Sláttur hófst um helgina eftir stórundarlega tíð
Sláttur hófst í Skagafirði um síðastliðna helgi eftir langa bið. Veðurfarið hefur ekki verið bændum hagstætt þetta árið og þegar Feykir skoðaði hvenær sláttur hefur hafist undanfarin ár þá fundust ekki dæmi um að sláttur hæfist svona seint. Þó er ljóst að ekki er um met að ræða. Feykir hafði samband við Guðrúnu Kristínu og Valdimar á Sólheimum í Sæmundarhlíð en þau náðu að slá u.þ.b. fjóra hektara sl. helgi.
Samkvæmt veðurspánni átti ekki að vera mikill þurrkur og það gras sem var komið var ekki mikið. Sprettan um helgina var aftur á móti góð því verðið var gott og því hægt að halda áfram að slá eftir að rigningin hætti.
„Við vorum vel birgð af heyi enda erum við bara með kúabúskap og nokkra hesta og það er yfirleitt sama magn af heyi sem fer í þau dýr ár eftir ár,“ segir Guðrún þegar Feykir spyr hvort þær birgðir sem þau áttu hafi verið búnar fyrir sláttinn. Margir bændur í Skagafirði voru ekki í góðum málum hvað heybirgðir varðar þar sem sláttur gat ekki hafist fyrr – eða þremur til fjórum vikum síðar en í fyrrasumar.
Munið þið eftir öðru eins vori eins og í ár þar sem sláttur gat ekki hafist fyrr en um mánaðamótin júní-júlí? „Já, eftir mjög kalt og þurrt vor árið 2011 byrjuðum við slátt 3. júlí en tengdaforeldrar mínir byrjuðu að heyja hér í Sólheimum 18. júlí árið 1979 – en það ár kom víst aldrei sumar," segir Guðrún.
Feykir óskar öllum bændum góðs gengis í sumarslættinum og vonar að það verði hægt að slá eitthvað fram á haustið svo bændur lendi ekki í heyskorti næsta vetur.
Fleiri fréttir
-
Hressandi að skella sér í sjósund
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 17.15Ingibjörg Davíðsdóttir er oddviti Miðflokksins frá bænum Arnbjargarlæk í Þverárhlíð í Borgarbyggð, fædd á Akranesi 1970 og á einnig ættir að rekja til Breiðafjarðareyja, Reykhóla og Múla á Barðaströnd. Ingibjörg á eina uppkomna dóttur og á heima í sveitinni og Garðabæ. Hún er sendiherra og stjórnarformaður Íslenska fæðuklasans. Hefur starfað í utanríkisþjónustunni í ríflega 25 ár, meðal annars sem sendiherra Íslands í Noregi, ráðgjafi forsætisráðherra í utanríkismálum ásamt því að starfa í sendiskrifstofum Íslands í Genf, Vínarborg og London. Ingibjörg tók sér leyfi frá utanríkisþjónustunni í fyrra og stofnaði Íslenska fæðuklasann.Meira -
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira -
Afmælisveisla Hvatar er einmitt í dag!
feykir.is Austur-Húnavatnssýsla, Mannlíf, Lokað efni 23.11.2024 kl. 09.45Félagar í Ungmennafélaginu Hvöt á Blönduósi fagna í dag stórafmæli félagsins en í dag eru nákvæmlega 100 ár og tveir dagar frá stofnun þess árið 1924. Af þessu tilefni verður afmælishátíð í Íþróttamiðstöðinni á Blönduósi og hefst dagskráin kl. 13:00 og verður margt til gamans gert.Meira -
Eflum ferðaþjónustu í Norðvesturkjördæmi | Heiðdís Rós Eyjólfsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 09.45Ferðaþjónustan hefur verið ein af leiðandi ástæðum fyrir vaxtaþrótti íslensks samfélags undanfarin ár og eftirspurn eftir íslenskri ferðaþjónustu hefur vaxið af miklum krafti þótt jarðhræringarnar á Reykjanesskaga hafi leitt til ákveðinnar hnignunar. Þrátt fyrir allt hefur fjöldi erlendra ferðamanna á fyrstu níu mánuðum ársins verið lítillega yfir fjölda síðasta árs en fjöldi gistinátta hefur hins vegar dregist saman. Eins og kemur fram í þjóðhagsspá Hagstofunnar í nóvember er búist við því að fjöldi erlendra ferðamanna haldist stöðugur á næsta ári í 2,3 milljónum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.