„Mig minnir að fyrsta platan hafi verið með The Shadows“ / SKARPHÉÐINN EINARS
Skarphéðinn H. Einarsson á Húnabrautinni á Blönduósi starfar dagsdaglega sem skólastjóri Tónlistarskóla Austur-Húvetninga. Hann ólst upp á Blönduósi, sonur hjónanna Einars Guðlaugssonar frá Þverá og Ingibjargar Þ Jónsdóttur frás Sölvabakka. Skarphéðinn byrjaði að læra á gítar eftir fermingu, og síðar básúnu og trompet. 24 ára fór hann í blásarakennaradeild Tónlistarskóla Reykjarvíkur og útskrifaðist þaðan 1981.
Meðal helstu afreka sinna á tónlistarsviðinu segir hann vera að leika með Lúðrasveitinni Svani í 12 ár og að hafa leikið með í fjölda útvarps- og sjónvarpsútsendinga. Hann lék óperunni Aida 1985-86 og í uppfærslu Þjóðleikhússins á Vesalingunum 1988. Þá var Skarphéðinn í hljómsveitunum Sveitó, Kurli og Ósmönnum frá Blönduósi sem nú kalla sig Demó.
Uppáhalds tónlistartímabil? –Árin 1960-1980.
Hvaða tónlist fær þig til að sperra eyrun þessa dagana? -Allskonar tónlist, klassík, popp, rokk og kántrý og um þessar mundir hlusta ég mikið á tónlist frá Mið-Evrópu en söngvari sem heitir Semino Rossi er í miklu uppáhaldi.
Hvers konar tónlist var hlustað á á þínu heimili? -Aðallega var hlustað á Rás 1 og 2.
Hver var fyrsta platan sem þú keyptir þér? -Mig minnir að fyrsta platan hafi verið með The Shadows. Svo komu Bítlarnir og Hollies sem voru í sérstöku uppáhaldi í mörg ár.
Hvaða græjur varstu þá með? -Lítinn plötuspilara sem hét Garridge að mig minnir.
Hver var fyrsta platan sem þú óskaðir þér í jólagjöf? -Fyrsta platan var trúlega plata með Tom Jones. Lögin sem ég fílaði mest var I´m alive með Holles og It Won´t Be Long með Bítlunum.
Hvaða lag getur eyðilagt fyrir þér daginn? -Nútíma rapp.
Uppáhalds Júróvisjónlagið (erlent eða innlent eða bæði)? -La det swinge , Congratulation, Fly on the Wings of Love. Nína, Sókrates, All ot of luck.
Þú heldur dúndurpartí í kvöld, hvað læturðu hljóma í græjunum til að koma öllum í stuð? Tom Jones, Dave Clark Five, The Kinks, Sálina, Mannakorn.
Þú vaknar í rólegheitum á sunnudagsmorgni, hvað viltu helst heyra? The Moody Blues, Semino Rossi, André Rieu.
Þú átt þess kost að fara hvert sem er í heiminum og skella þér á tónleika. Hvert færirðu, á hvaða tónleika og hvern tækirðu með þér? Að sjá Paul McCartney eða Semino Rossi. og tæki frúna með.
Hvaða tónlistarmaður hefur þig dreymt um að vera? Chuck Mangione – flugelhorn leikari.
Hver er að þínu mati besta plata sem gefin hefur verið út? -Þær eru nokkrar: Sumar á sírlandi með Stuðmönnum, Lifun með Trúbroti, Abbey Road með Bítlunum, og plata með Carlos Santana.
Sex vinsælustu lögin á Playlistanum þínum? Þetta er flókið ég hef svo víðan tónlistarsmekk.
Bohemian Rhapsody / Queen.
Abbey Road Medley / The Beatles.
Du Är Min Man / Helen Sjöholm og Benny Anderson orkester
Aber Dich ... / Semino Rossi
Chuck Mangione / Feels So Good
Maggi Kjartans / To Be Grateful
Fleiri fréttir
-
Á sterka minningu um boltaleik með langafa sínum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 21.11.2024 kl. 16.33Ólafur Adolfsson er oddviti Sjálfstæðisflokksins í Norðvestur kjördæmi. Ólafur er í sambandi með Margréti Birgisdóttur lyfjafræðingi og á hann tvö uppkomin börn, tvö barnabörn og tvö stjúpbörn. Ólafur er alinn upp í Ólafsvík og hefur auk þess átt heima um skemmri eða lengri tíma á Akranesi, í Reykjavík og á Sauðárkróki og er í dag með lögheimili á Akranesi. Hann er lyfjafræðingur og lyfsali, á og rekur fjórar lyfjabúðir sem eru staðsettar á Akranesi, í Borgarnesi, í Ólafsvík og í Vesturbæ Reykjavíkur.Meira -
Rætt við Grím Rúnar í tilefni 100 ára afmælishátíðar Hvatar á laugardaginn
feykir.is Austur-Húnavatnssýsla, Listir og menning, Lokað efni 21.11.2024 kl. 14.46Það stendur mikið til á Blönduósi nú á laugardaginn því þá fagnar Ungmennafélagið Hvöt 100 ára afmæli sínu með pompi og prakt. Það er því við hæfi að leggja nokkrar spurningar fyrir formann félagsins en það er Grímur Rúnar Lárusson. Grímur er innfæddur Blönduósingar og býr þar, er löglærður fulltrúi sýslumanns að aðalstarfi en í hjáverkum er hann sveitarstjórnarfulltrúi í Húnabyggð og formaður Umf. Hvatar.Meira -
Rótarýklúbburinn býður til ókeypis jólahlaðborðs í tíunda sinn
feykir.is Skagafjörður, Austur-Húnavatnssýsla, Lokað efni 21.11.2024 kl. 13.55Það styttist í aðventuna og í Skagafirði verða ljós tendruð á jólatrénu á Kirkjutorgi laugardaginn 30. nóvember. Sama dag standa Rótarýfélagar fyrir jólahlaðborði í íþróttahúsinu en þangað er öllum boðið og borða saman hangikjöt eða hamborgarhrygg og annað sem nauðsynlegt er. „Okkur Rótarýfélögum finnst þetta afskaplega gefandi, skemmtilegt og mikilvægt verkefni þar sem við sýnum í verki að við viljum láta gott af okkur leiða fyrir samfélagið,“ segir Ómar Bragi Stefánsson, forseti Rótarýklúbbs Sauðárkróks, í spjalli við Feyki.Meira -
Óvissa í kjölfar niðurstöðu héraðsdóms varðandi undanþágu frá samkeppnislögum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 21.11.2024 kl. 11.28Héraðsdómur Reykjavíkur komst að þeirri niðurstöðu sl. mánudag að breytingar á búvörulögum, þar sem framleiðendafélögum var veitt undanþága frá ákvæðum samkeppnislaga, sem samþykktar voru á Alþingi í mars síðastliðnum, hefðu strítt gegn áskildum fjölda umræðna á Alþingi og hafi af þeim sökum ekki lagagildi. Eins og greint hefur verið frá þá keypti Kaupfélag Skagfirðinga í kjölfarið Kjarnafæði - Norðlenska og var langt komið með að kaupa B.Jensen í Eyjafirði.Meira -
Horfði á alþingisrásina eftir skóla
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 21.11.2024 kl. 10.29María Rut Kristinsdóttir er oddviti Viðreisnar í Norðvestur kjördæmi. María er gift Ingileif Friðriksdóttur, eiga þær saman þrjú börn og einn hund. Búsettar í Reykjavík en alltaf með annan fótinn á Flateyri og Ísafirði. María hef starfað sem aðstoðarmaður formanns Viðreisnar síðan 2017 (með stuttu hléi).Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.