Syngur Söng um lífið í sturtunni / BIRKIR RAFN
Birkir Rafn Gíslason, fæddur 1981, var alinn upp á Skagaströnd. Birkir Rafn er bráðsnjall gítarleikari og meðal helstu afreka á tónlistarsviðinu segir hann hafa verið að spila á Glastonbury tónlistarhátíðinni 2008 og gefa út sólóplötuna Single Drop árið 2007.
„Ég túraði um Bretland í haust með söngkonunni Beth Rowley og spiluðum við t.d. á sögufrægum stað í London sem heitir Sheperd's Bush Empire þar sem meðal annars Led Zepplin og Rolling Stones spiluðu í gamla daga. Ég tók þátt í að taka upp og útsetja plötuna með Bjartmari og Bergrisunum, Skrítin veröld, þar sem lagið Negril af þeirri plötu fór á toppinn á Rás 2 og Bylgjunni. Svo bara að hafa náð að starfa eingöngu tengt tónlist síðan ég var 20 ára.“
Uppáhalds tónlistartímabil? Grunge tímabilið var í miklu uppáhaldi. En núna er það bara nútíminn rosa margt spennandi að gerast.
Hvaða tónlist fær þig til að sperra eyrun þessa dagana? The Kills, Blonde Redhead, Wilco, Beck, Radiohead, Mark lanegan, St Vincet, Queens of the Stones age og NIN.
Hvers konar tónlist var hlustað á á þínu heimili? Bítlana og Abba.
Hver var fyrsta platan/diskurinn/kasettan/niðurhalið sem þú keyptir þér? Guns N´ Roses, Use Your Illusion 2.
Hvaða græjur varstu þá með? Pioneer græjur.
Hvað syngur þú helst í sturtunni? Söngur um lífið.
Hvaða lag getur eyðilagt fyrir þér daginn? Að heyra vonda ábreiðu af einhverju góðu lagi.
Uppáhalds Júróvisjónlagið? Ég spila mikið með tveimur úr Pollapönk, Adda og Guðna, og þar af leiðandi lagið Enga fordóma.
Þú heldur dúndurpartí í kvöld, hvað læturðu hljóma í græjunum til að koma öllum í stuð? The Kills.
Þú vaknar í rólegheitum á sunnudagsmorgni, hvað viltu helst heyra? Leonard Cohen.
Þú átt þess kost að fara hvert sem er í heiminum og skella þér á tónleika. Hvert færirðu, á hvaða tónleika og hvern tækirðu með þér? Til London að sjá The Kills með mínum betri helming, Margréti Rúnarsdóttur.
Hvaða tónlistarmann hefur þig dreymt um að vera? Langaði mikið að vera eins og Slash þegar ég var 12 ára.
Hver er að þínu mati besta plata sem gefin hefur verið út? Misery is a Butterfly með Blonde Redhead.
Sex vinsælustu lögin á Playlistanum:
Morning / Beck
Sérhver vá / Rúnar Þórisson
Gently / Lay low
Kvika / Single Drop
Copy of A / NIN
Before Your Very Eyes / Atoms for Peace
Fleiri fréttir
-
Fátt betra en að gleyma sér yfir sentimetrum og millimetrum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 17.27Stefán Vagn Stefánsson oddviti Framsóknar í Norðvesturkjördæmi er fæddur og uppalinn á Sauðárkróki giftur Hrafnhildi Guðjónsdóttur félagsráðgjafa og á með henni þrjú börn, Söru Líf, Atla Dag og Sigríði Hrafnhildi (Lillu). Tvö barnabörn, Rebekku og Stefán Brynjar (og eitt á leiðinni).Meira -
Vertu sól | Leiðari 44. tbl. Feykis
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla, Lokað efni 24.11.2024 kl. 16.04Kosningar færast óðfluga nær og hjá sumum ríkir töluverð eftirvænting, spenna eða jafnvel þórðargleði en aðrir eru fyrir löngu orðnir hundleiðir á þessari tík og vildu helst lóga henni.Meira -
Fannst tilvalið þegar hún var 14 ára gömul að sauma skírnarkjól
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 15.51Fanney Rós er fædd og uppalin á Sauðárkróki og býr í Raftahlíðinni með syni sínum, Sebastían Leó. Fanney Rós vinnur í Árskóla og er umsjónarkennari í 3. bekk.Meira -
Enskunemar sóttu Harry Potter heim
feykir.is Skagafjörður, Austur-Húnavatnssýsla, Vestur-Húnavatnssýsla, Listir og menning, Lokað efni 24.11.2024 kl. 11.12Í vetur lagði hópur nemenda frá Fjölbrautaskóla Norðurlands vestra af stað í heillandi ævintýraferð inn í heim enskra bókmennta og breskrar menningar, allt í gegnum linsu hinna ástsælu Harry Potter sagna.Meira -
Nörd sem elskar að spila tölvuleiki
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 10.19Ugla Stefanía Kristjönudóttir Jónsdóttir er oddviti Pírata í Norðvestur kjördæmi. Ugla er frá Stóra-Búrfelli í Svínadal í Austur-Húnavatnssýslu. Þar sem hún er fædd og uppalin ásamt bræðrum sínum. Hún flutti á Akureyri til að fara í menntaskóla og síðar suður í háskóla. Bjó í Bretlandi um tíma en er núna búsett fyrir sunnan – með annan fótinn heima í sveit. Eins og er þá er hún sjálfstætt starfandi og starfar við fræðslu og ráðgjöf í tengslum við jafnréttismál og sinnir líka fræðslu t.d. hjá Samtökunum ‘78.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.