Sigríður Hrund lagði land undir fót
Fyrsta legg hringferðar Sigríðar Hrundar um landsbyggðina er nú lokið. Sigríður Hrund lagði land undir fót og heimsótti fjóra staði á Norðurlandi; Sauðárkrók, Siglufjörð, Dalvík og Akureyri og voru viðtökur góðar. Markmiðið var að eiga beint og milliliðalaust spjall við þjóðina á heimavelli og heppnaðist það vel. Mæting var góð og sköpuðust innihaldsríkar umræður. Sigríður kom líka í hádegisspjall á Hvammstanga og heimsótti Dalamenn.
Boðað var til opinna funda á sex stöðum víðsvegar um Norðurlandið, en auk þess sem Sigríður Hrund heimsótti vinnustaði og var að auki ítrekað boðið óvænt til kaffispjalls á heimilum fólks. Gæddu fundargestir sér á kaffi og með því að hætti heimamanna og tóku spjall um það sem skipti máli fyrir svæðið hverju sinni. Umræðurnar voru fróðlegar og einstaklega gagnlegar í farteskið fyrir komandi tíma.
„Ég var svo lánsöm að fá að hitta fólkið á landsbyggðinni á þeirra heimavelli. Sama hvar okkur bar niður virtist samhljómur í hugum fólks varðandi forsetaembættið. Það má segja að leiðarstefið í gegnum flesta fundina hafi verið mikilvægi þess að forseti hlusti vel á þjóðina, standi með þjóðinni og sé óháð í sinni afstöðu. Ég er afar þakklát fyrir móttökurnar og auðmjúk í hjarta. Það var dýrmætt að setjast niður persónulega með fólkinu og eiga þessi innihaldsríku samtöl um líf þeirra og framtíð, en ég er mætt til að þjóna í okkar þágu,“ segir Sigríður Hrund.
Hér meðfylgjandi eru nokkrar myndir frá ferðalaginu og þessum dýrmætu stundum með fólkinu sem Sigríður Hrund kynntist á ferð sinni um Norðurland.
Næsta fundaröð Sigríðar Hrundar þar sem hún spjallar við þjóðina, verður á Austurlandi og hefst í vikunni eftir Páska.
/fréttatilkynning
Fleiri fréttir
-
"Finnst mjög gaman að skapa fyrir barnabörnin"
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni, Handverk 26.12.2024 kl. 13.58Helga Þorbjörg Hjálmarsdóttir fædd og uppalinn á Tunguhálsi ll í Tungusveit býr með Guðmundi Guðmundssyni frá Fossum í Svartárdal á Lækjarbrekku á Steinsstöðum. Þau byggðu sér hús þar árin 1994-1995 og ólu upp sín fjögur börn sem öll eru flogin úr hreiðrinu, eiga sjö barnabörn og eitt á leiðinni. Helga starfar sem stuðningsfulltrúi í Varmahlíðarskóla og við heimaþjónustu í Skagafirði.Meira -
Aðsend Jólasaga - „Anna litla og tuskudúkka“ | Rúnar Kristjánsson
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 26.12.2024 kl. 13.00Anna litla sat úti í einu horninu á litlu lóðinni kringum húsið og lék sér með tuskudúkkuna sína. Það var sólskin og blíða og hún var þarna ein að dunda sér. Henni fannst svo mikils virði að fá að vera í friði með sín hugðarefni. Það var svo sjaldan hægt að fá frið, því systkinin voru mörg og oft svo hávaðasamt á heimilinu. Eldri bræður hennar þóttust orðnir heilmiklir karlar og litu á hana sem smábarn og stóra systir gat stundum verið svo mikil skessa við hana. Önnu litlu fannst hún oft vera ein í heiminum. Það var eins og enginn skildi hana eða vildi gefa sér tíma til að sinna henni.Meira -
Héldu glöð, ánægð og hrærð út í kvöldhúmið
feykir.is Skagafjörður, Lokað efni 25.12.2024 kl. 10.00Kirkjukór Glaumbæjarprestakalls lagði land undir fót í aðdraganda aðventu í byrjun nóvember og hélt til Þýskalands til að syngja á menningarnótt í Rheinsberg þar í landi. Ferðin var farin ári á eftir áætlun og Feykir hafði samband við Gunnar Rögnvaldsson á Löngumýri og bað hann að segja okkur ferðasöguna.Meira -
Fyrst New York Times og nú Feykir
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 25.12.2024 kl. 09.00Ragnheiður Sjöfn Jóhannsdóttir er fædd á Landsspítalanum að morgni 27. júlí 1955 og flaug sína fyrstu flugferð tíu daga gömul til Sauðárkróks, með kjörforeldrum sínum, en hún er kjördóttir þeirra Jóhanns Sólbergs Þorsteinssonar mjólkursamlagsstjóra og Áslaugar Sigfúsdóttur og hefur verið Sauðkrækja síðan. Ragnheiður segist þurfa að búa á landsbyggðinni og bjó lengi í Borgarnesi og svo Mosfellsbæ áður en hún flutti á Hvammstanga þar sem hún býr í dag með manni sínum Guðmundi Hauki Sigurðssyni.Meira -
Gleðileg jól
feykir.is Skagafjörður, Austur-Húnavatnssýsla, Vestur-Húnavatnssýsla 24.12.2024 kl. 18.00Steikin inn í ofninum og spennan stöðugt vex, allir bíða eftir því að klukkan slái sex, eins og segir í textanum, nú þarf ekki lengur að bíða þess og óskar Feykir lesendum og landsmönnum öllum gleðilegra jóla og farsældar á komandi ári með kærri þökk fyrir það liðna.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.