Hvað er það versta sem getur gerst? :: Áskorandi Helga Guðrún Hinriksdóttir
Það hefur pottþétt margoft verið skrifað um þetta viðfangsefni. Pottþétt. Og ábyggilega áður hér í Feyki. Ég held samt að það sé ekki hægt að skrifa eða fjalla of oft um þetta. Um hvað þá? Jú, að gera það sem mann langar til. Að fara út fyrir rammann. Takast á við krefjandi verkefni. Njóta.
En hvað langar mann svo sem til að gera. Stundum veit maður það ekki fyrr en tækifærin detta upp í hendurnar á manni. Ég man vel þegar fyrsta söngvarakeppnin var haldin á Hvammstanga árið 1998 og mig langaði svo til að prófa að taka þátt. Ég hafði oft tekið þátt í uppsetningum hjá leikfélaginu, hafði meira að segja sungið þar á sviði en hafði aldrei prófað að syngja í hljóðnema. Og mig langaði til að prófa. En þorði ekki. Svo ég spurði konur í kringum mig hvort einhver þeirra myndi vilja syngja með mér og fann að lokum eina. Svo ég skráði okkur.
Mætti svo á æfingastað á tilsettum tíma. En var ein, því hin hafði tafist útaf gestum. Svo ég sat þarna ein í stresskasti. Ég var nú svosem ekki alein þarna því það var alveg slatti af fólki í sömu hugleiðingum og ég, nema þau hin ætluðu að syngja. Ég þorði ekki. Ég sendi skilaboð á hina sem var ennþá með gesti. Á endanum sagði við mig góð kona sem þarna sat „Syngdu bara ein. Gerðu það bara. Hvað er það versta sem gæti gerst?“
Einmitt! Hvað er raunverulega það versta sem gæti gerst? Að maður gerði sig að fífli? Svo ég stóð við skráninguna og tók þátt. Gerði mig ekki (mér vitanlega) að fífli. Og nú var ekki aftur snúið. Þetta var minn vendipunktur. Ekki það að ég hafi „fundið“ mig á sviði með hljóðnema í hendi, alls ekki, þó svo að ég hafi tekið þátt nokkrum sinnum aftur í söngvarakeppnum, nei heldur það að upp frá þessu fór ég að gera meira af því sem mig langar til að gera.
Þegar ég hugsa til elliáranna - sem ég vona svo sannarlega að ég fái að njóta - þá er mín mesta hræðsla að sjá eftir að hafa ekki gert eitthvað sem mig langaði til vegna þess að ég þorði ekki. Við lærum vonandi alla ævi en það gerist hraðar ef við leyfum okkur að fara út fyrir þægindaramman og prófa nýja hluti. Hvað er svo það nýjasta sem ég hef prófað? Jú, að vera þáttastjórnandi á FM Trölla. Og það ekki bara með einn þátt, heldur tvo. Því hvað er raunverulega það versta sem getur gerst?
Ég skora á Ólínu Sófusdóttur á Laugarbakka að koma með næsta pistil.
Áður birst í 14. tbl. Feykis 2022
Fleiri fréttir
-
Stóllinn, Stóllinn, Stóllinn, Tindastóll!
feykir.is Skagafjörður, Lokað efni 28.11.2024 kl. 16.38Nýr Stóll hefur litið dagsins ljós og var dreift í hús á Sauðárkróki í gær. Það er körfuknattleiksdeild Tindastóls sem gefur út en starfsfólk Nýprents safnar efni, útbýr viðtöl og hefur veg og vanda að uppsetningu og vinnslu. Það er síðan meistari Davíð Már sem annast myndatökur.Meira -
Vonast til að FabLab-aðstaða verði opnuð í byrjun næsta árs
feykir.is Vestur-Húnavatnssýsla, Mannlíf, Lokað efni 28.11.2024 kl. 14.23Opið samráð um samfélagsmiðstöð í Félagsheimilinu Hvammstanga er kynnt á heima-síðu Húnaþings vestra. Feykir forvitnaðist aðeins um málið hjá Unni Valborgu Hilmarsdóttur sveitarstjóra og þar á meðal hvaða þjónustu hún sjái fyrir sér að verði veitt í miðstöðinni.Meira -
Öflugur landbúnaður er lykill að kröftugri byggð
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 28.11.2024 kl. 13.45Til að stuðla að farsæld og heilbrigðum vexti landbúnaðar og fæðutengdrar starfsemi þurfum við að hugsa fyrir framtíðinni í stærra samhengi en mér sýnist hafa verið gert hingað til. Opinber stuðningur skiptir augljóslega máli, en fleiri þurfa að leggja lóð sitt á vogaskálarnar.Meira -
Tækifærin í Norðvesturkjördæmi
feykir.is Skagafjörður, Austur-Húnavatnssýsla, Aðsendar greinar 28.11.2024 kl. 11.45Norðvesturkjördæmi er einstakt, þar sem stórbrotin náttúra, rík saga og menning mætast. Til að byggja upp öflugt samfélag og skapa jákvæðar framtíðarhorfur, verðum við að nýta þau tækifæri er hér felast. Við í Vinstri grænum leggjum áherslu á vel mannaða heilsugæslu, bættar samgöngur, fjölbreytta atvinnu og verndun náttúrunnar, því þannig leggjum við grunninn að öflugu samfélagi til langframa.Meira -
Ég vil vera sterkur málsvari fyrir ykkur
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 28.11.2024 kl. 09.17Það er búið að vera óendanlega gefandi vegferð að ferðast um Norðvesturkjördæmi síðastliðnar vikur. Það hefur verið magnað að heimsækja ykkur mörg og fylgjast með uppgangi nýsköpunar, frumkvöðlastarfs og vaxtar í bland við sterka og rótgróna atvinnuv...Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.