„Beethoven og Bach eru smám saman að ná tökum á mér“ / HAUKUR ÁSGEIRS
Tón-lystarmaðurinn að þessu sinni er Haukur Ásgeirsson (1953), skráður deildarstjóri hitaveitna hjá RARIK á Norðurlandi, en Haukur hefur búið á Blönduósi til langs tíma. „ Ég er fæddur á Ólafsfirði, ættaður úr Fljótunum og Ólafsfirði. Ég tel mig vera Skagfirðing en hef búið á Ólafsfirði, Akureyri, Seyðisfirði, Reykjavík, Blönduósi, Odense og bý núna á Blönduósi. Konan mín er frá Reykjavík.
Haukur spilar á gítar, bassagítar, trommur, minna á hljómborð og loks á trompet með lúðrasveitinni.
Spurður út í helstu afrek sín á tónlistarsviðinu segir hann: „Ég byrjaði snemma að spila í hljómsveitum. Þær hétu ýmsum nöfnum: Steríó, Spaðar, Ósmenn, Svarta María, Lagsmenn, Demó og einhverjar fleiri. Ég lærði í tónskóla Sigursveins D Kristinssonar hjá Sigursveini og Gunnari Jónssyni. Ég kenndi á gítar og flautu í tónlistarskólanum á Blönduósi en þá var maður varla matvinnungur svo að ég hætti því fljótt og fór að vinna fyrir mér. Hef dundað við að semja lög sem flest gleymast jafnóðum en nokkur á ég þó og hef sent í dægurlagakeppni Kvenfélags Sauðárkróks sem var ætíð skemmtileg. Helsta tónlistarafrek mitt var örugglega að leika á gítar með hljómsveitinni Ósmönnum [frá Blönduósi] á sínum tíma, 2-3svar í viku allt árið. Það var mikil vinna í nokkur ár.
Hvaða lag varstu að hlusta á? Sultans of Swing með Dire Straits.
Uppáhalds tónlistartímabil? Árabilið 1965-1975, það er lang lang lang besta tímabilið.
Hvaða tónlist fær þig til að sperra eyrun þessa dagana? Beethoven og Bach eru smám saman að ná tökum á mér, ég er trúlega að þroskast eitthvað í seinni tíð.
Hvers konar tónlist var hlustað á á þínu heimili? Dægurlagatónlist en stundum þó á tónlist Schuberts, Mozarts og á fleiri gamalla karla.
Hver var fyrsta platan/diskurinn/kasettan/niðurhalið sem þú keyptir þér? Ég veit að það voru örugglega bítlarnir en hver af þeim, man ekki.
Hvaða græjur varstu þá með? Radionette og heimasmíðað hátalarakit frá Danmörku.
Hver var fyrsta lagið sem þú mannst eftir að hafa fílað í botn? Born to be Wild með Steppenwolf, það var eins og vera á mótorhjóli á 200 km hraða.
Hvaða lag getur eyðilagt fyrir þér daginn? Rapp.
Þú heldur dúndurpartí í kvöld, hvað læturðu hljóma í græjunum til að koma öllum í stuð? Keep on Running með Spencer Davies Group eða Sultans of Swing með Dire Straits.
Þú vaknar í rólegheitum á sunnudagsmorgni, hvað viltu helst heyra? Leona Lewis með Run.
Þú átt þess kost að fara hvert sem er í heiminum og skella þér á tónleika. Hvert færirðu, á hvaða tónleika og hvern tækirðu með þér? Ég tæki gamla vin minn hann Skarphéðinn Einarsson með mér til Bretlands að hlusta á Led Zeppelín eins og forðum í höllinni 1971. Sennilega færi ég með hann á einhvern karlakórinn í leiðinni.
Hvað músík var helst blastað í bílnum þegar þú varst nýkominn með bílpróf? Rock.
Hvaða tónlistarmaður hefur þig dreymt um að vera? Jimmy Page... já, og líklega Gary Moore.
Hver er að þínu mati besta plata sem gefin hefur verið út? Lifun með Trúbrot, hún var alveg sérstök á sínum tíma.
Sex vinsælustu lögin á Playlistanum þínum?
David Gilmour og Pink Foyd / Wish You Were Here
Leona Lewis / Run
Gary Moore / Still Got The Blues
Æi, það má ekki spyrja svona...
Fleiri fréttir
-
Á sterka minningu um boltaleik með langafa sínum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 21.11.2024 kl. 16.33Ólafur Adolfsson er oddviti Sjálfstæðisflokksins í Norðvestur kjördæmi. Ólafur er í sambandi með Margréti Birgisdóttur lyfjafræðingi og á hann tvö uppkomin börn, tvö barnabörn og tvö stjúpbörn. Ólafur er alinn upp í Ólafsvík og hefur auk þess átt heima um skemmri eða lengri tíma á Akranesi, í Reykjavík og á Sauðárkróki og er í dag með lögheimili á Akranesi. Hann er lyfjafræðingur og lyfsali, á og rekur fjórar lyfjabúðir sem eru staðsettar á Akranesi, í Borgarnesi, í Ólafsvík og í Vesturbæ Reykjavíkur.Meira -
Rætt við Grím Rúnar í tilefni 100 ára afmælishátíðar Hvatar á laugardaginn
feykir.is Austur-Húnavatnssýsla, Listir og menning, Lokað efni 21.11.2024 kl. 14.46Það stendur mikið til á Blönduósi nú á laugardaginn því þá fagnar Ungmennafélagið Hvöt 100 ára afmæli sínu með pompi og prakt. Það er því við hæfi að leggja nokkrar spurningar fyrir formann félagsins en það er Grímur Rúnar Lárusson. Grímur er innfæddur Blönduósingar og býr þar, er löglærður fulltrúi sýslumanns að aðalstarfi en í hjáverkum er hann sveitarstjórnarfulltrúi í Húnabyggð og formaður Umf. Hvatar.Meira -
Rótarýklúbburinn býður til ókeypis jólahlaðborðs í tíunda sinn
feykir.is Skagafjörður, Austur-Húnavatnssýsla, Lokað efni 21.11.2024 kl. 13.55Það styttist í aðventuna og í Skagafirði verða ljós tendruð á jólatrénu á Kirkjutorgi laugardaginn 30. nóvember. Sama dag standa Rótarýfélagar fyrir jólahlaðborði í íþróttahúsinu en þangað er öllum boðið og borða saman hangikjöt eða hamborgarhrygg og annað sem nauðsynlegt er. „Okkur Rótarýfélögum finnst þetta afskaplega gefandi, skemmtilegt og mikilvægt verkefni þar sem við sýnum í verki að við viljum láta gott af okkur leiða fyrir samfélagið,“ segir Ómar Bragi Stefánsson, forseti Rótarýklúbbs Sauðárkróks, í spjalli við Feyki.Meira -
Óvissa í kjölfar niðurstöðu héraðsdóms varðandi undanþágu frá samkeppnislögum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 21.11.2024 kl. 11.28Héraðsdómur Reykjavíkur komst að þeirri niðurstöðu sl. mánudag að breytingar á búvörulögum, þar sem framleiðendafélögum var veitt undanþága frá ákvæðum samkeppnislaga, sem samþykktar voru á Alþingi í mars síðastliðnum, hefðu strítt gegn áskildum fjölda umræðna á Alþingi og hafi af þeim sökum ekki lagagildi. Eins og greint hefur verið frá þá keypti Kaupfélag Skagfirðinga í kjölfarið Kjarnafæði - Norðlenska og var langt komið með að kaupa B.Jensen í Eyjafirði.Meira -
Horfði á alþingisrásina eftir skóla
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 21.11.2024 kl. 10.29María Rut Kristinsdóttir er oddviti Viðreisnar í Norðvestur kjördæmi. María er gift Ingileif Friðriksdóttur, eiga þær saman þrjú börn og einn hund. Búsettar í Reykjavík en alltaf með annan fótinn á Flateyri og Ísafirði. María hef starfað sem aðstoðarmaður formanns Viðreisnar síðan 2017 (með stuttu hléi).Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.