Ef ég nenni getur eyðilagt lystina á malti og appelsíni / ÁGÚST INGI
Ágúst Ingi Ágústsson (1982) sem búsettur er í Neskaupstað svarar Tón-lystinni í þetta skiptið. Hann er alinn upp í Fellstúninu á Króknum af þeim Önnu Hjartar og Gústa Guðmunds, fyrrum trymbli KS-bandsins. Taktfestan virðist hafa gengið í ættir því hljóðfæri Ágústs Inga er einmitt trommur.
Spurður út í helstu tónlistarafrek segir hann: „ Nirvana-unplugged ábreiðudúó með Sveini Guðmundssyni Dýllara jr. í bílskúrnum á Fellstúni 5 og pönksveitin DDT-Skordýraeitur sem starfar um þessar mundir. Sveitin semur ýmsa texta og spilar í frjálsri tóntegund. DDT koma fram tvisvar í þessum mánuði, svo ætli toppnum sé ekki náð.“
Hvaða lag varstu að hlusta á? Hope That I Don’t Fall in Love With You með Tom Waits. Hluti af undirbúningi fyrir afmælistónleika rhythmagítarleikara DDT.
Uppáhalds tónlistartímabil? Rokk frá áttunda áratugnum og ameríska grungið frá 10. áratugnum.
Hvaða tónlist fær þig til að sperra eyrun þessa dagana? Hljómsveitin Tuð – stórlega vanmetið íslenskt pönk. Dimma eru líka mjög góðir.
Hvers konar tónlist var hlustað á á þínu heimili? Hrátt rokk frá áttunda áratugnum réð ríkjum. Strait shooterplatan með Bad Company fór oftast undir nálina.
Hver var fyrsta platan/diskurinn/kasettan/niðurhalið sem þú keyptir þér? Nevermind með Nirvana í formi geisladisks.
Hvaða græjur varstu þá með? Það var best að spila diskinn í grjæunum í stofunni, man ekki hvaða gerðar þær voru.
Hver var fyrsta platan sem þú óskaðir þér í jólagjöf eða fyrsta lagið sem þú mannst eftir að hafa fílað í botn? Roy Rogers með Halla og Ladda var í miklu uppáhaldi eftir að maður lærði á plötuspilarann en fyrsta platan sem ég óskaði mér var Queen Greatest hits.
Hvaða lag getur eyðilagt fyrir þér daginn? Það er eitthvað gott í flestum lögum. Hins vegar getur jólalagið Ef ég nenni eyðilagt listina á malti og appelsíni.
Uppáhalds Júróvisjónlagið? Franska lagið frá árinu 2010 Allez Ola Olé með Jessy Matador. Besta íslenska lagið er Euróvísa með Botnleðju.
Þú heldur dúndurpartí í kvöld, hvað læturðu hljóma í græjunum til að koma öllum í stuð? Paradise City með Guns n Roses.
Þú vaknar í rólegheitum á sunnudagsmorgni, hvað viltu helst heyra? Sunnudagsmorgunn með Jóni Ólafssyni.
Þú átt þess kost að fara hvert sem er í heiminum og skella þér á tónleika. Hvert færirðu, á hvaða tónleika og hvern tækirðu með þér? Pearl Jam í London með kærustunni eða Á Móti Sól í Miðgarði með strákunum.
Hvað músík var helst blastað í bílnum þegar þú varst nýkomin með bílpróf? Alvöru þungarokk. AC/DC, Guns N’ Roses og Metallica.
Hvaða tónlistarmaður hefur þig dreymt um að vera? Vildi ég væri jafn góður og Lars Ulrich.
Hver er að þínu mati besta plata sem gefin hefur verið út? Get ekki gert uppá milli Never Mind með Nirvana og Ten með Pearl Jam.
Sex vinsælustu lögin á Playlistanum þínum?
Enter Sandman – Metallica
Smells Like Teen Spirit – Nirvana
Even Flow – Pearl Jam
100% - Tuð
Klæddu þig í gervi – DDT
Þungur kross - Dimma
Fleiri fréttir
-
Á sterka minningu um boltaleik með langafa sínum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 21.11.2024 kl. 16.33Ólafur Adolfsson er oddviti Sjálfstæðisflokksins í Norðvestur kjördæmi. Ólafur er í sambandi með Margréti Birgisdóttur lyfjafræðingi og á hann tvö uppkomin börn, tvö barnabörn og tvö stjúpbörn. Ólafur er alinn upp í Ólafsvík og hefur auk þess átt heima um skemmri eða lengri tíma á Akranesi, í Reykjavík og á Sauðárkróki og er í dag með lögheimili á Akranesi. Hann er lyfjafræðingur og lyfsali, á og rekur fjórar lyfjabúðir sem eru staðsettar á Akranesi, í Borgarnesi, í Ólafsvík og í Vesturbæ Reykjavíkur.Meira -
Rætt við Grím Rúnar í tilefni 100 ára afmælishátíðar Hvatar á laugardaginn
feykir.is Austur-Húnavatnssýsla, Listir og menning, Lokað efni 21.11.2024 kl. 14.46Það stendur mikið til á Blönduósi nú á laugardaginn því þá fagnar Ungmennafélagið Hvöt 100 ára afmæli sínu með pompi og prakt. Það er því við hæfi að leggja nokkrar spurningar fyrir formann félagsins en það er Grímur Rúnar Lárusson. Grímur er innfæddur Blönduósingar og býr þar, er löglærður fulltrúi sýslumanns að aðalstarfi en í hjáverkum er hann sveitarstjórnarfulltrúi í Húnabyggð og formaður Umf. Hvatar.Meira -
Rótarýklúbburinn býður til ókeypis jólahlaðborðs í tíunda sinn
feykir.is Skagafjörður, Austur-Húnavatnssýsla, Lokað efni 21.11.2024 kl. 13.55Það styttist í aðventuna og í Skagafirði verða ljós tendruð á jólatrénu á Kirkjutorgi laugardaginn 30. nóvember. Sama dag standa Rótarýfélagar fyrir jólahlaðborði í íþróttahúsinu en þangað er öllum boðið og borða saman hangikjöt eða hamborgarhrygg og annað sem nauðsynlegt er. „Okkur Rótarýfélögum finnst þetta afskaplega gefandi, skemmtilegt og mikilvægt verkefni þar sem við sýnum í verki að við viljum láta gott af okkur leiða fyrir samfélagið,“ segir Ómar Bragi Stefánsson, forseti Rótarýklúbbs Sauðárkróks, í spjalli við Feyki.Meira -
Óvissa í kjölfar niðurstöðu héraðsdóms varðandi undanþágu frá samkeppnislögum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 21.11.2024 kl. 11.28Héraðsdómur Reykjavíkur komst að þeirri niðurstöðu sl. mánudag að breytingar á búvörulögum, þar sem framleiðendafélögum var veitt undanþága frá ákvæðum samkeppnislaga, sem samþykktar voru á Alþingi í mars síðastliðnum, hefðu strítt gegn áskildum fjölda umræðna á Alþingi og hafi af þeim sökum ekki lagagildi. Eins og greint hefur verið frá þá keypti Kaupfélag Skagfirðinga í kjölfarið Kjarnafæði - Norðlenska og var langt komið með að kaupa B.Jensen í Eyjafirði.Meira -
Horfði á alþingisrásina eftir skóla
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 21.11.2024 kl. 10.29María Rut Kristinsdóttir er oddviti Viðreisnar í Norðvestur kjördæmi. María er gift Ingileif Friðriksdóttur, eiga þær saman þrjú börn og einn hund. Búsettar í Reykjavík en alltaf með annan fótinn á Flateyri og Ísafirði. María hef starfað sem aðstoðarmaður formanns Viðreisnar síðan 2017 (með stuttu hléi).Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.