„AC/DC hefur hingað til ekki klikkað til að koma öllum í gírinn“ / ÁSBJÖRN WAAGE
Nú á dögunum fór fram árleg Söngkeppni NFNV og þar stóð uppi sem sigurvegari Ásbjörn Edgar Waage. Hann er fæddur árið 1999 og alinn upp á Þorgrímsstöðum á Vatnsnesi í Vestur-Húnavatnssýslu. Hann stundur nú nám við Fjölbrautaskóla Norðurlands vestra á Sauðárkróki. Það þótti við hæft að fá kappann til að svara Tón-lystinni í Feyki.
Ásbjörn segir að þrátt fyrir að hafa glamrað á hin og þessi hljóðfæri þá haldi hann sig langmest við sönginn og helstu afrekin á tónlistarsviðinu séu að hafa orðið annar í Söngkeppni NFNV árið 2017 og síðan í fyrsta sæti nú árið 2019 þar sem hann söng lagið Last in Line með Tenacious D.
Hvaða lag varstu að hlusta á? Lagið Burn með Deep Purple.
Uppáhalds tónlistartímabil? Erfitt að gera uppá milli þeirra, en svona yfir heildina séð er það tvímælalaust áttundi áratugur síðustu aldar(1970-1979).
Hvaða tónlist fær þig til að sperra eyrun þessa dagana? Verð að viðurkenna að megnið af þeirri tónlist sem er gerð í dag höfðar alls ekki til mín en þó eru listamenn og bönd eins og Kendrick Lamar og Ghost sem mér finnst skemmtilegt að fylgjast með.
Hvers konar tónlist var hlustað á á þínu heimili? Það var og er mjög blandað, allt frá klassísku rokki og blús til íslenskra dægurlaga.
Hver var fyrsta platan/diskurinn/kasettan/niðurhalið sem þú keyptir þér? Ef minnið svíkur mig ekki þá var það Master of Puppets með Metallica.
Hvaða græjur varstu þá með? Engar svaka græjur svosem, bara lítið Panasonic útvarp með geislaspilara.
Hver var fyrsta lagið sem þú mannst eftir að hafa fílað í botn? Það var Smells Like Teen Spirit með Nirvana.
Hvaða lag getur eyðilagt fyrir þér daginn eða fer óstjórnlega í taugarnar á þér? Úff, það er slatti af þeim til, en nóg er að setja á eitthvað með Áttuni.
Þú heldur dúndurpartí í kvöld, hvað læturðu hljóma í græjunum til að koma öllum í stuð? AC/DC hefur hingað til ekki klikkað til að koma öllum í gírinn.
Þú vaknar í rólegheitum á sunnudagsmorgni, hvað viltu helst heyra? Mescalin með EGÓ er sterkur leikur á slíkri stund.
Þú átt þess kost að fara hvert sem er í heiminum og skella þér á tónleika. Hvert færirðu, á hvaða tónleika og hvern tækirðu með þér? Ef ég ætti valið á hvað sem er myndi ég án efa skella mér til Englands með vini mínum, Agnari, að sjá Black Sabbath aftur.
Hvaða tónlistarmaður hefur þig dreymt um að vera eða haft mest áhrif á þig? Ronnie James Dio er án efa sá tónlistarmaður sem haft hefur langmest áhrif á mig í gegnum tíðina, hvort sem það varðar textasmíði eða söng, þá er hann án efa að mínu mati einn besti tónlistarmaður sem uppi hefur verið.
Hver er að þínu mati besta plata sem gefin hefur verið út? Margar frábærar plötur eru í miklu uppáhaldi hjá mér en þó sérstaklega eru tvær plötur sem sitja saman í fyrsta sæti sem ég fæ mig ekki til að gera uppá milli, og eru það Holy Diver með Dio og Sabbath Bloody Sabbath með Black Sabbath.
Sex vinsælustu lögin á Playlistanum þínum?
Follow the Tears / Heaven and Hell
Welcome to the Garden State / Overkill
Message in a Bottle / The Police
To Defy the Laws of Tradition / Primus
The Phantom Opera Ghost / Iced Earth
Empire of the Clouds / Iron Maiden.
Fleiri fréttir
-
Á sterka minningu um boltaleik með langafa sínum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 21.11.2024 kl. 16.33Ólafur Adolfsson er oddviti Sjálfstæðisflokksins í Norðvestur kjördæmi. Ólafur er í sambandi með Margréti Birgisdóttur lyfjafræðingi og á hann tvö uppkomin börn, tvö barnabörn og tvö stjúpbörn. Ólafur er alinn upp í Ólafsvík og hefur auk þess átt heima um skemmri eða lengri tíma á Akranesi, í Reykjavík og á Sauðárkróki og er í dag með lögheimili á Akranesi. Hann er lyfjafræðingur og lyfsali, á og rekur fjórar lyfjabúðir sem eru staðsettar á Akranesi, í Borgarnesi, í Ólafsvík og í Vesturbæ Reykjavíkur.Meira -
Rætt við Grím Rúnar í tilefni 100 ára afmælishátíðar Hvatar á laugardaginn
feykir.is Austur-Húnavatnssýsla, Listir og menning, Lokað efni 21.11.2024 kl. 14.46Það stendur mikið til á Blönduósi nú á laugardaginn því þá fagnar Ungmennafélagið Hvöt 100 ára afmæli sínu með pompi og prakt. Það er því við hæfi að leggja nokkrar spurningar fyrir formann félagsins en það er Grímur Rúnar Lárusson. Grímur er innfæddur Blönduósingar og býr þar, er löglærður fulltrúi sýslumanns að aðalstarfi en í hjáverkum er hann sveitarstjórnarfulltrúi í Húnabyggð og formaður Umf. Hvatar.Meira -
Rótarýklúbburinn býður til ókeypis jólahlaðborðs í tíunda sinn
feykir.is Skagafjörður, Austur-Húnavatnssýsla, Lokað efni 21.11.2024 kl. 13.55Það styttist í aðventuna og í Skagafirði verða ljós tendruð á jólatrénu á Kirkjutorgi laugardaginn 30. nóvember. Sama dag standa Rótarýfélagar fyrir jólahlaðborði í íþróttahúsinu en þangað er öllum boðið og borða saman hangikjöt eða hamborgarhrygg og annað sem nauðsynlegt er. „Okkur Rótarýfélögum finnst þetta afskaplega gefandi, skemmtilegt og mikilvægt verkefni þar sem við sýnum í verki að við viljum láta gott af okkur leiða fyrir samfélagið,“ segir Ómar Bragi Stefánsson, forseti Rótarýklúbbs Sauðárkróks, í spjalli við Feyki.Meira -
Óvissa í kjölfar niðurstöðu héraðsdóms varðandi undanþágu frá samkeppnislögum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 21.11.2024 kl. 11.28Héraðsdómur Reykjavíkur komst að þeirri niðurstöðu sl. mánudag að breytingar á búvörulögum, þar sem framleiðendafélögum var veitt undanþága frá ákvæðum samkeppnislaga, sem samþykktar voru á Alþingi í mars síðastliðnum, hefðu strítt gegn áskildum fjölda umræðna á Alþingi og hafi af þeim sökum ekki lagagildi. Eins og greint hefur verið frá þá keypti Kaupfélag Skagfirðinga í kjölfarið Kjarnafæði - Norðlenska og var langt komið með að kaupa B.Jensen í Eyjafirði.Meira -
Horfði á alþingisrásina eftir skóla
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 21.11.2024 kl. 10.29María Rut Kristinsdóttir er oddviti Viðreisnar í Norðvestur kjördæmi. María er gift Ingileif Friðriksdóttur, eiga þær saman þrjú börn og einn hund. Búsettar í Reykjavík en alltaf með annan fótinn á Flateyri og Ísafirði. María hef starfað sem aðstoðarmaður formanns Viðreisnar síðan 2017 (með stuttu hléi).Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.