Að flytja í fámennið :: Áskorandapenni Ólína Sófusdóttir Laugarbakka
Það er sérstök tilfinning fyrir fólk að taka ákvörðun um að flytja frá öllu sem því er kært og það þekkir vel og vita ekki hvað bíður þess á áfangastað. Fyrir okkur var stórt skref tekið þegar við hjónin fluttum fyrir margt löngu frá Egilsstöðum til Noregs. Okkur leið mjög vel í Noregi, en vorum án fjölskyldunnar, sem öll var búsett áfram á Íslandi.
Þegar farið er að síga á seinni hluta starfsævinnar, er eðlilegt að fólk hugsi sinn gang, hvað það vilji og finni út hvað er því fyrir bestu. Það var alltaf skýrt í okkar huga að verða gömul á Íslandi og því tímabært að fara að huga að hvar við vildum setja okkur niður. Börnin okkar þrjú eru búsett í þremur landshlutum, svo þá þurftum við að finna „rétta“ landshlutann til búsetu. Eftir miklar vangaveltur og umræður, ákváðum við að Húnaþing vestra væri rétt staðsetning fyrir ævikvöldið.
Þar sem við erum enn virk í atvinnulífinu, var það góð tilfinning að geta lagt okkar af mörkum til samfélagsins með vinnuframlagi og á sama tíma að kynnast fólki í gegnum starf okkar.
Eftir að hafa búið í Noregi vorum við orðin vön góðum og notalegum vetrum með jafnvægi í veðrinu. Þar sem snjóaði í logni og sá snjór hélst að jafnaði langt fram í mars. Við tók vor með mildu og góðu veðri og svo sumar með sínum hlýindum. Þessi fyrsti vetur okkar hér hefur ekki verið sérstaklega mildur eða rólegur svo vægt sé til orða tekið og oft hef ég hugsað um hvað við séum búin að koma okkur í. Það hefði verið betra að halda kyrru fyrir þar sem við bjuggum áður, en illviðri gleymast þegar sól skín í heiði.
Það er vissulega erfitt að setjast að í jafn fámennu samfélagi og Laugarbakki er, allir vita hver þú ert og hvað þú ert að sýsla, en það mikilvæga er samhygðin og samkenndin með náunganum sem við höfum svo sannarlega fengið að njóta og upplifa enn sem komið er. Ég horfi björtum augum til framtíðar í Húnaþingi vestra, því ég er þess fullviss að hér eigum við eftir að hafa það gott á okkar ævikvöldi.
Ég skora á Þorbjörgu Ingu Ásbjörnsdóttur að koma með pistil í Feyki.
Áður birst í 20. tbl. Feykis 2022.
Fleiri fréttir
-
Stóllinn, Stóllinn, Stóllinn, Tindastóll!
feykir.is Skagafjörður, Lokað efni 28.11.2024 kl. 16.38Nýr Stóll hefur litið dagsins ljós og var dreift í hús á Sauðárkróki í gær. Það er körfuknattleiksdeild Tindastóls sem gefur út en starfsfólk Nýprents safnar efni, útbýr viðtöl og hefur veg og vanda að uppsetningu og vinnslu. Það er síðan meistari Davíð Már sem annast myndatökur.Meira -
Vonast til að FabLab-aðstaða verði opnuð í byrjun næsta árs
feykir.is Vestur-Húnavatnssýsla, Mannlíf, Lokað efni 28.11.2024 kl. 14.23Opið samráð um samfélagsmiðstöð í Félagsheimilinu Hvammstanga er kynnt á heima-síðu Húnaþings vestra. Feykir forvitnaðist aðeins um málið hjá Unni Valborgu Hilmarsdóttur sveitarstjóra og þar á meðal hvaða þjónustu hún sjái fyrir sér að verði veitt í miðstöðinni.Meira -
Öflugur landbúnaður er lykill að kröftugri byggð
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 28.11.2024 kl. 13.45Til að stuðla að farsæld og heilbrigðum vexti landbúnaðar og fæðutengdrar starfsemi þurfum við að hugsa fyrir framtíðinni í stærra samhengi en mér sýnist hafa verið gert hingað til. Opinber stuðningur skiptir augljóslega máli, en fleiri þurfa að leggja lóð sitt á vogaskálarnar.Meira -
Tækifærin í Norðvesturkjördæmi
feykir.is Skagafjörður, Austur-Húnavatnssýsla, Aðsendar greinar 28.11.2024 kl. 11.45Norðvesturkjördæmi er einstakt, þar sem stórbrotin náttúra, rík saga og menning mætast. Til að byggja upp öflugt samfélag og skapa jákvæðar framtíðarhorfur, verðum við að nýta þau tækifæri er hér felast. Við í Vinstri grænum leggjum áherslu á vel mannaða heilsugæslu, bættar samgöngur, fjölbreytta atvinnu og verndun náttúrunnar, því þannig leggjum við grunninn að öflugu samfélagi til langframa.Meira -
Ég vil vera sterkur málsvari fyrir ykkur
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 28.11.2024 kl. 09.17Það er búið að vera óendanlega gefandi vegferð að ferðast um Norðvesturkjördæmi síðastliðnar vikur. Það hefur verið magnað að heimsækja ykkur mörg og fylgjast með uppgangi nýsköpunar, frumkvöðlastarfs og vaxtar í bland við sterka og rótgróna atvinnuv...Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.