Raular eitthvað úr Vesalingunum / STJÁNI GÍSLA
Tón-lystar-maðurinn að þessu sinni er Kristján Gíslason, árgerð 1969, uppalinn í Vestmannaeyjum og á Króknum. Kristján spilar á hljómborð en er þekktur raddbandatæknir og elstu menn muna vart eftir undankeppnum Júróvisjóns hér á landi öðru vísi en Kristján beiti þar rödd.
Helstu tónlistarafrek sín telur hann vera þátttöku í Hljómsveitakeppninni í Atlavík 1985 með Metan en einnig telur hann til 2. sæti í Músíktilraunum tvö ár í röð, með Metan og Herramönnum, og að sjálfsögðu þátttöku fyrir Íslands hönd í Eurovision 2001 þar sem hann söng Angel/Birtu.
Uppáhalds tónlistartímabil? Það er engin spurning að það er 80’s tímabilið svokallaða. Ég er enn að uppgötva hluti þaðan sem ég veitti ekki athygli á þeim tíma.
Hvaða tónlist fær þig til að sperra eyrun þessa dagana? Jónas Sig og ritvélarnar eru í sérstöku uppáhaldi hjá mér. Sérstaklega fyrri platan.
Hvers konar tónlist var hlustað á á þínu heimili? Mjög blandað minnir mig. Þó man ég eftir Lonlí blú bojs, Vilhjálmi Vilhjálmssyni, Sailor og svo plötunni Forever and ever með Demis Roussos.
Hver var fyrsta platan/diskurinn/kasettan/niðurhalið sem þú keyptir þér? Mig minnir að ég hafi keypt Glass House með Billy Joel á kassettu. Fljótlega þar á eftir keypti ég svo plötuna Best Disco Album in the World. Humble titill.
Hvaða græjur varstu þá með? Ég átti forláta Hitatchi segulbandstæki og svo hafði ég aðgang að Philips græjum í stofunni.
Hvað syngur þú helst í sturtunni? Þessa dagana raula ég helst eitt-hvað úr Vesalingunum. Bring Him Home er oft á vörunum.
Bítlarnir eða Bob Dylan? Bítlarnir. Bob Dylan góður en einhvernveginn ekki á minni línu.
Uppáhalds Júróvisjónlagið (erlent eða innlent eða bæði)? Uppáhalds erlenda júrólagið er líklega In my dreams með WigWam og úr innlendu deildinni myndi ég líklega velja Ég lifi í draumi.
Þú heldur dúndurpartí í kvöld, hvað læturðu hljóma í græjunum til að koma öllum í stuð? I Don’t Feel Like Dancing með Scissor Sisters.
Þú vaknar í rólegheitum á sunnudagsmorgni, hvað viltu helst heyra? Þessa dagana myndi það líklega vera platan Talk Of The Town með Hanne Sørvaag. Fékk sent eitt lag frá henni um daginn og féll svolítið fyrir henni. Mjög þægileg sunnudagstónlist.
Þú átt þess kost að fara hvert sem er í heiminum og skella þér á tónleika. Hvert færirðu, hvaða tónleika og hvern tækirðu með þér? Úff! Nú koma nokkrir listamenn til greina en efst á óskalistanum er t.d. Pink, Maroon 5, Rolling Stones og margir fleiri sem of langt mál yrði að telja upp. Eftir að ég sá Funhouse tónleika Pink á DVD þá hefur hún verið mjög ofarlega á listanum. Frábær performer.
Hver er að þínu mati besta plata sem gefin hefur verið út? Algörlega ómögulegt að svara þessu. Fer svo mikið eftir því í hvaða skapi ég er. Mér finnst Brothers in Arms með Dire Straits alveg rosalega góð. En það eru fjölmargar aðrar plötur á þeim lista mínum. The Nightfly með Donald Fagen er klárlega þar á meðal. Hann á líka eitt flottasta lag sem ég hef heyrt. Það heitir Morph the Cat. Mæli með að þið hlustið á það í góðum græjum.
Vinsælustu lögin á PlaylistaKristjáns:
Morp the Cat / Donald Fagen
Stop Loving You / Toto
Street of Dreams Rainbow / Can’t Let You Go Rainbow
Shake It Good / Jagúar
Higher Ground / Stevie Wonder
Last Train To London / Electric Light Orchestra
„Þessi listi er þó gríðarlega breytilegur milli daga.“
Fleiri fréttir
-
Á sterka minningu um boltaleik með langafa sínum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 21.11.2024 kl. 16.33Ólafur Adolfsson er oddviti Sjálfstæðisflokksins í Norðvestur kjördæmi. Ólafur er í sambandi með Margréti Birgisdóttur lyfjafræðingi og á hann tvö uppkomin börn, tvö barnabörn og tvö stjúpbörn. Ólafur er alinn upp í Ólafsvík og hefur auk þess átt heima um skemmri eða lengri tíma á Akranesi, í Reykjavík og á Sauðárkróki og er í dag með lögheimili á Akranesi. Hann er lyfjafræðingur og lyfsali, á og rekur fjórar lyfjabúðir sem eru staðsettar á Akranesi, í Borgarnesi, í Ólafsvík og í Vesturbæ Reykjavíkur.Meira -
Rætt við Grím Rúnar í tilefni 100 ára afmælishátíðar Hvatar á laugardaginn
feykir.is Austur-Húnavatnssýsla, Listir og menning, Lokað efni 21.11.2024 kl. 14.46Það stendur mikið til á Blönduósi nú á laugardaginn því þá fagnar Ungmennafélagið Hvöt 100 ára afmæli sínu með pompi og prakt. Það er því við hæfi að leggja nokkrar spurningar fyrir formann félagsins en það er Grímur Rúnar Lárusson. Grímur er innfæddur Blönduósingar og býr þar, er löglærður fulltrúi sýslumanns að aðalstarfi en í hjáverkum er hann sveitarstjórnarfulltrúi í Húnabyggð og formaður Umf. Hvatar.Meira -
Rótarýklúbburinn býður til ókeypis jólahlaðborðs í tíunda sinn
feykir.is Skagafjörður, Austur-Húnavatnssýsla, Lokað efni 21.11.2024 kl. 13.55Það styttist í aðventuna og í Skagafirði verða ljós tendruð á jólatrénu á Kirkjutorgi laugardaginn 30. nóvember. Sama dag standa Rótarýfélagar fyrir jólahlaðborði í íþróttahúsinu en þangað er öllum boðið og borða saman hangikjöt eða hamborgarhrygg og annað sem nauðsynlegt er. „Okkur Rótarýfélögum finnst þetta afskaplega gefandi, skemmtilegt og mikilvægt verkefni þar sem við sýnum í verki að við viljum láta gott af okkur leiða fyrir samfélagið,“ segir Ómar Bragi Stefánsson, forseti Rótarýklúbbs Sauðárkróks, í spjalli við Feyki.Meira -
Óvissa í kjölfar niðurstöðu héraðsdóms varðandi undanþágu frá samkeppnislögum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 21.11.2024 kl. 11.28Héraðsdómur Reykjavíkur komst að þeirri niðurstöðu sl. mánudag að breytingar á búvörulögum, þar sem framleiðendafélögum var veitt undanþága frá ákvæðum samkeppnislaga, sem samþykktar voru á Alþingi í mars síðastliðnum, hefðu strítt gegn áskildum fjölda umræðna á Alþingi og hafi af þeim sökum ekki lagagildi. Eins og greint hefur verið frá þá keypti Kaupfélag Skagfirðinga í kjölfarið Kjarnafæði - Norðlenska og var langt komið með að kaupa B.Jensen í Eyjafirði.Meira -
Horfði á alþingisrásina eftir skóla
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 21.11.2024 kl. 10.29María Rut Kristinsdóttir er oddviti Viðreisnar í Norðvestur kjördæmi. María er gift Ingileif Friðriksdóttur, eiga þær saman þrjú börn og einn hund. Búsettar í Reykjavík en alltaf með annan fótinn á Flateyri og Ísafirði. María hef starfað sem aðstoðarmaður formanns Viðreisnar síðan 2017 (með stuttu hléi).Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.