Afar sjaldgæfir flækingar sem gætu haslað sér völl á Íslandi
Það er alltaf gaman að geta birt myndir af sjaldséðum fiðruðum gestum hér á Fróni og ekki verra ef þeir láta sjá sig hér norðan lands. Á mánudag í síðustu viku náði hinn lunkni myndasmiður Elvar Már Jóhannsson myndir af afar sjaldséðum fuglum á Þrastarstöðum á Höfðaströndinni í Skagafirði svokölluðum taumgæsum, Anser indicus sem líklega má telja til evrópskra flækinga.
Það er ekki um auðugan garð að gresja þegar leitað er upplýsinga um þessa tegund gæsa á íslenskum vefmiðlum en í grein í Morgunblaðinu frá 2016 er sagt frá framandi gæsategundum sem eru farnar að gera sig líklegar til að nema land hér á landi og vitnað í dr. Arnór Þóri Sigfússon, dýravistfræðings hjá Verkís, sem telur vænlegt að íslensk stjórnvöld ákveði hvernig bregðast skuli við ef framandi gæsategundir fari að hasla sér völl á Íslandi. Þar eru nefndar kanadagæs, taumgæs og snjógæs sem reynt hafi varp hér og sumar komið upp ungum.
„Kanadagæs og snjógæs eru af amerískum uppruna en taumgæs kemur frá Himalajafjöllum. Þessar gæsir voru fluttar til Bretlands og hafðar þar í fuglagörðum en var sleppt eða sluppu þaðan og urðu villtar,“ segir í greininni.
Tignarlegar taumgæsir
Taumgæs þekkist meðal annars á hvítum taumi niður um hliðar hálsins. Hún verpir í Mið-Asíu og hefur sést á flugi í 8 þúsund metra hæð yfir Himalajafjöllunum, segir í afar stuttri lýsingu á tegundinni á Vísindavefnum.
Aðspurður um hvort taumgæsirnar hafi verið styggar segir Elvar Már það ekki vera: „Þær voru mun rólegri en hinar sem voru þarna. Þessar fældust ekki upp fyrr en grágæsin, sem var lengra frá, reif sig upp,“ segir hann.
Fleiri fréttir
-
Stóllinn, Stóllinn, Stóllinn, Tindastóll!
feykir.is Skagafjörður, Lokað efni 28.11.2024 kl. 16.38Nýr Stóll hefur litið dagsins ljós og var dreift í hús á Sauðárkróki í gær. Það er körfuknattleiksdeild Tindastóls sem gefur út en starfsfólk Nýprents safnar efni, útbýr viðtöl og hefur veg og vanda að uppsetningu og vinnslu. Það er síðan meistari Davíð Már sem annast myndatökur.Meira -
Vonast til að FabLab-aðstaða verði opnuð í byrjun næsta árs
feykir.is Vestur-Húnavatnssýsla, Mannlíf, Lokað efni 28.11.2024 kl. 14.23Opið samráð um samfélagsmiðstöð í Félagsheimilinu Hvammstanga er kynnt á heima-síðu Húnaþings vestra. Feykir forvitnaðist aðeins um málið hjá Unni Valborgu Hilmarsdóttur sveitarstjóra og þar á meðal hvaða þjónustu hún sjái fyrir sér að verði veitt í miðstöðinni.Meira -
Öflugur landbúnaður er lykill að kröftugri byggð
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 28.11.2024 kl. 13.45Til að stuðla að farsæld og heilbrigðum vexti landbúnaðar og fæðutengdrar starfsemi þurfum við að hugsa fyrir framtíðinni í stærra samhengi en mér sýnist hafa verið gert hingað til. Opinber stuðningur skiptir augljóslega máli, en fleiri þurfa að leggja lóð sitt á vogaskálarnar.Meira -
Tækifærin í Norðvesturkjördæmi
feykir.is Skagafjörður, Austur-Húnavatnssýsla, Aðsendar greinar 28.11.2024 kl. 11.45Norðvesturkjördæmi er einstakt, þar sem stórbrotin náttúra, rík saga og menning mætast. Til að byggja upp öflugt samfélag og skapa jákvæðar framtíðarhorfur, verðum við að nýta þau tækifæri er hér felast. Við í Vinstri grænum leggjum áherslu á vel mannaða heilsugæslu, bættar samgöngur, fjölbreytta atvinnu og verndun náttúrunnar, því þannig leggjum við grunninn að öflugu samfélagi til langframa.Meira -
Ég vil vera sterkur málsvari fyrir ykkur
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 28.11.2024 kl. 09.17Það er búið að vera óendanlega gefandi vegferð að ferðast um Norðvesturkjördæmi síðastliðnar vikur. Það hefur verið magnað að heimsækja ykkur mörg og fylgjast með uppgangi nýsköpunar, frumkvöðlastarfs og vaxtar í bland við sterka og rótgróna atvinnuv...Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.