað skráning safngripa merkir.

„Það er von að einhver spyrji sig að því. Hver og einn safngripur á sér sögu og það er mikilvægt að þessi saga sé kirfilega skráð niður með skipulögðum hætti. Nákvæm skráning er lykilatriði safnastarfs og varðveislu menningarminja. Það gerir allt safnastarf svo mikið auðveldara. Uppsetning sýninga verður til dæmis auðveldari og markvissari þegar gott aðgengi er að upplýsingum.

Hver gripur sem kemur á safnið okkar fær skráningarnúmer sem mætti líkja við kennitölurnar okkar. Þegar gripirnir hafa fengið sitt númer hefst heljarinnar ferli. Gripirnir eru skráðir í skráningarkerfið Sarp, þeir eru ljósmyndaðir og síðan er þeim pakkað svo vel fari um þá þannig að þeir varðveitist sem best til framtíðar,“ segir í frétt safnsins.

Byggðasafnið hlaut 2,5 milljón króna styrk frá Safnasjóði í ár vegna skráningarverkefna en það hefur tvívegis áður fengið styrki til verkefnisins, annars vegar þegar Birta Þórhallsdóttir var ráðin til verkefnisins en í seinna skiptið Ágúst Örn Jóhannesson, sem starfað hefur hjá byggðasafninu um áraskeið og mun áfram sjá um verkefnið. „Á þessum árum sem verkefnið hefur verið starfrækt hafa starfsmenn skráð hátt í 2000 gripi. Við erum mjög stolt af þessum árangri og hlökkum til að halda áfram. Þeir sem vilja fylgjast með verkefninu geta skoðað skráningarsíðuna okkar á Sarpi (https://sarpur.is/UmSafn.aspx?SafnID=17) eða jafnvel komið í heimsókn til okkar á safnið,“ segir á heimasíðu Húnaþings vestra.