Úthlutun lóða í Varmahlíð, Sauðárkróki og Steinsstöðum
Skagafjörður auglýsir á heimasíðu sinni lausar lóðir til úthlutunar í Varmahlíð, Sauðárkróki og sumarhúsabyggð við Steinsstaði. Á Sauðárkróki eru fjórar parhúsalóðir til úthlutunar við Nestún, tíu einbýlishúsalóðir, tvær raðhúsalóðir og þrjár parhúsalóðir í Varmahlíð og fjórar frístundalóðir á Steinsstöðum.
Á Sauðárkróki eru fjórar parhúsalóðir til úthlutunar við Nestún. Til úthlutunar eru lóðir númer 16 (verður 16a og 16b), 18 (verður 18a og 18b), 22 (verður 22a og 22b) og 24 (verður 24a og 24b).
Í Varmahlíð liggur fyrir staðfest deiliskipulag við Birkimel með tíu einbýlishúsalóðum, tveimur raðhúsalóðum og þremur parhúsalóðum. Í fyrsta áfanga gatnagerðar við Birkimel verða auglýstar til úthlutunar einbýlishúsalóðirnar Birkimelur 25, 27 og 32, parhúsalóðirnar Birkimelur 13-15, 17-19 og 21-23 og raðhúsalóðina Birkimelur 34-40.
Á Steinsstöðum eru frístundalóðir nr. 4, 6, 7 og 8 auglýstar til úthlutunar.
Fram kemur í frétt sveitarfélagsins að ofangreindum lóðum verði úthlutað í samræmi við úthlutunarreglur Skagafjarðar og skulu umsóknir um lóðir vera í samræmi við þær. Hægt er að skoða úthlutunarreglur og fyrirkomulag umsókna með því að smella HÉR
Einungis er hægt að sækja um eina lóð og aðra tilgreinda lóð til vara en dregið verður úr umsóknum verði fleiri en einn umsækjandi um lóð. Ef um er að ræða einstaklinga sem sækjast eftir parhúsalóð skulu þeir leggja inn sameiginlega umsókn um báðar íbúðir á lóðinni.
Umsóknafrestur er til 8. september nk.
Fleiri fréttir
-
Stóllinn, Stóllinn, Stóllinn, Tindastóll!
feykir.is Skagafjörður, Lokað efni 28.11.2024 kl. 16.38Nýr Stóll hefur litið dagsins ljós og var dreift í hús á Sauðárkróki í gær. Það er körfuknattleiksdeild Tindastóls sem gefur út en starfsfólk Nýprents safnar efni, útbýr viðtöl og hefur veg og vanda að uppsetningu og vinnslu. Það er síðan meistari Davíð Már sem annast myndatökur.Meira -
Vonast til að FabLab-aðstaða verði opnuð í byrjun næsta árs
feykir.is Vestur-Húnavatnssýsla, Mannlíf, Lokað efni 28.11.2024 kl. 14.23Opið samráð um samfélagsmiðstöð í Félagsheimilinu Hvammstanga er kynnt á heima-síðu Húnaþings vestra. Feykir forvitnaðist aðeins um málið hjá Unni Valborgu Hilmarsdóttur sveitarstjóra og þar á meðal hvaða þjónustu hún sjái fyrir sér að verði veitt í miðstöðinni.Meira -
Öflugur landbúnaður er lykill að kröftugri byggð
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 28.11.2024 kl. 13.45Til að stuðla að farsæld og heilbrigðum vexti landbúnaðar og fæðutengdrar starfsemi þurfum við að hugsa fyrir framtíðinni í stærra samhengi en mér sýnist hafa verið gert hingað til. Opinber stuðningur skiptir augljóslega máli, en fleiri þurfa að leggja lóð sitt á vogaskálarnar.Meira -
Tækifærin í Norðvesturkjördæmi
feykir.is Skagafjörður, Austur-Húnavatnssýsla, Aðsendar greinar 28.11.2024 kl. 11.45Norðvesturkjördæmi er einstakt, þar sem stórbrotin náttúra, rík saga og menning mætast. Til að byggja upp öflugt samfélag og skapa jákvæðar framtíðarhorfur, verðum við að nýta þau tækifæri er hér felast. Við í Vinstri grænum leggjum áherslu á vel mannaða heilsugæslu, bættar samgöngur, fjölbreytta atvinnu og verndun náttúrunnar, því þannig leggjum við grunninn að öflugu samfélagi til langframa.Meira -
Ég vil vera sterkur málsvari fyrir ykkur
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 28.11.2024 kl. 09.17Það er búið að vera óendanlega gefandi vegferð að ferðast um Norðvesturkjördæmi síðastliðnar vikur. Það hefur verið magnað að heimsækja ykkur mörg og fylgjast með uppgangi nýsköpunar, frumkvöðlastarfs og vaxtar í bland við sterka og rótgróna atvinnuv...Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.