„Mér fannst Jóhanna Guðrún alveg æðisleg“ / INGUNN KRISTJÁNS
Ingunn Kristjánsdóttir, fædd árið 1990, er Króksari í húð og hár en foreldrar hennar eru Sigríður Margrét Ingimarsdóttir og Kristján Örn Kristjánsson. Ingunn hefur stundað nám í Bandaríkjunum síðustu árin og útskrifaðist með bachelor í sálfræði frá University of Florida í maí 2014 og stundar nú mastersnám í atferlisfræði við University of the Pacific í Stockon í Kaliforníu. Hún spilar smá á gítar en segist vera alveg „...pro á hristur en annars er það bara röddin sem er mitt aðal hljóðfæri.“ Hún söng sitt fyrsta lag inn á plötu árið sem hún fermdist. „En ætli það standi ekki uppúr að hafa verið í öðru sæti í söngkeppni framhaldsskólanna 2008 og svo var ég auðvitað í hljómsveitinni Batterý og SENSE – good times!“
Hvaða tónlist fær þig til að sperra eyrun þessa dagana? -Það fer algjörlega eftir því í hvernig skapi ég er, hvaða tónlist fær mig til að sperra eyrun en verð alltaf að vera með einhverja tónlist í gangi í kringum mig. Hlusta rosalega mikið á Pandora á netinu þar sem að maður getur valið hverskonar tónlist maður vill hlusta á. Síðan bý ég til lagalista með mismunandi tónlistarmönnum og lögum.
Hvers konar tónlist var hlustað á á þínu heimili? -Var alveg rosalega heppin með það að það var hlustað á allskonar tónlist á mínu heimili. Mamma var að læra óperusöng þegar ég var lítil svo að ég heyrði oft klassíska tónlist, pabbi spilaði á trommurnar sínar úti í skúr með allskonar lögum. Ef að ég var með Ingimar afa þá var það Pavarotti og Dóra amma með Rás1 í gangi. Hjá Sigurbjörgu ömmu og Kristjáni afa þá var það auðvitað Elvis Presley. Kannski er það þessvegna sem að ég á mér engan uppáhalds söngvara – get hlustað á allt.
Hver var fyrsta platan/diskurinn/kasettan/niðurhalið sem þú keyptir þér? -Ætli það hafi ekki verið fyrsti Spice Girls diskurinn.
Hvaða græjur varstu þá með? -Einhverja svakalega “græju” sem var með kasettuspilara og allt!
Hver var fyrsta platan sem þú óskaðir þér í jólagjöf? -Mér fannst Jóhanna Guðrún alveg æðisleg og minnir að það hafi verið fyrsti diskurinn sem að ég fékk í jólagjöf.
Hvaða lag getur eyðilagt fyrir þér daginn? -It’s Friday Friday, gotta get down on Friday …ég örugglega búin að eyðileggja daginn fyrir einhverjum núna!
Uppáhalds Júróvisjónlagið? -Never Ever Gonna Let You Go með Rollo & King.
Þú heldur dúndurpartí í kvöld, hvað læturðu hljóma í græjunum til að koma öllum í stuð? -Haha, það fer eftir því hvort að það væri partý heima á Íslandi eða í Bandaríkjunum. Væri meira RnB, Rapp og EDM ef að það væri í Bandaríkjunum og meira popp og hip hop heima... myndi líka spila mun fleiri íslensk lög í partýi heima.
Þú vaknar í rólegheitum á sunnudagsmorgni, hvað viltu helst heyra? -John Mayer, Jason Mraz eða Michael Bublé.
Þú átt þess kost að fara hvert sem er í heiminum og skella þér á tónleika. Hvert færirðu, á hvaða tónleika og hvern tækirðu með þér? -Ég væri alveg til í að fara á Adele eða Michael Bublé tónleika með mömmu. Ég væri alveg til í að fara bara hvert sem er, til í allt!
Hvaða tónlistarmaður hefur þig dreymt um að vera? -Hvaða kona væri ekki til í að vera Beyonce?!
Hver er að þínu mati besta plata sem gefin hefur verið út? -Ég held að ég eigi mér bara enga uppáhalds plötu!
Fleiri fréttir
-
Á sterka minningu um boltaleik með langafa sínum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 21.11.2024 kl. 16.33Ólafur Adolfsson er oddviti Sjálfstæðisflokksins í Norðvestur kjördæmi. Ólafur er í sambandi með Margréti Birgisdóttur lyfjafræðingi og á hann tvö uppkomin börn, tvö barnabörn og tvö stjúpbörn. Ólafur er alinn upp í Ólafsvík og hefur auk þess átt heima um skemmri eða lengri tíma á Akranesi, í Reykjavík og á Sauðárkróki og er í dag með lögheimili á Akranesi. Hann er lyfjafræðingur og lyfsali, á og rekur fjórar lyfjabúðir sem eru staðsettar á Akranesi, í Borgarnesi, í Ólafsvík og í Vesturbæ Reykjavíkur.Meira -
Rætt við Grím Rúnar í tilefni 100 ára afmælishátíðar Hvatar á laugardaginn
feykir.is Austur-Húnavatnssýsla, Listir og menning, Lokað efni 21.11.2024 kl. 14.46Það stendur mikið til á Blönduósi nú á laugardaginn því þá fagnar Ungmennafélagið Hvöt 100 ára afmæli sínu með pompi og prakt. Það er því við hæfi að leggja nokkrar spurningar fyrir formann félagsins en það er Grímur Rúnar Lárusson. Grímur er innfæddur Blönduósingar og býr þar, er löglærður fulltrúi sýslumanns að aðalstarfi en í hjáverkum er hann sveitarstjórnarfulltrúi í Húnabyggð og formaður Umf. Hvatar.Meira -
Rótarýklúbburinn býður til ókeypis jólahlaðborðs í tíunda sinn
feykir.is Skagafjörður, Austur-Húnavatnssýsla, Lokað efni 21.11.2024 kl. 13.55Það styttist í aðventuna og í Skagafirði verða ljós tendruð á jólatrénu á Kirkjutorgi laugardaginn 30. nóvember. Sama dag standa Rótarýfélagar fyrir jólahlaðborði í íþróttahúsinu en þangað er öllum boðið og borða saman hangikjöt eða hamborgarhrygg og annað sem nauðsynlegt er. „Okkur Rótarýfélögum finnst þetta afskaplega gefandi, skemmtilegt og mikilvægt verkefni þar sem við sýnum í verki að við viljum láta gott af okkur leiða fyrir samfélagið,“ segir Ómar Bragi Stefánsson, forseti Rótarýklúbbs Sauðárkróks, í spjalli við Feyki.Meira -
Óvissa í kjölfar niðurstöðu héraðsdóms varðandi undanþágu frá samkeppnislögum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 21.11.2024 kl. 11.28Héraðsdómur Reykjavíkur komst að þeirri niðurstöðu sl. mánudag að breytingar á búvörulögum, þar sem framleiðendafélögum var veitt undanþága frá ákvæðum samkeppnislaga, sem samþykktar voru á Alþingi í mars síðastliðnum, hefðu strítt gegn áskildum fjölda umræðna á Alþingi og hafi af þeim sökum ekki lagagildi. Eins og greint hefur verið frá þá keypti Kaupfélag Skagfirðinga í kjölfarið Kjarnafæði - Norðlenska og var langt komið með að kaupa B.Jensen í Eyjafirði.Meira -
Horfði á alþingisrásina eftir skóla
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 21.11.2024 kl. 10.29María Rut Kristinsdóttir er oddviti Viðreisnar í Norðvestur kjördæmi. María er gift Ingileif Friðriksdóttur, eiga þær saman þrjú börn og einn hund. Búsettar í Reykjavík en alltaf með annan fótinn á Flateyri og Ísafirði. María hef starfað sem aðstoðarmaður formanns Viðreisnar síðan 2017 (með stuttu hléi).Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.