Var á þriðja ári þegar hann heyrði Here Comes the Sun / EINAR ÞORVALDS
Einar Þorvaldsson býr á Hofsósi en kennir tónlist við Tónlistarskóla Skagafjarðar. Einar er fæddur árið 1966, sonur Huldu Þórðardóttur og Þorvalds Þórðarsonar sem bæði eru ættuð af Snæfellsnesi. - Ég er uppalinn í Kópavogi (gott að búa í Kópavogi) en í þá daga var Kópavogur einskonar bær í sveit og t.d. lítil sem engin byggð í Fossvogsdalnum fyrir utan sveitabýli náttúrulega, segir Einar.
Hljóðfærið hans Einars er gítar og spilaði hann meðal annars með hljómsveitinni Sixties sem fór sveitaballarúntinn hér í denn. Aðspurður um helstu tónlistarafrek svarar Einar þó: - Að vera tónlistarkennari og fá að vinna með ungu og upprennandi tónlistarfólki í Firðinum.
Uppáhalds tónlistartímabil? -Ég er nú svo gamaldags að allt sem er tengt hliðrænni tækni ásamt lömpum á við mig.
Hvaða tónlist fær þig til að sperra eyrun þessa dagana? -Það er nú yfirleitt eitthvað sem tengist starfinu og í augnablikinu er ég, ásamt Stéfáni Gíslasyni, að skoða og velja tónlist við væntanlegt skemmtikvöld Leikfélags Hofsóss, Höfðaborgar og Sönglagasveitarinnar sem verður haldið um páskana í félagheimilinu Höfðaborg.
Hvers konar tónlist var hlustað á á þínu heimili? -Eagles, Carlos Santana, David Bowie, Neil Young og Bítlarnir er það sem kemur upp í hugann en eldri systkini mín sáu um mötunina!
Hver var fyrsta platan? -Ég held að það hafi verið einhver plata með pönk/surfinsveitinni Ramones.
Hvaða græjur varstu þá með? -Sambyggðar Crown deluxe!
Hver var fyrsta lagið sem þú mannst eftir að hafa fílað í botn? -Þetta er nú tengt minni fyrstu bernskuminningu og ég man það eins og gerst hefði í gær. Ætli ég hafi ekki verið á þriðja ári þegar ég heyrði í útvarpinu lagið Here Comes the Sun með Bítlunum og hef ekki náð mér eftir það sem betur fer.
Hvaða lag getur eyðilagt fyrir þér daginn? -Það er engin tónlist sem nær þeim hæðum!
Uppáhalds Júróvisjónlagið? -Mörg góð til en ég á nú erfitt með að benda eitthvað eitt sem sker sig úr.
Þú heldur dúndurpartí í kvöld, hvað læturðu hljóma í græjunum til að koma öllum í stuð? -Ef svo ólíklega vildi til að ég héldi partý og fengi að ráða tónlistinni þá yrði ég fljótur að tæma kofann svona alveg óvart!
Þú vaknar í rólegheitum á sunnudagsmorgni, hvað viltu helst heyra? Dirrindí (Lóusöng)
Þú átt þess kost að fara hvert sem er í heiminum og skella þér á tónleika. Hvert færirðu, á hvaða tónleika og hvern tækirðu með þér? -Það vill nú svo til að ég hef aldrei komið í Hörpuna og ég væri alveg til til í að sjá og heyra Arethu Franklin ásamt stórsveit. Ég tæki Pál Elí son minn með mér.
Hvaða tónlistarmaður hefur þig dreymt um að vera? -Mig hefur aldrei dreymt um að vera einhver annnar en ég er. Kannski er það aðalmartröðin!?
Hver er að þínu mati besta plata sem gefin hefur verið út? -Þegar stórt er spurt er oft erfitt um svör en ég held að það sem grípur mann á viðkvæmum mótunartíma sé það sem fylgi manni langt frammeftir, burtséð frá „gæðum“ tónlistarinnar. Það er öll tónlist góð.
Sex vinsælustu lögin á Playlistanum þínum? -Þetta er einnig tengt starfinu og ef ég er að hlusta á eitthvað t.d. vegna samspils nemenda þá er það fljótt að komast á listann.
Fleiri fréttir
-
Á sterka minningu um boltaleik með langafa sínum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 21.11.2024 kl. 16.33Ólafur Adolfsson er oddviti Sjálfstæðisflokksins í Norðvestur kjördæmi. Ólafur er í sambandi með Margréti Birgisdóttur lyfjafræðingi og á hann tvö uppkomin börn, tvö barnabörn og tvö stjúpbörn. Ólafur er alinn upp í Ólafsvík og hefur auk þess átt heima um skemmri eða lengri tíma á Akranesi, í Reykjavík og á Sauðárkróki og er í dag með lögheimili á Akranesi. Hann er lyfjafræðingur og lyfsali, á og rekur fjórar lyfjabúðir sem eru staðsettar á Akranesi, í Borgarnesi, í Ólafsvík og í Vesturbæ Reykjavíkur.Meira -
Rætt við Grím Rúnar í tilefni 100 ára afmælishátíðar Hvatar á laugardaginn
feykir.is Austur-Húnavatnssýsla, Listir og menning, Lokað efni 21.11.2024 kl. 14.46Það stendur mikið til á Blönduósi nú á laugardaginn því þá fagnar Ungmennafélagið Hvöt 100 ára afmæli sínu með pompi og prakt. Það er því við hæfi að leggja nokkrar spurningar fyrir formann félagsins en það er Grímur Rúnar Lárusson. Grímur er innfæddur Blönduósingar og býr þar, er löglærður fulltrúi sýslumanns að aðalstarfi en í hjáverkum er hann sveitarstjórnarfulltrúi í Húnabyggð og formaður Umf. Hvatar.Meira -
Rótarýklúbburinn býður til ókeypis jólahlaðborðs í tíunda sinn
feykir.is Skagafjörður, Austur-Húnavatnssýsla, Lokað efni 21.11.2024 kl. 13.55Það styttist í aðventuna og í Skagafirði verða ljós tendruð á jólatrénu á Kirkjutorgi laugardaginn 30. nóvember. Sama dag standa Rótarýfélagar fyrir jólahlaðborði í íþróttahúsinu en þangað er öllum boðið og borða saman hangikjöt eða hamborgarhrygg og annað sem nauðsynlegt er. „Okkur Rótarýfélögum finnst þetta afskaplega gefandi, skemmtilegt og mikilvægt verkefni þar sem við sýnum í verki að við viljum láta gott af okkur leiða fyrir samfélagið,“ segir Ómar Bragi Stefánsson, forseti Rótarýklúbbs Sauðárkróks, í spjalli við Feyki.Meira -
Óvissa í kjölfar niðurstöðu héraðsdóms varðandi undanþágu frá samkeppnislögum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 21.11.2024 kl. 11.28Héraðsdómur Reykjavíkur komst að þeirri niðurstöðu sl. mánudag að breytingar á búvörulögum, þar sem framleiðendafélögum var veitt undanþága frá ákvæðum samkeppnislaga, sem samþykktar voru á Alþingi í mars síðastliðnum, hefðu strítt gegn áskildum fjölda umræðna á Alþingi og hafi af þeim sökum ekki lagagildi. Eins og greint hefur verið frá þá keypti Kaupfélag Skagfirðinga í kjölfarið Kjarnafæði - Norðlenska og var langt komið með að kaupa B.Jensen í Eyjafirði.Meira -
Horfði á alþingisrásina eftir skóla
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 21.11.2024 kl. 10.29María Rut Kristinsdóttir er oddviti Viðreisnar í Norðvestur kjördæmi. María er gift Ingileif Friðriksdóttur, eiga þær saman þrjú börn og einn hund. Búsettar í Reykjavík en alltaf með annan fótinn á Flateyri og Ísafirði. María hef starfað sem aðstoðarmaður formanns Viðreisnar síðan 2017 (með stuttu hléi).Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.